Psalms 98:1 - Ohiatonhseratokénti

¹ Ó Tetsisewaʼrihwákwas ne Roiá꞉ner, ne norénhnaʼse, asèken iorihwanerakwahthénions tsi nihotieránions. Né꞉ne kwáh rahónha raoshaststénhsera tánon ne raoshaststenhseratokentítshera tsi sakosénhnion ne ronhwáʼsons.

Psalms 98:1 ပူးပေါင်းရင်းမြစ်များ

Genesis 3:15

Tanon ne entsien ní꞉se ó꞉niare tánon ne tsothonwí꞉sen ne tentsatatswensehke tánon tsi nathenhontereke ne sehiohokónha tánon nakohiohokónha; thenhianonhtsistarihte, tánon ní꞉se ientshiatiatón꞉ti tánon entshiakó꞉tarike.”

Job Tánon ne Raoronhiakensera 40:9

Thó꞉ken nisenentsó꞉ten tsi ní꞉ioht ne Rawenni꞉io, tánon enskwé꞉ni ken asewé꞉raste ne sawénhna tsi ne ní꞉ioht ne raowén꞉na?

Psalms 105:5

Sewakwe Abraham nón꞉we niʼtisewatwatsiríhnon ne ne Rawenni꞉io raʼonhatshera kenʼne, Jacob nón꞉we nitisewatwatsiríhnon, rahónʼa ne Rawenni꞉io etʼtsisewaʼiataráhkwen, seweiárak ne iorihwanerahkwahthénions ne Rawenni꞉io tsi nihoieráhnion tánon ne karihwenhthá꞉tsheras tsi nithotkáwen.

Psalms 136:4

Rahonhatsíwa khók rohiótens ne tehiotenonhianítons iorihwanerakwahténions, asèken ne iorihwatóken raonoronhkwáhtshera tsi nénhwe enkátake;

Psalms 139:14

Tekonhnonwerátons, tsioríhwa tsi nihiorihwaneráhkwat tsi tatsiatíshon. Tsi niʼiorihwanerákwat ne sahiothénseras; nètho kwáh ioiánere tsi wakateriéntare.

Psalms 149:1

Tehonwanonweráton ne Roiá꞉ner! Tetsisewarihwákwas ne Roiá꞉ner orénhnase, ne rahonnonweratónhtsera thóh tsi iakokkenhníson ne iakorihwatóken.

Psalms 33:3

Thetsisewaʼrihwákwas norénhnase; sarenhnahónhak tsi saterenhnóten ne karenhsotarók꞉kons, iorakareníhak.

Psalms 72:18

Tehonwaʼnonhweráton ne Roiá꞉ner, ne Sakoní꞉io í꞉ken NIsraeronónke! Rahonhatsíwa kíʼ tsi nihaieránions ne iorihwaʼnerakwahthénions.

Psalms 77:14

Í꞉se Sewenní꞉io sahiótens ne iorihwaʼnerakwahténions; onhkwetakwékon senesténhni ne sashaststénhsera.

Psalms 86:10

Asèken í꞉se ne sashaststenhserowánen tánon né sahióthens ne iorihwanerakwahténions; shonháhak khók ne Sewenní꞉io í꞉ken.

Psalms 89:14

Karihwaʼkwarihshión꞉tsera tánon kaiáneren nón꞉we nikenskwáheʼre ne sanitskwáhra; né iorihwaʼtóken kanoronkwáhtshera tánon ne karihwaʼtokentítshera sahén꞉ton í꞉ken né iesarihwaʼkareniénhni.

Psalms 96:1

Ó tetsisewaʼrihkwákwas ne Roiá꞉ner né norenhnáse í꞉ken; tetsisewaʼrihwákwas ne Roiá꞉ner, tionhontsaʼkwékon.

Psalms 96:3

Ietsiró꞉ri ne raoʼiataʼnerakwáhtshera nonkweʼshón꞉as, tsi nihiorihwaʼnerá꞉kwas ne raoʼioténhseras nonkwetaʼkwé꞉kon akorihwá꞉ke.

Exodus 15:11

“Saiá꞉ner, ónhka nó꞉ia ne niʼiohokónhas tahontahieʼsateʼnienténhste? Ónhka ahonsaʼhiesahié꞉renke, ioriwanerákwat iotoʼkénti? Ónhka ahiekwéni nahiakohióten ne ioriwanerákwat ó꞉ni ne kashatsʼtenseroʼwánens tsi nahiéʼiere tsi níse nishié꞉ra?

Exodus 15:6

“Né sehseweienteʼtáhkwen, Saiá꞉ner, ioneráhkwat tsi nihioshatsʼtenserowáhnen; ononwénhseri iakahónhnis tsi tehiakohiataʼríhtha ne tehontátʼtshons.

Isaiah 12:5

Tesehríhwak ne kanonweratón꞉tsheras raohénton ne Roiá꞉ner, asèken iorihwanerakwahténions tsi niotieránions; né kí꞉ken naʼiakoteriéntaraʼne ohontsakwé꞉kon.

Isaiah 42:10

Thetsisewarihwá꞉kwas ne Roiá꞉ner né norénhnase, né raohiatanerakwáhtshera né꞉ne tsi ioiotonhóh꞉tiokʼte iekaníharas! Ánion ne kaniatarakhekó꞉wane iorákarak tánon akwé꞉kon nètho nón꞉we natekontawénries, né tsi kawenhó꞉tons tánon né ienakekenion.

