Psalms 95:4 - Ohiatonhseratokénti

⁴ Rahónha thoniaró꞉taron kwáh tsi naʼtehiahontsanó꞉tes ne tsi ionhontsáte; ne tsi nitiotenonthatónhnions rahónha nonhné꞉e raówenk.

Psalms 95:4 ပူးပေါင်းရင်းမြစ်များ

Job Tánon ne Raoronhiakensera 11:10

Tó꞉ka shí꞉ken rotohestonhátie, tánon wahanó꞉ton, tánon ne ahaterihwathéntsate ne karihwenhtá꞉tshera, ónhka aiekwé꞉ni tahonwátaste?

Job Tánon ne Raoronhiakensera 9:5

raónha rorhiá꞉nerons tsi ionontahrón꞉nions tánon iáh thakontirihwaienté꞉rihke, thensakononwetsáweron thóh raonhakwahtserá꞉kon;

Psalms 135:6

Tsi nenhthawerientí꞉io ne Roiá꞉ner thóh nenháiere, thóh karonhiáke tánon nonhontsáke, ne kaniatarakhekówaʼne tánon akwékon tsi nón꞉we nihiohnotésons.

Psalms 21:2

Tetsáwi tsi nitaskanékskwe ne rawerhiáne, tesarihwaʼserákwen tsi niharihwaʼnóntonskwe. Selah

Psalms 65:6

Né꞉ne sashaststénhsera sáston tsi sahnontonhniánion; né tsatontákwen ne kashaststénhsera.

Psalms 71:20

Í꞉se tisatheniéton ne kanikonraronhiakénsehra tánon karonhiakénsera nakonháke kwáh kíʼ shé꞉kon thetéskon nakeshaststénhsera; iáh tesatthontáton nahonkiʼhéion.

Psalms 97:5

Né tsi ionhnontarónhnions waʼkawistanáwenhne tsi ní꞉ioht notsikhéta aiewistanawénhte, raohénton ne Roiá꞉ner káien né tsi rahónha ohontsakwékon tesakoniarótaron nonhkweshónhas ne tsi ionhwenhtsáte.

Micah 1:4

Ethò꞉ne ne tsi ionhnontarónnions kwáh enkawistaná꞉wen tsi nón꞉we ní꞉res tánon nahonráhkwakons kwáh tenwateraneká꞉re tsi enwatenhotón꞉ko, kwáh tsi ní꞉ioht ne ohtsinaʼkontahkwaʼne otsikhé꞉ta kwáh enkawistaná꞉wen ákta ká꞉ien tsi iotékha, kí꞉ken otsikhé꞉ta enkanahó꞉ten kwáh tsi ní꞉ioht nohné꞉kanos tsi nón꞉we nihiotenontsá꞉kon.

Nahum 1:5

Watsionontishonkwánion ne raohénton, tánon ne tsi ionhniarónhnions wakawistanawénhseron; watsiahontsíshonkwe ne raohén꞉ton, ne tsi ionwenhtsá꞉te ó꞉ni ratikwé꞉kon ne thóh nón꞉we niiená꞉kere.

Habakkuk 3:10

Nó꞉nen ne tsi ionontahrón꞉nions wahesá꞉ken waʼtsiowí꞉sonhkwe; nohné꞉kanos thonwerónhtane ne tsi karonhiá꞉te. Nohné꞉kanos ne nà꞉kon tsi ionwenhtsá꞉te waʼhonekákare, tánon ionontowá꞉nens ionontakwahronhtónhtses;

Habakkuk 3:6

Nó꞉nen thenhá꞉tane tsi teotekhahakwenhátie tenhiahontsí꞉shonhkwe; tsi natehakánere, akahontsakwé꞉kon nonkweshón꞉as waʼhakohiatísonhkwe. Ne kwáh onontakáhions waʼtewanitsthenróko; tánon ne tsi ionhniarón꞉nions eʼtà꞉ke niaháhe né꞉ne tsi nón꞉we natehatekhaʼhákwakwe ne wahón꞉nise tkénhne.