Revelation 1:4 - Ohiatonhseratokénti

⁴ Í꞉i Sawátis iakheiá꞉tonhse ne tsá꞉ta nikaʼnónhsakes ne ononsatokénhtis né꞉tho nón꞉we Asia: Ataniténron saién꞉tak shonhà꞉ke ó꞉ni skén꞉non tsi nénhtewe raonhake tsi niká꞉ien ne ronhneón꞉we tánon raónha kénhne tánon kwáh raónha téntʼre, tánon ne tsá꞉ta niwatonhnhetserá꞉ke raohén꞉ton rón꞉nete ne raonitskwáhrane,

Revelation 1:4 ပူးပေါင်းရင်းမြစ်များ

Psalms 90:2

Nohénton sashónh꞉ni ne tsi ionhnontarónhnions, khés ne tsi ionhontsáte shontonhontiónhni, né꞉ne tsi iehiotót꞉te tánon ne tsi nénhwe enkénhake tsi í꞉se ne shonnhehónwe Sewenní꞉io í꞉ken.

Exodus 3:14

Ne Rawenni꞉io wahénron, “Í꞉i ne kwáh oriwi:io íken. Óʼnenk tsi enseró꞉ri: ‘Tsi nikáien nétho ronhwáiats Í꞉i tahakató꞉ri tsionhàke.’

Isaiah 11:2

Ne raonikonratokentítshera ne Roiá꞉ner kwáh enwatorihsénhtaʼne rahonháke, noʼnikónra ne atʼthokhátshera ó꞉ni ne kanikonraienthátshera, nonikónra ne katsenhaientátshera ó꞉ni nontiérent, nahonikónra náttokhátshera tánon nahonwatshaʼnísehke ne Roiá꞉ner.

Isaiah 41:4

Rahónha thóh nihohiothénhon tánon thóh kí kén nioiéren, iesakonatón꞉nions ne tsi tahatinekwenhsatátie ne kwáh tsi tiotásawe? Í꞉i, ne Watiá꞉ner tewakatierenhton, tánon kwáh oná꞉ken enwakónhniaʼte.

Isaiah 57:15

Asèken né aoríhwa rá꞉ton ne éhʼneken tánon né kwáh tótʼte tsi rahónha thóh nón꞉we nihénteron tsi nón꞉we ne tsi nénhwe í꞉ken, né raosénhna né꞉ne Iotokénti: Thóh nón꞉we nikíteron ne kwáh éhʼneken ít꞉ken tánon iotenathatokénti, tánon kí ó꞉ni tsi nihiá꞉kon ne teiakaweriaʼsaríhon tánon tiakonikonrénhen, né náse ahonsónhton nakonikónhra ne tiaʼkonikonrénhen, tánon á꞉se ahonsónhton nakawariáʼne ne teiakaweriaʼsaríhon.

Micah 5:2

O ní꞉se, O Bethlehem ne Ephrathah, í꞉se ne kwáh kenk nitesewentará꞉sas ne Judah, tionhà꞉ke nón꞉we nenthaiá꞉kenhne éntre akonhá꞉ke rahónha enhatkóraste Israeronónke, ne tsi tahawatsirathátie né꞉ne owatsiratsthénha, né꞉ne wahón꞉nise tkénne.

Zechariah 3:9

Rahohénton ne Joshua skanénhia éntien né꞉ne tsá꞉ta nateiohiosohkéronte. É꞉tho entierón꞉nitste enkʼkhiáton, tánon tókok sewenhní꞉sera ahé꞉ren entkhá꞉withe ne karihwáneren ne kén꞉en iowenhtsá꞉te.

Zechariah 6:5

Watharihwaʼserá꞉ko, “Ne kí꞉ken ne kaié꞉ri nikahwerá꞉kes; né꞉ne Roiá꞉ner rashá꞉rine nonhwenhtsiakwé꞉kon né꞉ne rahohén꞉thon kaienthákwe tánon ónhwak thóh nahthonhtahkón꞉ne.”

