Psalms 98:3 - Ohiatonhseratokénti

³ Ré꞉iare ne iorihwaʼtóken raonoronhkwáhtshera tánon ne raorihwaʼtokentítshera tsi nòkwah Nisraerʼró꞉nons. Akwékon ne tsi iehiotonhontsiotʼtaníhons iakotʼkátons ne raotesenhniétshera ne Rawenni꞉io.

Psalms 98:3 ပူးပေါင်းရင်းမြစ်များ

Psalms 106:45

Asèken rohnónha raotirihwá꞉ke tsi rehiá꞉re ne raoterihwaʼseronniátshera, tánon sahatatiéna ne tahioianénhaʼwe ne iawetatʼtsáni ne iorihwatóken raonoronkwáhtshera.

Psalms 22:27

Akwé꞉kon ne tsi iehiotonhontiokʼtaníhon kwáh enhiakehiá꞉rahke tánon Roiá꞉ner nokwáhti nienshón꞉ne; tánon iewaʼtsirakwékon nonkweshón꞉ha tsi enhonwasenhnaien rahó꞉henton.

Psalms 67:7

Aiáwenhs ne Rawenni꞉io iahakóntakwe tsi ashonkwahiatatéristake; ánion nonkweshón꞉has kwáh tsitnonwéson ne tsi ionwenhtsáte tehonwarénhsaron.

Psalms 98:2

Né Roiá꞉ner rawenéston ne raotesenhniétshera; raweʼnéston ne raorihwaʼtokentítshera raotihénton ne ronhnonhontsakeʼró꞉nons.

Isaiah 45:22

Akonhàke nontashátserat tánon enshaʼtatenónsthate, tsewakwé꞉kon ne tsi iehiotonhontsioktaníhon! Asèken I꞉i ne Ní꞉io í꞉ken, tánon iáh tekáien nakó꞉ren akénhake.

Isaiah 49:6

rá꞉tons, “Shó꞉tsi iáh tehióst꞉te né nakarihóten ní꞉se akenhá꞉tsera ashá꞉ton né nahonshaʼsehkétsko ne raoʼtsiókwah ne Jacob tánon nahonshaʼsehkwahtákwahse ne iateonathaténhron ne Israerʼronónke; entkónhion ne kaswatʼthétshera rononháke ne ronhnonhontsakeró꞉nons, né naʼtienawaséhtshera ahónton iakanihaʼrá꞉ne ne tsi iehiotonhontiokʼtani:hon.”

Isaiah 52:10

Né Roiá꞉ner kwáh ronenhtsakwahrí꞉shion ne iotokénti í꞉ken ranenhtshàke ohénton tsi tehatiʼkanerónhnions ne ronhnonhontsakeʼró꞉nons; tánon kwáh tsi iehiotonhontiokʼtaníhon nió꞉re tsi enhiontkathóseron ne raoʼienawaséhtsheras nónkwah Ní꞉io.

Isaiah 52:7

Tsi niʼiorá꞉se né rasitàkes ne rarihwénhas tsi watanontí꞉iake rahónha rarihowanátas ne skénnon, rahónha tharihwénhas ne karihwí꞉ios, rahónha rarihowanáhtha ne kaiatakená꞉tshera, rénhni ne Zion, “Né Sahní꞉io rahónha raiataʼkwení꞉io.”

Leviticus 26:42

Kwáh enkehiá꞉rake nakaterihwasehronhniátshera tsi nòkwah ne Jacob tánon ne Isaac ó꞉ni ne Abraham, tánon á꞉se enskónhni tsi nikhehiararatsʼténhni ne nahontatʼkhéhion nakonhkwetashón꞉as nohóntsa.

Micah 7:20

Kwáh enthétion norihwihioʼón꞉we ne Jacob tánon kenténrat ne Abraham, kwáh tsi nisehrihwanirá꞉ti ne iakisoʼthonkonhkén꞉en ne wahón꞉nise tsi ná꞉he tkenʼne.

Luke 1:72

Ne ȣene aonton ne raotanitenrasera nonkȣaniserake nok aiakeiarastakȣake tsini horiȣatokenti.

Luke 3:6

Nok akȣekon nonkȣe onhonȣaken ne Niio raoiatakennhatsera.

Acts 13:47

Asèken thóh ní꞉ioht tsi sonkwatsiatáti ne Roiá꞉ner: ‘Í꞉se ne kaswatʼthétsera konʼhiónni tsi nòkwati ne iáh tehatiʼsitaeʼró꞉nons, eh꞉nahontáwe oʼontsiakwékon aieniákenne.’”

Acts 28:28

Tánon ne Kór iahása: “Ahisateriéntarake, káti, nètho Rawenni꞉io rahoteriwanothátsera ne kahiatakeʼnhátsera tsi iehonwanathenieténni ne iáh tehathisitaerónons. Enhontahónsatate!”

Romans 10:12

Kwáh tsik ónhka kíʼ iakóthons, Asèken kwáh iáh thènen thateontʼthíhen neh Sitaeró꞉nons tánon ne iáh tehotiriwiʼióstons; Rawenni꞉io kwáh ónhkwe takwékon tsi Sakoiánere ó꞉ni kwáh wahtsokowatserowánen sakohiataterísta tsi niháti ne ienhonwanáthon.

Romans 10:18

Nók keriwanóntons; thòkensʼke kén iáh tehonarónken nateriwanhothátsera? Oriwí꞉io kíʼ náha tsi ronharónken—asèken tsi niwáthon nhoriwatokénti: “Kwáh ohontsiakwékon hiatathiwenʼnaniháraʼne; ne rahothiwénna iakanihárho ne tsi iotonhóntsiotʼte.”

Deuteronomy 4:31

Kwáh í꞉ken tsi rotaʼnitenrátskon Ní꞉io. Iáh thatsisewatiaʼtontakwáhse iáh ó꞉ni thatsisewanonhwarià꞉kon, iáh ó꞉ni tahoʼnikónhren nateriwaʼseronhniá꞉tshera ne shakosenhèn꞉ni ne sewasoʼtsheraokonhkén꞉en.

Revelation 5:9

Orénhnase wathatirihwákwe: “Í꞉se ne sarí꞉onte nasatháwa ne kahorotakwenón꞉ni tánon ne tasnhetsiá꞉ke, asè꞉ken í꞉se ne iesanonwarhià꞉kon tánon né꞉ne sanekwénhsa seskarhiaténhni ne Ní꞉io raonkweʼtashón꞉as rotiiatatokéntis né꞉ne kwáh tsi niateiakotsokwáhkes tánon tsi niateionronkhatserá꞉ke ó꞉ni nonhkweó꞉kon tánon ne ronhnonhontsakeró꞉nons;