Revelation 1:5 - Ohiatonhseratokénti

⁵ tánon thóh nénhtewe raonhà꞉ke ne Ié꞉sos Kerístos, ne ne roriwahtó꞉ken rariwaní꞉rats, ne ne thotierénhton sawenhnakerá꞉ton tsi nokwáh ne kenheiátne, tánon raónha teshakoniarotá꞉ron ne rotinontí꞉ios ne tsi ionwenhtsá꞉te. Raónha ne shonkwahnorónhkwa tánon sheshonkwahiatotarí꞉shions tsi nokwáh ne onkwahriwaneraháktseras thóh nitsawé꞉non raonekwénhsake,

Revelation 1:5 ပူးပေါင်းရင်းမြစ်များ

Psalms 51:2

Kwáh toʼkénʼen sastiató꞉hare tsi nòkwah nakerihwanerahákʼtshera, tánon kwáh sewaʼkatkwenienstónhat né꞉ne tó꞉sa ahonsakerihwáʼnerake.

Psalms 72:11

Waʼkaterénhnaien ratikwékon ne rontinontí꞉ios tahontsákete raohénton, tánon onhkwetaʼkwékon enhonwahiótenhse.

Psalms 89:27

Kwáh rahónha ne enhiʼhiónhniaʼte ne thóh tserénhton rawenhnakeráton riʼiénha, né kwáh enthasenhnowàʼnenhke ne rotinontí꞉ios ne tsi ionhwenhtsáte.

Proverbs 14:5

Nónhka sheniahé꞉sen naierihwahní꞉rate iáh ki thaionnó꞉wenhte, nónhka ne iáh tehsheniahé꞉sen nek nen né꞉ʼe enionnowenhtánion.

Isaiah 55:4

Satʼkátho, rahónha rihiónhni nahariwaníraʼte nonkwé꞉ne, asakohénthense tánon ahontasakoniarotárohke nonkweʼshónhas.

Daniel 2:2

Sók iahshakó꞉nonke ne raonkweʼtaʼshón꞉a ne shakonathiatonhseratkénse, tehontierónnions, rontaʼén꞉narahs, tánon ne niaʼtehotirí꞉wake ne aontahónne ó꞉ni ne ahonwaʼnikonhraientáhten ne atetshénhsera. Shahónnewe ó꞉ni ne raohén꞉ton ne ronnontí꞉io waʼthatí꞉taʼne.

Daniel 7:14

Kaʼshatsténhsera tahónion, kakwenienstátshera, ó꞉ni ne kanontiióʼtshera aoʼshatsténhsrera, ne káti kwáh tsi niaʼteienekwénhsake ne ón꞉kwe, tsi niionhsohkó꞉tenʼs, tánon tsi niiewennó꞉tens ne ahonterihwahtsterístaʼse. Ne raoʼshatsténhsera tsi nén꞉we, enkátake, tánon ne raonakeráhsera iáh nonwén꞉ton thiaontókten.

Leviticus 13:58

Tó꞉ka enhanó꞉hare natserónhniat tánon ne iorákwahre enhwáton, shé꞉kon kíʼ enshaʼnóhare, tánon kwáh kíʼ shiʼhiorihwakáion tsi iotkwéniensʼkwe.

Zechariah 13:1

“Nó꞉nenh né꞉tho kawistáhets enwáhwe,” rá꞉ton ne Roiá꞉ner Roshatstenhserowá꞉nen, “ne ionehkotehón꞉we kwáh enkanonhthónkwenhke nahonshahonthonnahkanón꞉ni tsi nithonatwatsirí꞉nonh ne Táwit ne nónhne sáhka Jerusalemró꞉nons tsi nokwáh ne rahotiriwahneraháktshera ó꞉ni tsi nokwáh ne rahothihiatonhnishón꞉ʼa

Matthew 20:28

Tsi ki niiot, nʼOnkȣe Roienha, iah neh tehaniente nahonȣakonnienste; asakokonnienste tanon, nok oni kentiokoȣanen asakaȣenheiase.

Matthew 28:18

Nok akta ȣarete ne Iesos ȣasakaȣenhase; kasastenserakȣekon ionkaȣi ne Karonhiake oni nonȣentsiake.

John 13:1

ONEN thoa saȣentanoronne ne Shotonnhestston, roterientare ne Iesos tsi onen ieiohe nahonsahatenti tsi ionȣentsiate, Ronineha niiahonsare, tsini sakohnoronkȣakȣe ne raonkȣeta onȣentsiakeronon, ok ki eh niieheiot tsiniiore ieiotokte.