John 1:1

Tsi tiotasaȣe Ranakerekȣe nʼOȣenna, nok nʼOȣenna Niio nikȣekonne, nok kehiken Oȣenna Niio kenhne.

Acts 19:10

Tehioseráke kí꞉ken thóh nihiothónne, neh nahónton kwáh tsi niaʼteionkwétake neh nónwe niʼienákere nahonthonwentsiáke ne Asia, rathikwékon ne Sitaeró꞉nons ó꞉ni ne iáh tehatiʼsitaeʼró꞉nons nahónronke ne Roia꞉ner rahowennahókons.

Acts 2:9

Parthia, Media, tánon Elam, Mesopotamia, Judea, tánon Cappadocia, tánon Pontus, ó꞉ni Asia nónwe nitionkweʼnons,

Romans 1:7

Kwáh káti sewakwékon tsi iakwahiátonse neh thonónwe Rome Rawenni꞉io tsi sewanorónkwa ó꞉ni tsiʼsewahonkaráwis neh rahónha rahonkwéta aisewáton: Aiáwens ne Rawenni꞉io sonkwaníha ó꞉ni ne Roiá꞉ner Ié꞉sos Kerístos ahtsítsion kenténrat ó꞉ni skénnen.

1 Corinthians 1:3

Aiáwens ne Rawenni꞉io sonkwaníha ó꞉ni ne Roiá꞉ner Ié꞉sos Kerístos ahtsítsion kenténrat ó꞉ni skénnen.

2 Corinthians 1:2

Aiáwens ne Rawenni꞉io sonkwaníha ó꞉ni ne Roiá꞉ner Ié꞉sos Kerístos ahtsítsion kenténrat ó꞉ni skénnen.

Hebrews 13:8

Ié꞉sos Kerístos seh né sahahiáta tsi niʼiohtón꞉ne ne theténre, tánon nónwah wenhniseráte, ó꞉ni ne tsi nén꞉we.

Ne꞉ne Sák Rohiaton 1:17

Ákwe tsi nahótens ne iohiánere ne kahieʼnahwaséhtseras ó꞉ni ne tkariwahiéris karonhiáke nithewétha; Rawenniʼióke nón nithewétha, né rohsahánion tsi naʼteioswátʼthes tsi karonhiátes, raónha, ne tiókonte ne sahahiáta íken iáh ó꞉ni né tetiókaras ne takarihónni ne ó꞉ia nahonsahaʼhiathótenʼne.

Revelation 1:1

Ne karihotáshion raonhà꞉ke ne Ié꞉sos Kerístos, né꞉ne tsi nahó꞉ten ne Ní꞉io thó꞉wi nashakahotáshiase ne raonhatsherahó꞉kons ne ne tsi nahò꞉tens kwáh iostó꞉re tsi thóh nenhiá꞉wenhne; raónha thóh nihawenéston tsi thoteniéton ne raoronhiakeró꞉non raonhà꞉ke ne raonhá꞉tshera Sawátis.

Revelation 1:11

watón꞉nions, “Shiá꞉ton thóh kaiaʼtonhserá꞉kon tsi nahó꞉ten waʼsatkáto tánon iaseiateʼniénten ne tsá꞉ta nikanónhsake ionterenhnaientáhkwas, thóh nón꞉we Ephesus, Smyrna, Pergamum, Thyatira, Sardis, Philadelphia, tánon Laodicea.”

Revelation 1:17

Nó꞉nen sahí꞉ken, watsiataién꞉taʼne rashitákʼtha tsi ní꞉iot nahonkihé꞉ionke. Ók wathakanisnónhsaren ne saweientenhthákwen, ratón꞉nions, “Tó꞉sa saterónh; Í꞉i ne tiotierenhthá꞉kwen tánon nonaʼkénkha í꞉ken,

Revelation 1:20

Ók tsi nihioteriwashé꞉ton ne tsá꞉ta nikatsistóhkwake né꞉tho wasatkáto ne skeweientetáhkwen, tánon ne tsá꞉ta ní꞉kons owistanó꞉rons wathaseranihiontháhkwas: ne tsá꞉ta nikatsistóhkwakes ne ne aotironhiakeró꞉nons í꞉ken ne tsá꞉ta nikanónsakes ionterenhnaientáhkwas, tánon ne tsá꞉ta ní꞉kons wathaseranihiontáhkwas né꞉ne tsá꞉ta nikanónhsakes ionterenhnaientáhkwas.