Isaiah 52:10

Né Roiá꞉ner kwáh ronenhtsakwahrí꞉shion ne iotokénti í꞉ken ranenhtshàke ohénton tsi tehatiʼkanerónhnions ne ronhnonhontsakeʼró꞉nons; tánon kwáh tsi iehiotonhontiokʼtaníhon nió꞉re tsi enhiontkathóseron ne raoʼienawaséhtsheras nónkwah Ní꞉io.

Isaiah 59:16

Wahatʼkátho tsi kwáh iáh ónhka, tánon wahorihwaneráko tsi kwáh iáh ónka teiakotsiaʼtóronh; sók kí rahónha raonénhtsa khók tsi wahatesénhnieʼte, tánon né꞉ne iaʼtehahiáti khók raoʼrihwakwahrihshióntshera wahotiénawasʼte.

Isaiah 63:5

Watʼkatkatónhnionwe, ók iáh kanèka ne kaienawaséhtshera teká꞉ien; Tiatʼtetkaró꞉taʼne, ók iáh kí ónka kanèka tèienhskwe nahiontiénawaʼse; káti nék ne kenenhtsàke thonkhawíthen naʼtesenhniétsera, tánon naʼkenakwáhtsera né thonkatswaʼnónhna.

Jeremiah 31:22

Tohʼnikaríhwes tsi tahsehrihóroʼke, iáh teʼthisehwetáhkwen tsiónkwe? Ne Roiá꞉ner knahótenk róh꞉son áse ó꞉ni ohianí꞉ioht ne tsi ionwenhtsiáte, eh nióre tsi ohianí꞉ioht né꞉ne iónkwe thóhnes ne rónkwe.”

Luke 1:49

Ne tsini hakiatanoronston ne Rosastenseroȣanen, nok Rosennatokentikoȣa.

John 16:33

Aseken iakenikȣekon ne Rakeniha.

Acts 19:20

Nakwékon tsi nahawénseron kwáh iohsátsthe tsi tahiakéthakwe nonkwesónhas, tánon káti nehne rahosatsténsera ne Roiá꞉ner, nateriwanothátsera khék watewaréhni ó꞉ni kasátsthe tsi onteiáron.

Acts 2:11

ratikwékon ne Sitaeró꞉nons ó꞉ni ne iáh tehatiʼsitaerónons ronateriwathénion Judaism non niʼshoʼnatiáthare, ótiakes ó꞉ni Crete tánon Arabia non nitionkwé꞉non—nók káti kwáh tewakwéʼkon ionkwathónʼte rothítare tsi nitewawenʼnótens tsi nihiorihowánens ne Rawenní꞉io tsi nihoieránion!”

Colossians 2:15

Tánon thóh ne kaiásake nón꞉we ne Kerístos sahatatiathotaríhsi tsi nokwáh ne raotisatsténhseras ne ratinikonrátsens ó꞉ni ne ratikoráhsons; tánon onhkwè꞉ne nón꞉we niasakohiaténhawe nahonwahnateró꞉roke tsi sí꞉ken ní꞉ioht ne ratinóton sakosarí꞉ne tsi rotkwenionhátie.

Revelation 14:3

Tánon wahthatirihwàkwe orenhná꞉se ohén꞉ton tsi wanitskwaratseró꞉te tánon raotihénton ne kaié꞉ri nihá꞉ti ne ronhnonʼnheón꞉we ratironhiakeró꞉nons ó꞉ni raotihén꞉ton ne rotitstonhonkónha. Iáh ónhka thaónton nahieweientè꞉tane né꞉tho karén꞉na ne khók ne énska tewenhniá꞉we kaiéri-niwáhsen kaié꞉ri nateonenhiawehetseráhsen ronónha ne shonwahtiiatákwen ne tsi ionhontsá꞉te.

Revelation 17:14

ne ronón꞉ha kwáh enhonterihioserónhni rahonhà꞉ke ne teonakaronhtón꞉ha, tánon ne teonakaronhtón꞉ha kwáh kíʼ ensakosénhni, asè꞉ken raón꞉ha ne Sakoiá꞉ner ne Roʼtiiá꞉ners ó꞉ni Sakonontí꞉ios ne Rontinontí꞉ios, tánon tsi nihiá꞉kon ne raónha ratikwekonháties né꞉ne ronwatinaʼtónhkwa ne ronwatiiatarákwen tánon rotiriwatóken.”

Revelation 3:21

Né꞉ne tsi niká꞉ien nenhatesén꞉ni enhinákton skátne ní꞉i enhiatiá꞉tsen nakanitskwá꞉rane. Kwáh tsi ní꞉iot ní꞉i tsi wakatesén꞉nion tánon wakaʼtsien ne Rakeʼní꞉ha raonitskwáhrá꞉ne.

Revelation 5:9

Orénhnase wathatirihwákwe: “Í꞉se ne sarí꞉onte nasatháwa ne kahorotakwenón꞉ni tánon ne tasnhetsiá꞉ke, asè꞉ken í꞉se ne iesanonwarhià꞉kon tánon né꞉ne sanekwénhsa seskarhiaténhni ne Ní꞉io raonkweʼtashón꞉as rotiiatatokéntis né꞉ne kwáh tsi niateiakotsokwáhkes tánon tsi niateionronkhatserá꞉ke ó꞉ni nonhkweó꞉kon tánon ne ronhnonhontsakeró꞉nons;

Revelation 6:2

Iakatkáto, tánon thóh í꞉rate kanaskwaráken! Ne roʼshe rahanénhawe; anonwaró꞉re taʼón꞉ion, tánon iahaiá꞉kenhne ne tsi karón꞉iate ne nahatesénhniete tánon nahateʼshénhni.