John 13:34

Tsioriȣat noriȣase ȣakȣatenienthase; nehne, taeseȣatatenoronkȣake tsi ki nʼii nikȣanoronkȣa eh nataeseȣatatenoronkȣake.

John 15:9

Tsini hakenonȣehon ne Rakeniha, etho kati oni nii nikȣanonȣehon; akehnonȣetserakon kati tsionnhek.

John 18:37

Ethone saenron ne Pilat: sanontiio kenh? tontahenron ne Iesos: neh ki nʼakȣa neh ȣakennakeraststakȣen, neh oni teȣakenienton tsi teȣakenon nonȣentsiake nakeriȣanirate ne tkariȣaieri. Onka roriȣatoken, roronken nakeȣenna.

John 3:11

Oriȣiio, oriȣiio tsi konrori: tsi neok iakȣatroris tsinahoten ionkȣaterientare, oni iakȣariȣanirasts tsi nahoten ionkȣatkathon: nok sane iah tesataonsatasts tsi nahoten iakȣaton.

John 3:16

Aseken ne Niio tsini sakohnoronkȣahon nonkȣe, iah tatesakohnonhianiheki nʼenskat ok roȣiraien, asakaon tosa aiahiheie tsini iakon tiakaȣetakon raonhake, ok eken tanon neh aiakoientake ne raonhake aietsenri atsennonniat.

John 3:32

Nok neh rattroris tsinihotkatton oni tsini horonken, nok iah onka tehonȣatahonsatatis.

Acts 20:28

Kwáh káti sewatatennikonráren ó꞉ni kwáh kanenrakwékon tsi nitsisewatakweʼniaʼiénni ne Ronikonratokénti. Thóh nihiotónhak tsi sewatennikonráren ne Rawenni꞉io rahononsatokénti tsi ní꞉ioht tsi sakothinikónrare ne teiotinakarontón꞉a sakotinikónraʼre, tsi raónha rahówenk iotónʼon tsi ronekwáhon ne Roiénha.

Acts 26:23

Nètho Kerístos ónenk tsi enharonhiáken tánon raónha tentʼthatiérente tentʼtatʼkétsko ne kenheiát꞉ne, nahsakorihowanháten nahoswatʼthétsera ne kaiatakenhátsera ne Sitaeró꞉nons tánon ne iáh tehathisitaerónons.”

Romans 3:25

Rawenni꞉io wahatenikonrísa neh tsi rawenheión꞉ne thoʼnahontáwe tsi niʼiawénhon nètho nonkwesónha ahonsaionthatenikónrense nakoriwaneraháktsera, neh tsi rahonháke non nithonethákwen. Rawenni꞉io thoʼnihóson thoʼnahontáwe nahariwanírate ne rahoriwakwarisióntsera. Tsi nitsawénon, rothakastáton tánon iáh tehokenhenʼiónʼon nakoriwaneraháktsera nonkwesónhas.

Romans 8:37

Iáh, kíʼ noriwakwékons kwáh ionkwáien natesenniéntsera rahonháke tsi nikáien neh shonkwanorónkwahon!

1 Corinthians 6:11

Shewáhtiakes tohnisewahweiennótenʼne. Nók kíʼ tsi sehwatonnakanonníʼon tsi nòkwa ne kariwahnerenhatsherákon; tsi sewahriwatokentíston tsi nòkwa ne Rawenni꞉io; tsi shewahteriwaseronniénni raohénton ne Rawenni꞉io né꞉ne Roiá꞉ner Ié꞉sos Kerístos thóh nihóshon tánon ne Raonikónra Nonkwaʼní꞉io. Ne rónkwe roianerasténhni ne iáh thaoniake kehs ensíron nètho rónkwe roianerasténhni ne iáh thaoniake.

Galatians 2:20

Nakonhatsíwa iáh ónen teskónnhe, nók Kerístos akonháke non nisrónnhe. Kí꞉ken atónnhets nónwa tsi konnhétie, tsi konnhétie ne tsi thiʼietákwen ne Rawenni꞉io Roiénha, tsi nikáien ne rakenoronkwáʼon tánon rotʼkáwen ne tsi rónnhe nakeriwáke.

Ephesians 2:4

Nók kíʼ ne Rawenni꞉io rahoténrat tsi nikowánen, tánon tsi naʼtehiotenonhianíton sonkwanorónkwa,

Ephesians 5:2

Tsi sónnhe ónenk tsi kanoronkwátshera entioniarótarohke, kwáh tsi nisonkwanoronkwáʼon ne Kerístos ó꞉ni tesonkwáwi tsi rónnhe tsi síken ní꞉ioht ne kwáh tehiotsikhétare tsi niwenserákon tánon ó꞉ni tahionréniaʼte tsi nitánonwes ne Rawenni꞉io.