Revelation 1:8

“Í꞉i ne tsi tiotáhsawe (Alpha) tánon ne tsi iehiotókte (Omega),” ráton ne Roiá꞉ner Ní꞉io, raónha se tánon raónha tsi nitsotónhne, ne ne Roshatstenhserowá꞉nen.

Revelation 1:9

Í꞉i, Sawátis, tsatateʼkénha raónha ne thawetákwen raonhà꞉ke ne Ié꞉sos ne roronhiakén꞉en óni ne kanakeráhsera tánon roteʼnikonratstáton, thóh nón꞉we tsi kawenhó꞉te ne konwanaʼtónhkwa Patmos tiorì꞉wa ne raowén꞉na ne Ní꞉io tánon ne roriwanirá꞉ti ne Ié꞉sos.

Revelation 16:5

Tánon wahihiathón꞉teʼne ne raronhiakeró꞉non ne tehatnekanónhne wahén꞉ron, “Í꞉se ne tisariwá꞉ieri, O Saiatatokénti, í꞉se nón꞉we í꞉ken, tánon tsi titkénhne, asè꞉ken í꞉se tesaiatoretánion kíʼ nahorihoʼténhsons:

Revelation 2:12

“Tánon ne raronhiakeró꞉non ne tsi ionterenhnaientáhkwa ne Pergamum nón꞉we shiá꞉ton: Ne kí꞉ken ne raʼowenhnaó꞉kons tsi niká꞉ienh rahá꞉we ne tetsá꞉ronhkwen nokwá꞉ti tsi iosarothí꞉ie:

Revelation 2:18

“Tánon raonhà꞉ke ne raronhiakeró꞉non ne Thyatira nón꞉we shiá꞉ton: Ne kí꞉ken raowenhnashón꞉as ne Ní꞉io Roién꞉ha, ne rakarakéhsons kwáh né꞉ne otónhkwa otsí꞉re, tánon ne rashì꞉takes kwáh ne ne tekastarathè꞉ton kwé꞉nis:

Revelation 2:8

“Tánon raonhà꞉ke ne raronhiakeró꞉non ne tsi ionterennaientáhkwa nón꞉we ne Smyrna shiá꞉ton: Ne kí꞉ken ne raowenhnaó꞉kons ne thóh tierénhton tánon ne oná꞉kenkha í꞉ken, raónha ne rawenhé꞉ionhne tánon sahatónhnete:

Revelation 22:16

“Kwáh Í꞉ih, Ié꞉sos, iehí꞉hiatenieton naʼkeronhiá꞉keró꞉non ne tionhá꞉ke ne naʼsakó꞉rihowahnhaten tsi ionterenhná꞉ientakwas. Í꞉ih notera í꞉ken ó꞉ni thóh nitewaʼká꞉tenekwenhsinon rahón꞉hake ne Táwit, ne ne teioswát꞉te tewenhtenhawí꞉tha otsisto.”

