Psalms 97:10 - Ohiatonhseratokénti

¹⁰ Né Roiá꞉ner sakonorónh꞉kwah tsi niʼiákon ierihwáshonhs ne karihwaʼhét꞉kens; ranikónhrare tsi ronhnonnhénions ne rotirihwaʼtóken rahonkwetaʼshón꞉has; shesakoniakéntha tsi nòkwah ne raotisasthenhserákon ne ronhnonkwetaʼhét꞉kens

Psalms 97:10 ပူးပေါင်းရင်းမြစ်များ

Psalms 101:3

iáh thakatʼtónhtate nakatiátaren nahó꞉ten ne iáh tetkarihwaiéri ó꞉ni tsi nahóten ne iáh othènen tekariwástha. Khéshons tsi nihiákon ne iáh teiakorihwató꞉ken rahonháke ne Rawenni꞉io; kwáh enkheiaʼtsiatonhtákwahse.

Psalms 119:104

Saiahnerenhserákon nónhwe nitékhas ne atʼthokhátsera; káti akwékon ítsons tsi nahoténhsons ne tehiotʼtsátons.

Psalms 119:163

Ítshons tánon kenhrónhni akwékon nonhó꞉wens í꞉ken, ók kenhorónhkwah ne saianerénhsera.

Psalms 121:7

Ne Roiá꞉ner kwáh kí enhiaiatanónhstate tsi nòkwah norihwahkwékon karihwahétkens í꞉ken, kwáh kí enhanónsthate ne tsi sónnhe.

Psalms 125:3

Asèken ne raonathénits ne ronhnonkwetahét꞉kens tsakaiéntaʼne ne tsi ionwénhtsaien ne ronwatirakwénhni ne tionkwetaiéris, né káti ne tionhkwetaiéris ne tó꞉sa iatahonnéntsesʼte, niahhatiʼiéna ne thènhnen ahotihióten ne wahét꞉ken.

Psalms 145:20

Ne Roiá꞉ner sakonikonhraráhtses ratikwékon ne ronhwanorónhkwa, ók ratikwékon ne ronhnonkwetahétkens tsi ensakótonhte.

Psalms 31:23

Tsi sewaʼnó꞉ronk ne Roiá꞉ner, sewaʼkwékon ne sewaʼrihwatóken tiónkwe. Né Roiá꞉ner tesahkó꞉nes ne iakorihwaʼtóken, ók sahkorehwátha ne ionthatónhni tsi natehiakothénhtion.

Psalms 34:14

Éhʼren í꞉set tsi nòkwah ne kariwahetkénsera, tánon ne sahióten tsi nahó꞉ten ne ioiánere; né séhsak ne skénnon í꞉ken, tánon sasteniáronk.

Psalms 36:4

Karihwaʼhetkénsera ratenikonhrón꞉nis tsi nikaríhwes rohthoríhsen; tsi nihatséra kwáh iáh othènen tehiohiánere, tiotʼkonhónwe né ken niehaiéra ne karihwaʼhetkénsera.

Psalms 91:14

Tsi nihiákon ne ionhkenorónhkwa, kwáh kíʼ enkhenónsthaʼte; kwáh kíʼ enthékhene tsi nihiákon ne iontsenhnaʼientéri.

Proverbs 2:8

Enhshakonónhstate ne ónhka akó꞉ren enhshekwénienhste tánon entehshakóhnhe ne ónhka ronwarihwanorónhkhwa.

Proverbs 3:7

Tóhsa nonwén꞉ton sanonhtonniónhak í꞉se kenh sénha sattókha. Kwáh nek ne tahtshéhtak ne Roiá꞉ner, tánon tóhsa sathón꞉tat kenʼniáhshiere nahò꞉ten iáh tetkariwaié꞉ri.

Proverbs 8:13

Nó꞉nen entskwénienhsteʼ ne Roiá꞉ner, énhtswen kiʼ ne karihwáksen; íhkswens naʼkatkáhtho tsi nihatiweiennò꞉ten nónhka iontatón꞉ni, ó꞉ni ne karihwanéren tánon ne owennaʼshón꞉ʼa ne kaʼnikonhrhá꞉ton.

Isaiah 45:17

Ók né Israel Roiá꞉ner né shaʼnónstaton né꞉ne tsi nénhwe enkénhake ne kaniakénsera; kwáh iáh taiesatéhaʼte khés ne taiesanitonʼniáthen né tse wakwé꞉kon tsi enkatátseʼke.

Jeremiah 15:21

Kwáh enkonhniákente tsi nòkwa ne rahotishastsʼténseras ne ionkwetahétkens ó꞉ni ne ratinahthakárias. Í꞉i, ne Watiá꞉ner, wakatáhti.”

Daniel 3:28

Ne ronnontí꞉io wahén꞉ron, “Ronwahsénnaien ne Ronwawenní꞉io ne Shadrach, Meshach, tánon ne Abednego! Tahoténiehte ne raoronhiaʼkehró꞉non ne aonsahonwatiʼniá꞉kenhte kí ronnón꞉kwe tsi ronwaioʼténhse ó꞉ni thonwehtáhkwen. Iáh teionkewennaráhkwen ó꞉ni eʼtho ronnonnhárahkwe né tsi iáh thatehonatshákton ó꞉ni nakonwahsénnaienke oktiʼká꞉te ne ní꞉io kwáh né khók ne ronónha ronwawenní꞉io.