Deuteronomy 18:2

Iáh tehiówenk ne thé꞉nnen ahononhontsaiéntake, tsi ne ní꞉ioht ne ronatià꞉kes kentióhkwas; ne rahonáwenk né꞉nenhne rahotihiathakenhátshera tsi Roiá꞉ner rahotsihenstaʼshón꞉as í꞉ken, tsi ki nihorahrátston ne Roiá꞉ner.

Deuteronomy 23:5

Ók ki ne Roiá꞉ner saNí꞉io iáh tehotahonsatá꞉ton ne Balaam; khékok ne iathakaraténiate ne kaniakatsténhsera ne kaiataterí꞉tshera, tioríwa tsi nihianorónhkwa.

Deuteronomy 7:8

Ók ki ne Roiá꞉ner tsi sewanorónhkwakwe tánon tehotonhontsóni nahakwénienste tsi nishakorahratstén꞉ni ne sewasotʼtsherahokonhkén꞉en. Ne ki tiorí꞉wa waʼtsisewanónhstate ne wà꞉ratste ne raoshatstenhserowaná꞉tshera tánon shatsisewatatewenhní꞉ioste tsi nitsisewanaskón꞉niskwe ne ronhnonhtí꞉io ne Egypt nón꞉we.

Colossians 1:18

Raónha nonóntsi í꞉ken ne ononsatokénti né꞉ne raierónke; raónha ne tiotasawákwen tsi iónhne natónnhets. Raónha ne takowá꞉nen Roiénha, tsi sonwahkéskwen ne kenheiat꞉ne, ehnahontáwe rahonhatsí꞉wak khók ohénton ahkénhake norihwakwé꞉kons.

1 Timothy 6:13

Rahohénton ne Rawenni꞉io, tsi nikáien ne rónhnhets noriwakwékons, ó꞉ni rahohénton ne Ié꞉sos Kerístos, tsi roriwatóken roriwaniráton tsi tawethákwen rahohénton ne Pontius Pilate, wakonrórih

1 Timothy 6:15

Tsi nensokétote ne entkáhawe tsi nenhiowistáheke ne Rawenni꞉io iatenhorihwaiéntaʼse, ne rohiatanerákwak ó꞉ni rahónhak khók ne Rosastenserowánen Rawenni꞉io, ne Sakonontí꞉io ne Rontinontí꞉ios ó꞉ni né Sakoiáner ne Rotiʼiáners.

Hebrews 10:29

Nahó꞉ten, káti ónen, tsi niháti ronwahkenronni ne Rawenni꞉io Roiénha? Tóh꞉ní꞉ioht tsi ronnonthonnions iáh thenen tekastha nohnekwénhsa ne Rawenni꞉io rahoterihwahseronniennitshera tsi ní꞉ioht tsi tiakahonnahkanonni tsi nókwa ne karihwahneren? Rohnónha konwahnikonratsaton ne Kashastensera ne kentenron? Kwáh sehwahnonthonnionf tóh ní꞉ioht tsi sénha kowahnen ne karewahthatshera enhatiʼié꞉na!

Hebrews 9:14

Tsi kwáh kí꞉ken orihwí꞉io íken, tohʼniwéso tsi sénha karihwahkwahtákwas ne Kerístos raonekwénsa! Thóh nónwe ne ionnheónwe kashatsʼténsera raónha iahatatátʼkaʼwe né꞉ne ahontakarihwahiérike ne karonhiakénshera raohénton ne Rawenni꞉io. Né raonekwénsa né entionkweriashaserón꞉ni tsi nòkwa ne iáh thènen thekarihwásthas tsi nikarihótenne, ne káti nahónton atsitewaiótense ne ronnheón꞉we Ní꞉io.

1 Tiér 1:19

neʼne iokaratʼtsáni roronhiakénton ne Kerístos, kwáh neh teskaieróntarakwe ne teotinakarontóna owíra kwáh iáh thènen tehoníkon iáh ó꞉ni thèʼnen tatehotherientawénrieh.

1 Sawátis 1:7

Nók tóhka tsi teioswátʼte nón nitionnhétie—kwá tsi ní꞉ioht tsi tehoswátʼthe—ehʼthóhʼne kíʼ akwékon skát꞉ne tewaiátare, tánon ne rahonekwénsa ne Ié꞉sos, neh Roiénha, tionkwanoharése kwá tsík ní꞉ioht tsi aionkwariwáneren.

