Psalms 98:9 - Ohiatonhseratokénti

⁹ né꞉ne tsi nón꞉we níres ne Roiá꞉ner, asèken taré꞉se ne naharíhwenhte tsi ionhontsáte. Kwáh kí karihwaʼkwahrishiontserákon tsi enharíhwenhte ne tsi ionhontsáte, tánon tsi nòkwah nonhkweshón꞉has kwáh kíʼ nonʼnéʼe sathehiotónhake.

Psalms 98:9 ပူးပေါင်းရင်းမြစ်များ

Psalms 67:4

Ánion nakahontsakwékon nonkweshón꞉ha iakotsenhnonníhak tánon né teieríhwak natʼtsenhnonhniátshera, asèken né꞉ne tkarihwaiéri tsi ní꞉ioht tsi tesehiatorètha nonkweshónha tánon í꞉se ensehiasárihne akahontsakwékon nónkwe ne tsi ionwéntsaien. Selah

Psalms 7:9

Ó sehríhon ne raotirihwahetkénhsera ne rotirihwaʼnerenhákskon niahontókʼten, ók sahserihwaʼkwahthákwas ne iakoiánere, í꞉se ne sehiatenikonrát꞉kenhse tánon sehiaterhiakʼsátkenhse, Ó saiánere Ní꞉io.

Psalms 72:2

Waʼkaterénhnaien karihwaʼkwahrishontsherákon tsi ensakoríhwenhte ne shonkwetaʼshón꞉has, tánon ne iakóten tkarihwaʼiéri tsi ní꞉ioht tsi asakoríhwenhte.

Psalms 9:9

Né káti aoriwáke né Roiá꞉ner rahonháke nón꞉we nionthasehthákwah né tehiontonhnakárias, ne tatkáwas né skénhnon í꞉ken nó꞉nen thènen tekanikónhrahre.

Psalms 96:10

Ietsiró꞉ri nonkweshón꞉has, “Ne Roiá꞉ner tsi ronhnontí꞉io séh! Né tsi ionhontsáte kwáh í꞉ken tsi ioriwaʼníron tsi ní꞉ioht tsi kakwahtákwen; kwáh iáh nonhwénhton tsahontoriáneron. Kwáh sathenhiotónhake tsi tenhsakoiatóreʼte nonkweshón꞉ha.”

Psalms 96:13

raohénton ne Roiá꞉ner; asèken tarèse, asèken tá꞉re nahá꞉rihwenhte ne tsi ionhontsate. Kwáh né enharihwénhthakwe ne tsi ionhontsáte ne karihwaʼkwarihshióntsheras, tánon tsi nòkwah nonkweshón꞉has neʼnéʼe ensakorihwénhthakwe noriwiʼiohónwe í꞉ken.

Isaiah 5:16

Ók kiʼ né Sakoiá꞉ner ne ronterí꞉ios ratironhiakeró꞉nons ne ne rotsenhnakaratatónkwen ne raoianerétshera, tánon ne Roiataʼtokénti Ní꞉io rotatenéston tsi rotokénti thóh nónhwe ne karihwaʼkwahrihshionhtsherákon.

Acts 17:31

Asèken rawenniseraráhkwen tsi kwáh niaʼtehionkwétake ne tsi ionwentsiáte tsi tensakohiatórete kariwakwarishiontserákon tsi nihohiatarákwen nètho rónkwe neh tehahiatórete. Neh kí꞉ken sakonesténni kwáh tsi niaʼtehionkwétake tsi nishokétskwe nètho rónkwe ne kenheiátʼne!”

Acts 24:25

Nók tsi náhe ne Kór rotarakwenhátie ne kaiáneren, nakahónha ahontaieniarótaroke, tánon tsi táweh nennísera ne kaiatorethátsera, Felix wahóteronne tánon wahénron, “Ónen kíʼ ahónton nahéren ahonsásethe. Sékon nienskónnonke nónen enwakatesenʼnaiéntaʼne.”

Revelation 1:7

Satkáto! Tahawenonhátie thóh otsikerakéhsons; kwáh niatekaká꞉rake tsi enhonwá꞉ken, iekaní꞉hare tsi nihá꞉ti ne ronwaháson; tánon raónha enharihón꞉ni akwé꞉kon ne iená꞉kere tsi ionwenhtsá꞉te kwáh enwaktsithó꞉ko. Káti kwáh thóh nenhiá꞉wenhne.