Psalms 96:8 - Ohiatonhseratokénti

⁸ Teiontenónweʼráhton tsi nihhosenhnaʼneráhkwa ne Roiá꞉ner; tashewáʼhaf natataʼwítshera tánon tasewatáweiat ne Raononsatokentiʼkówaʼne.

Psalms 96:8 ပူးပေါင်းရင်းမြစ်များ

Psalms 100:4

Tehshatenonhweráhthon tsi iensatawehiatánion ne tsi rothenhenrakaróntons; tesatenonweráton tsi iashatáhwehiat ne raotenhénrahkon. Tetʼtienonhweráhton tánon tsénhnaien.

Psalms 111:9

Thesakoteniéthenhni ne raotihiatakenhá꞉tshera ne rahonkwetaʼshón꞉has; né꞉ne tsi nénhwe enkénhake tsi ró꞉shon ne raoterihwaʼseronniátshera. Iotokénti tánon kwáh í꞉ken tsi iorá꞉se ne raosénhna.

Psalms 116:19

athenhénrakon tsi nón꞉we nikanón꞉shote ne Raononsatokentiʼkówaʼne ne Roiá꞉ner, né꞉ne Jerusalem nón꞉we. Tehonwaʼnonweráton ne Roiá꞉ner!

Psalms 29:2

Satróri tsi nihionerákwat ne Roiá꞉ner raosénhna; etʼtsénhnaien ne Roiá꞉ner thóh nón꞉we ne iotokénti raononsatokentiʼkówa.

Psalms 45:12

Nonkweshón꞉has ne Tyre entiesahawítase nathatawí꞉tsheras, né꞉ne kwáh thotikwahtsénions

Psalms 72:10

Wakaterénhnaien ne rotinontí꞉ios ne Tarshish tánon ne tsi kawehnó꞉tons ohwísta ronwaʼkarhiáksehek, Waʼkaterénhnaien ne rotinontí꞉ios ne Sheba tánon ne Seba thonwaʼhawíten nathatawí꞉tsheras.

Ezekiel 46:3

Tsiókonte ne iawenhthatokentíke ó꞉ni nónenh tsiorahkwaséhon tsi nihiontenikonhró꞉ris onhkwetakwékon kwáh tenhiontʼtsakéte tánon enhonwaiénhnaien ne Roiá꞉ner ohénton natenhenrák꞉ta.

Malachi 1:11

Aseʼkénh kwáh tsi nentkarahkwínekenʼne tsi nienhskaráhkwenʼne tsi tshennowá꞉nen ne tsi ienakerénion ne ronnonhontsaʼkehró꞉nonʼs, tánon kwáh tsik nonwé꞉sonʼs tsi enieienʼkwarotónnion nakhsèn꞉nakon, aseʼkènh nakhsèn꞉na tsi kahsennowá꞉nen í꞉ken ne tsi ratinakerénionʼs ne ronnonhontsaʼkehró꞉nonʼs, Rá꞉ton ne Sakoiá꞉ner ne ratironhiaʼkehró꞉nonʼs.

Romans 12:1

Éhʼtho káti, tewatenrosónhas, neh tsi nikowánen ne Rawenni꞉io shonkwenténras, kwahnekénnis; kwáh ieʼiokontakwénhak tsi tátʼtsion ne Rawenni꞉io tsi tiónʼnhe ók ó꞉ni nehʼne aihsewárioʼte tsi nikaríwes tionnhétie, kwáh sewariwahtokénhak tsi nòkwa ne rahohioténsera ó꞉ni thaʼtsisewanikonraʼiérit, thókiʼ nikarihóten ne kwáh ahonwasénnaien ne Rawenni꞉io.

Romans 15:16

Ne tsi rihiótense ne Kerístos Ié꞉sos nakhehiótense ne iáh tehatiʼsitaeronons. Watsióte tsi ní꞉ioht ne ratsihénstatsi ne kateriwahnhótha ne kariwí꞉ios ne Rawenní꞉ioke nitsawénon, ehnahontáwe ne iáh tehotiʼiánere nahontatiatakéna nahontahonwanikonraiériʼte ne Rawenni꞉io, neh tsi nihoriwathokenstén꞉ni ne Ronikonriʼióston ne Rawenni꞉io.

Philippians 2:17

Tsi thisetákwen tsi nòkwa ne Roiá꞉ner tanon tsi ní꞉ioht tsi teseriwhaʼiérits ne teskaieróntare tsi ní꞉ioht nasatsienkwarónniate ne rahohénton. Tánon nakenekwénsa tòka nónwa ónen tsi neskátne entewahʼwéronke ne iontsienkwaronʼniathákwa. Tóhka káthiʼki ehʼneniáwen꞉ne, Enkatsennónʼni ó꞉ni skátne entewathonʼnáren.

Philippians 4:18

Kwá akwékon sewakatkarhiákʼse, ó꞉ni tsiníkon ioteiarónhon. Kwá íken tsi wakerientí꞉ios tsi nahoténsons waskwawíhon neh Epaphroditus thakawitén꞉ni. Neh teskaieróntare ne kwá teiohtsikhétare tsiniwenserákon ionthatáwis tóhka ó꞉ni ne kwá tkariwhaiéri ne hiontsenkwaronniathákwa ne rawehrienthiʼióstha ne Rawenni꞉io.

Hebrews 13:13

Ánion, káti, rahonháke niéteweh thóh nónwe átste tsi nónwe nihonahnátaien tánon tewahtiátaren ne raotehenserá꞉kon.

1 Tiér 2:5

Kásewe tsi ní꞉ioht ne iónnhe onénias, tánon sewathóntat naʼietsiʼiastste tsi akanonsonníhake ne ionnheʼónwe ononsatokénti, thoʼnónwe nensahióten tsi ní꞉ioht ne rotokénti ratsihénstatsi nasétatʼtse kariwiʼiostóntsera tánon ne kaienawasétsera ó꞉ni naontatsenikonraiérite ne Rawenni꞉io rahonháke ne Ié꞉sos Kerístos.

Revelation 15:4

Saiá꞉ner í꞉se ne iáh teshaterónhni tánon aieshasenhnowánate? Asénke iateshiá꞉ti ne sahiatatokénhti. Akahontsakwé꞉kon kwáh éntsien tánon enieshasénhnaien sahén꞉ton, asè꞉ken ne sariwenhtá꞉tsera kwáh kíʼ iotehrihó꞉tashion.”