Psalms 96:2 - Ohiatonhseratokénti

² Tetseriwáʼkwas ne Roiá꞉ner, tánon thetsenonweráton; satʼróriat ne niaʼtewennhniseráke ne karihwí꞉io tsi nishonkwahiatanónsthaton.

Psalms 96:2 ပူးပေါင်းရင်းမြစ်များ

1 Chronicles 29:20

Ethó꞉ne ne Táwit washakothárahse nonkweʼshón꞉as, “Tetsisewanonweráton ne Roiá꞉ner Sewaní꞉io í꞉ken!” Tánon kíʼ kwáh kanenhrahkwé꞉kon ne iakotsataró꞉ron watonhwanonweráhton ne Roiá꞉ner, né Sakoní꞉ioʼkwe ne sakotisotʼtonhkonhkénʼen, tánon kwáh ehtáke tsi wathontʼtsákete tánon tahónhion ne kakwenienstátshera ne Roiá꞉ner ó꞉ni ne ronnontí꞉io.

Psalms 103:20

Tetsisewaʼnonweráton ne Roiá꞉ner, Ó í꞉se ne sewaʼronhiakeró꞉nons, í꞉se ne sewáʼsháststes ne sewaʼtewenhnarákwah tsi nihorihwaʼtáton, nisewaʼtahónsate tsi nahoténhsons ratónhnions.

Psalms 145:1

Kwáh enkonsenhnakará꞉tate, akení꞉io tánon akenonhtí꞉io, tánon thenkatenonhweráton ne sasénhna né꞉ne tsi nienhénwe tánon tsi nénhwe enkénhake.

Psalms 145:10

Ratikwékon ne shehiatísons thenhiesanonhweráton, O Saiá꞉ner, tánon ratikwékon ne rotirihwatókens thenhiesanonhweráton.

Psalms 145:2

Niaʼtewenhniseráke tsi kwáh thenkonhnonhweratónsehke, tánon thenkatenonhweráton ne sasénhna né꞉ne tsi nienhénwe tánon tsi nénhwe enkénhake.

Psalms 40:10

Iáh tewaʼkerihwahséhton ne karihwí꞉io ne senhténhrat nakonháke; kwáh tiókonte tsi waʼkatrórih ne sarihwaʼtokentítsera tánon ne senhténhrat; iáh tewaʼkerihwaséhton ne iorihwaʼtóken sanoronkwáhtshera tánon ne sarihwatokentítshera tsi nòkwah ne iakhotsiokowánen iakokʼkenhníson.

Psalms 71:15

Né tsiksakáronte kwáh enwatróri ne sarihwakwahrihshón꞉tshera, tsi kwáh tiókonte ne sahióte ne kaiatakeʼnhátshera, eʼthohʼsáne sóh tsi iaweʼtowá꞉nen iáh tatkwéni nahonkenikonhraiéntahne.

Isaiah 40:9

Iasenontáraʼn ne tiotenón꞉thate, Ó Zion, sathontéhon ne karihwí꞉ios; né satewenhnakétskwat ne kashatsténhsera, Ó Jerusalem, sathontéhon ne kariwí꞉ios, serihówanat, tó꞉sa sateronhníhak; seró꞉ri ne tsi kanatowánens ne Judah, “Ne sahʼNí꞉io tsi tá꞉re!”

St. Mark 16:15

Nok ȣasakaȣenhase: ȣasene onȣentsiakȣekon teseȣareni ietsirionniennira akȣekon nonkȣe ne Kariȣiio.

Acts 13:26

“Tewatatékens Israerʼró꞉nons, NʼAbraham nitisewatʼwatsirínon, tánon sewakwékon ne iáh tesewasitaerónons ne kén tsi sewasénʼnaiens ne Rawenni꞉io: I꞉i se onkwariwáke kí꞉ken kahiatakenátsera tsi tewateniéton!

Ephesians 1:3

Ánion thetsitewanonweráton ne Rawení꞉io ó꞉ni rahónha ne kanísera ne sonkwaiáner Ié꞉sos Kerístos! Ne tsi tehionkwateriwasóntere ne Kerístos sonkwahiatateríston neh tsi nitesonkwáʼwi noriwakwékon ne kariwiʼiostóntsera ahohiataterítsera ne karonhiáke tiohontsáte.

Revelation 5:13

Ethò꞉ne onkathón꞉teʼne kwáh tsi niatehá꞉ti ne rononhné꞉nion thóh karonhiá꞉ke ó꞉ni nonwenhtsá꞉ke ó꞉ni ne ná꞉kon tsi ionwenhtsá꞉te ó꞉ni ne kaniatarakeʼkowáhne, tanon ratikwé꞉kon né꞉tho nón꞉we nihathì꞉teron, teonwarihwákwahse, “Tsi niká꞉ien ne thóh renskwáhere nanitskwaráhne ó꞉ni raonhà꞉ke ne teiotinaʼkaronhtón꞉ha owí꞉ra ne naonwashén꞉naien ó꞉ni taonwarénhsaron ó꞉ni rohiatanerákwat ó꞉ni roshatstenhserá꞉ien né꞉ne tsi nienhénwe tanon tsi nén꞉we enkénhake!”