1 Sawátis 4:10

Kén kíʼ ní꞉ioht ne kanoronkwátsera: iáh neh tèken tsi atsitewanoronkwáʼon ne Rawenni꞉io, nók ne tsi sonkwanoronkwáʼon tánon thoteniénton ne Roiénha tsi nahiotónhake nahonsakanikonrén꞉en nonkwariwaneraháktsera.

Revelation 11:15

Eʼthó꞉ne ne tsá꞉takhaton rarón꞉hiakeronon wahá꞉tatiste ne raowenk iehonrawatsta, tánon tsi nontontsaró꞉ko ne karonhiá꞉ke, rontón꞉nions, “Naonhnontiió꞉tshera ne tsi ionwenhtsá꞉te ne iahón꞉ton rahonhnontiiótshera ne Sonkwahiá꞉ner tánon ne Roiatarákwen, tánon raónha enthaniarotároke tsi nén꞉we ó꞉ni tsi niénhwe enkénhake.”

Revelation 11:3

Tánon enkhé꞉ion ne teniiá꞉se ne ionkeriwanirá꞉tis kakweʼniá꞉tshera nianirí꞉waken né꞉ne énskat tewenhniaweheʼtsheráhsen tékeni tewenhniáwe iá꞉iak niwáhsen niwenhniserá꞉ke nenkariwésonke, ne enhonatseronhniáton ká꞉iare.”

Revelation 17:14

ne ronón꞉ha kwáh enhonterihioserónhni rahonhà꞉ke ne teonakaronhtón꞉ha, tánon ne teonakaronhtón꞉ha kwáh kíʼ ensakosénhni, asè꞉ken raón꞉ha ne Sakoiá꞉ner ne Roʼtiiá꞉ners ó꞉ni Sakonontí꞉ios ne Rontinontí꞉ios, tánon tsi nihiá꞉kon ne raónha ratikwekonháties né꞉ne ronwatinaʼtónhkwa ne ronwatiiatarákwen tánon rotiriwatóken.”

Revelation 19:11

Eʼthó꞉ne wakatkáto onteronhianhotónko, tánon thóh nón꞉we ní꞉res kanaskwará꞉ken! Ne roʼshá꞉tentse ne ronwanaʼtónhkwa Roʼriwatóken tánon Oriwí꞉io í꞉ken, tánon thóh kariwakwarishontserá꞉kon tsi tehaiatoréhtha tánon rateriioserónhnis.

Revelation 19:16

Raʼotewehiarákwahke tánon ranhí꞉tsake thóh kasenhná꞉re, “Sakonontí꞉ios ne Rontinontí꞉ios ó꞉ni Sakoiá꞉ner ne Rotiiá꞉ners.”

Revelation 2:13

“Wakaterièn꞉tare tsi nón꞉we nisená꞉kere, tsi nón꞉we nótkon nihotenitswaratsérote. Ne kíʼ sá꞉ka satienawáston nakshén꞉na, tánon ní꞉se iáh tesatonhní꞉en tsi thisetákwen nakonhà꞉ke iekanihá꞉rakwe tsi nihotenhniseraténionhkwe ne Antipas ne rakeriwanirá꞉tis, ne nakonkwè꞉ta ne roriwató꞉ken, ronwanonwarià꞉khon ne thisewatenrohónhne, tsi nón꞉we nótkon nihanákere.

Revelation 3:14

“Tánon raonhá꞉ke ne raronhiakeró꞉non ne tsi ionterenhnaientáhkwa thóh nón꞉we Laodicea shiá꞉ton: Ne nowenhnaó꞉kons ne é꞉tho naiá꞉wenhne, né꞉ne ioriwató꞉ken ó꞉ni norihwiioʼón꞉we kariwahní꞉rats, tsi nitsotasawáhnion tsi nahoʼténhsons ne Ní꞉io rosaʼhánion:

Revelation 7:14

Wahiiénhase, “Sénhshon, í꞉se khók saterièn꞉tare.” Ethò꞉ne wahakénhase, “Né꞉ne ronón꞉ha tontahonhnótkawe ne tsi nateiotenonhianì꞉ton tsi niioteriwatiérenhkwe; shotinhoharéhnion ne teontewehiarákwas tánon sahatirakénste thóh raonekwénhsake ne teiotinaʼkaronhtónha owí꞉ra.