Revelation 1:3 - Ohiatonhseratokénti

³ Iakotáʼskat nónhka iewenhnanhótha iowénhte nowenhnaó꞉kons ne iekariwáken, tánon iakotáskats tsi niiá꞉kon ne akaónha iakotón꞉te tánon enhionteweién꞉ton tsi nahó꞉ten kaiá꞉tonhkwe né꞉tho; asè꞉ken tsi nikawistáhets ákta í꞉wes.

Revelation 1:3 ပူးပေါင်းရင်းမြစ်များ

Proverbs 8:34

Nónhka enionkwatahónhsatate tánon— nónhka niaʼtewenhniserá꞉ke ionkehrhá꞉re tsi wakatehnhoká꞉ronte tsi nón꞉we nikì꞉teron eniakotohnhá꞉rake.

Jeremiah 51:61

Wahawénhase ne Seraiah, “Nonenh iénsehwe ne Babylon, iorahkareníhak tsi sehwenhnaʼnhóten akwékon kí꞉ken kahiatónhsera.

Matthew 24:15

Ne kati nonen enseȣatkatho ne kariȣaiesatatsera neneh iakohnikonraksatakȣa, tsiniiot tsi rotrori ne Rotokensehakȣe Daniel, enkariȣataton nʼonaktato-kentike, (ratennikonraren onka roȣennanotha netho Rotokense.)

Luke 11:28

Tontahenron: neh tanon naha iakotaskasts niakotaonsate ne Niio raoȣenna nok ronȣaȣennarakȣa.

Romans 13:11

Tánon ken nahisewáiere, ne tsi sewateriéntare tsi niʼiowistáhe nónwa; ónen iakáhewe nahisewatʼkétsko tsi nisewéntaskwe. Asèken nenwenʼniseráteke nónen ne Rawenni꞉io enseshonkwaniákenʼte ónen sénha ákʼta íwas tsi ní꞉ioht ne kwáh shonthontiérenʼte shonthatsitewéthaʼkwe ne Ié꞉sos Kerístos.

Romans 13:12

Kwáh tsi shíken ní꞉ioht nashontʼténʼne íwere tahioswátʼtheʼne, tánon nennísera skanóronks áhonwe. Ánion ietewárek tsi nihioʼiontenseróhtens nashontenʼnékha. Ánion thetéwak ne ionteriʼiosthákwas naihtewateriʼiósthaʼkwe nentiékheʼne.

1 Tiér 4:7

Tsi ieʼiotókʼte noriwakwékon ákta íwes. Ónenk tsi í꞉se entisewatatheniarótaroke ó꞉ni sewatateweiennentahónhak, naisewakwéni aisewaterénnaien.

2 Tiér 3:8

Nók tioríwa thósa sewanikónren, tekanórons tewatenrosónhas! Kwáh iáh thènen tatʼtetsatʼtí꞉en ne rahonháke ne Roiá꞉ner tsi nókwah ne sewenníhsera tóhka ó꞉ni ne énskat tewenniawehetserásen niʼioseráke; neh rahónha kwáh ne tetsáron ne sathèhiot.

Revelation 22:10

Tánon wahaʼkenhá꞉se, “Tó꞉sa serí꞉waset naowenhná꞉okons ne iekarí꞉wakens kí꞉ken kahiatónhsera, asé꞉ken tsi nikawistá꞉hets ákta í꞉wes.

Revelation 22:12

“Sát꞉kato, kwáh iostó꞉reh tsi entke; ne kaʼrhiá꞉ke í꞉se í꞉sawe, ne naʼkahkarhiát꞉ton tsi nenhtsó꞉ianenhá꞉we ne tionkweʼtát꞉tions akoió꞉tenhsera.

Revelation 22:20

Tsi niká꞉ien nón꞉ka enhariowánate ne kí꞉ken owenhnaó꞉kons, “Oriwihioʼón꞉we tsi iostó꞉re entʼke.” Eʼtho nenhá꞉wenhne. Káts, Saiá꞉ner Ié꞉sos!

Revelation 3:11

Ní꞉i kwáh ióstre tón꞉take; senónstat tsi nahò꞉ten sá꞉ien, ne káti ne tóhsa ónhka aiesá꞉kwa ne sanón꞉warore.