Daniel 6:22

Ne Rawenni꞉io né rihsénnaiens, tahotó꞉ri né raronhiaʼkehró꞉non né ahshakóhskweke né kèn꞉reks né ne tóhsa akatkaréwahte. Né aorì꞉wa eʼtho nahá꞉iere né tsi roterién꞉tare tsi iáh tewakennhìkon tánon ó꞉ni iáh thé꞉nen tekonʼnikonrhaʼtén꞉ni, Sanóntí꞉io.”

Daniel 6:27

Shakonónhstats tánon shakoʼniakénhtha; né roióʼtens né iorihwanehrákwa tánon né iorihwanehrakwahténions, né karonhià꞉ke ó꞉ni onhwentsià꞉ke. Sahoniá꞉kenhte ne Daniel, né kèn꞉reks ahonwaiaʼtaratsónkwen.”

Amos 5:14

Ne sewésak ne tkariwaié꞉ri tánon iáh ne kariwahétken, ne nahónton ahitiónhnheke; tánon káti ne Roiá꞉ner, ne Rawenni꞉io roiatatokénhti, kwáh ensenikwekónhake, kwáh kí tsi ní꞉sen.

Amos 5:15

Sehriwáshon nahó꞉ten ne kariwáksen, ne sehnó꞉ronk nahó꞉ten ne tkarihwaié꞉ri, tánon serihwaní꞉rat ne kaianéren ne tsi iothenhenrakáronhte; ne naiawenskénhen né꞉tho Roiá꞉ner, ne Sakowenní꞉io ne ratironhiakerononhs, kwáh enhontahorihwaié꞉rihke ne iatehonatathénron rahonhà꞉ke ne Só꞉se.

Romans 12:9

Kanoronkwátsera ónenk tsi ienhiokontákwen enhioriwatokénhake. Sewáson ne kariwáksen, neh sewatienawasthónhak ne iohiánere.

Romans 7:15

Kwáh iáh tewakenikonraiéntas tsi nikatiéra; Asèken iáh thotetiéra tsi nikaskáneks tsi nátiere, nók nehʼhe ken nietiéra tsi nahóten ne íkshons.

Romans 7:24

Tsi ní iáh tewakhastsenʼnón꞉ni kí꞉ken kónkwe! Ónka éntion keniákenteh kí꞉ken oierónta hiahontiatenhawitonhátie neh kenheiátʼne?

1 Corinthians 8:3

Ónk ne ónkwe ne ronkwahnorónkwah ne Rawenni꞉io tsi shakoientéri.

2 Thessalonians 3:2

Sewahterénnaien ó꞉ni ne Rawenni꞉io nashonkwaniákenthe tsi nókwa ne kariwáhneren ó꞉ni ne ionkwetakʼsensʼokónhas; asèhken iáh onkwetaʼkwékon tetiakawetákwah nateriwahnotátshera.

Ne꞉ne Sák Rohiaton 1:12

Ronatháskat tsi niháti enhathiháwake ne tewetákwen tsi nikaríwes tehonwanaskótanis, Asèken nónen hiatenhonʼnótkawe tsi ní꞉ioht tsi enhonwanateniénten, neh tenhonateriwaserákwase natónhnhes tsi nisakorahrastén꞉ni neh Rawenni꞉io tsi niháti ne ronwanorónkwa.

Ne꞉ne Sák Rohiaton 2:5

Sewatahónsatat, tekanóron tewatenrosónhas! Ne tsi ionwentsiáte Rawenni꞉io sakohiatarákwen ne iakóten né꞉ne ahothiʼkwatséhake tsi nòkwa ne tewethákwen tánon nahathiʼiéna ne Rawenni꞉io Raonakerásera tsi nisakorahrastén꞉ni tsi nihiákon ne ronwanorónkwa.

1 Tiér 1:5

Í꞉se sáwenk, tsioríhwa tsi tieniahésen ne Kerístos rahónha ne raosatsʼténsera ne Rawenni꞉io kanikónrare tsi nióre iensèna kí꞉ken kaiatakeʼnhátsera. Kwáh enhiotáshionke nonàken tewenniserónthe nakwékon enhiontʼkátho.

1 Tiér 1:8

Níse tsi sewanorónkwa, ehʼthoʼsáne iáh nonwénton thetsisewáken, tánon níse tatsisewéthakwe, ehʼthoʼsáne níse iáh nonwénton thetsisewáken. Káti níse kowánen wesewathonnáren ó꞉ni tsi niʼioriwanerákwat natʼtsennonniátsera, iáh tekawénnaien náionste nakanikonraiénthaʼte,

1 Sawátis 4:19

Ionkwáien ne kanoronkwátshera neh tsi Rawenni꞉io thotierénton sonkwanoronkwáʼon.

1 Sawátis 5:18

Ionkwateriéntare iáh ónka ne Rawenni꞉io sakoienʼokónhas tsehontashóntera nahonsahatiriwánerake, Neh seh ne Rawenni꞉io Roiénha sakonónstats, tánon ne ranikonráksen iáh tahakwéni nasakokarónni.

Revelation 13:8

tánon onkweʼtakwé꞉kon nonhontsake ienákere kwáh eniesénhnaien, onkweʼtakwé꞉kon tsi niiá꞉kon ne iáh teiesenhná꞉re nohén꞉ton sontónhni tsi ionwenhtsá꞉te thóh raoiatonhserá꞉kon ne iónhne ne teiotinaʼkarontónha owí꞉ra né꞉tho ronwanonwarià꞉kon ne tsi tsiotonhontsatáhsawe.