Revelation 22:8

Í꞉i, Sawatis, ne wakát꞉thonteon ó꞉ni wakát꞉kathoserons kíʼ naorihoténsons. Tánon nó꞉nenh shón꞉katʼthontene ó꞉ni wakát꞉kathoseron, Watiá꞉tienenhne naisenhná꞉ien tsi iateorá꞉shithate ne raronhiá꞉keró꞉non tsi nikaʼièn ne wahá꞉kenatonhnionhase;

Revelation 3:1

“Tánon raonhà꞉ke ne Raronhiakeró꞉non thóh nón꞉we nononsatokenhtí꞉ke ne Sardis shiá꞉ton: Ne kíʼ ne raoteriwanhothátshera ne raónha tesakoniarotá꞉ron ne tsá꞉ta niwatonhnhetsherá꞉ke ne ronwahiò꞉tense Ní꞉io tánon raónha rahá꞉we ne tsá꞉ta nikatsistóhkwake: “Wakaterièn꞉tare ne sahioʼténhsera; wakaterièn꞉tare tsi ní꞉iot nashón꞉neke, ók senhé꞉ion.

Revelation 3:14

“Tánon raonhá꞉ke ne raronhiakeró꞉non ne tsi ionterenhnaientáhkwa thóh nón꞉we Laodicea shiá꞉ton: Ne nowenhnaó꞉kons ne é꞉tho naiá꞉wenhne, né꞉ne ioriwató꞉ken ó꞉ni norihwiioʼón꞉we kariwahní꞉rats, tsi nitsotasawáhnion tsi nahoʼténhsons ne Ní꞉io rosaʼhánion:

Revelation 3:7

“Tánon raonhà꞉ke ne raronhiakeró꞉non ne tsi ionterenhnaientáhkwa ne Philadelphia shiá꞉ton: Ne kí꞉ken ne raowenhnaó꞉kons ne Roiatatokénhti í꞉ken, ne ne orihwiioʼón꞉kwe í꞉ken, raónha rahá꞉we ne raonontónhkwa ne Táwit, raónha ranontónhkwas tánon iáh ónhka taiekwé꞉ni nahonsaienhó꞉ton, raónha ranhó꞉tons tánon iáh ónhka taiekwé꞉ni nahonsaienhotón꞉ko:

Revelation 4:5

Thóh nontaiawenonhátie tsi wanitskwahratsérote tewaktsiraríhkons tewaninekarawánions, tánon iowerenhá꞉ties tánon iorakaré꞉ni tsi iowéren, tánon thóh ohén꞉ton tsi wanitskwaratseró꞉te iotékha tsá꞉ta ní꞉kons ne iotón꞉kote wathaserothákwas, né꞉tho né꞉ne tsá꞉ta niwatonhnhatserá꞉ke ronwaiò꞉tenhse ne Ní꞉io;

Revelation 4:8

Tánon kíʼ kaié꞉ri nihá꞉ti ronón꞉nhe, ne sathiiatatʼtions iáh-iak natehatinerahontióntons, kwáh okaróskonk thí꞉ken kwáh teonakwataséhton tánon ne rathinerahontsó꞉kons. Nenhtsekè꞉nes tánon nasonténhne kwáh iáh thatehatí꞉tas tsi teothiriwákwen, “Roiatatokénhti, roiatatokénhti, roiatatokénhti, ne Roiá꞉ner Ní꞉io ne Roshatatenserowá꞉nen, raónha ne tkénhne tánon nón꞉wa tánon tsi nénhtewe.”

Revelation 5:6

Ethò꞉ne wakatkáto tsi natewanitskwaratserátereh tánon ne kaié꞉ri ronhnónnhe nikarhió꞉takes ó꞉ni ratiiatattóntie ne ratirehtsá꞉rons ne teiotinaʼkarontónha owí꞉ra í꞉rate tsi shí꞉ken ní꞉iot nahonwanonwarià꞉kon, tsá꞉ta nateonaká꞉ronhte tánon tsá꞉ta natehaká꞉ra, né꞉ne tsá꞉ta niwatonhnhetserá꞉ke ronwaiò꞉tenhse ne Ní꞉io thonwanateniéhton nonhontsakwé꞉kon.

Revelation 8:2

Tánon wakhé꞉ken ne tsá꞉ta nihá꞉ti ratironhiakeró꞉nons ronón꞉ha thóh rón꞉nete raohénton ne Ní꞉io, tánon tsá꞉ta ní꞉kons tahonwénhnon iehonrawátsta.