Psalms 95:3 - Ohiatonhseratokénti

³ Asèken ne Roiá꞉ner tsi roshaststenhserowaʼkenkówa Rawenni꞉io í꞉ken, tánon rosasthenserowaʼnenhkówa tsi ronhnontí꞉io í꞉ken tsi nitesakoniaʼrotáron ne ronatsákes nʼiohokónhas.

Psalms 95:3 ပူးပေါင်းရင်းမြစ်များ

Nehemiah 8:6

Eʼthò꞉ne ne Ezra wahohiathaté꞉riste ne Roiá꞉ner, né꞉ne tehotenonhianì꞉ton Ní꞉io tánon onkweʼtakwé꞉kon watseriwaʼserá꞉ko, “É꞉ʼtho niiáwenh! Eʼtho niiá꞉wenh!” tánon wahonhnentsakaráhthate tánon wathontsakéhte, ronwashén꞉naiens ne Roiá꞉ner tse hatikonwahró꞉te nonhontsà꞉ke.

Psalms 104:1

Tehoʼnonweráton ne Roiá꞉ner nakwatónnhets. O Saiá꞉ner, akeʼNí꞉io, í꞉se ne shaststenhserowáʼnen. Ne satʼtieronniáthon ne kahkwenienstátshera ó꞉ni ne kahiatanerahkwátsera,

Psalms 135:5

Asèken wakateriéntare ne Roiá꞉ner tehotenonhnianíton; nonkwaiáner éhʼneken satotohesténhni ratikwékon ne niʼiohokónhas.

Psalms 145:3

Tehotenonhianíton ne Roiá꞉ner, tánon teiotonhontsóhon ne iawetatʼtsáni tsi tahonwanonhweratónhsehke; tsi natehotenonhianíton iáh thahónton ne kwáh iakaiérike aiakonikonhraiéntaʼne.

Psalms 47:2

Asèken ne Roiá꞉ner, né꞉ne kwáh tót꞉te, tsi rohiatanerákwat, ohontsakwékon tsi ronontiʼiotserowánen.

Psalms 47:3

Sonkwasniénons naietʼtisénhni ne ionkhíshons, tánon sonhtionhniénhnis naietʼthihiatkóraste nonkweshón꞉ha.

Psalms 96:4

Né Roiá꞉ner tsi nihoshastsʼtenserowáʼnen tánon kwáh kíʼ í꞉ken tsi tahonwanonhweʼráhton; kwáh ishiʼnónwe sénha tsi ahonwaʼkwénienste tsi ní꞉ioht nakorénsons ne niʼiohokónhas.

Psalms 97:9

Asèken í꞉se, O Saiá꞉ner, ne kwáh éhʼneken tisát꞉the nohontsaʼkwékon; í꞉se sénha sashaststenhserowánen tsi ní꞉ioht ne ó꞉ia niʼiohokónhas.

Exodus 12:12

“Nètho enhiokaratserátheʼke kwáh iatenkatonhontsohétsthe ne Egypt, khenonhwarhiakonhátie ne tohʼnatierénton roʼnahnakeráton ne roʼtiskenràkete, tetsarónhkwen ne ónhkwe ó꞉ni ne katʼtshénen, tánon kherewahtonátie ratikwékon ne Egyptró꞉nons raotiʼníios. Í꞉i ne Watiá꞉ner.

Exodus 18:11

Ónenh kíʼ onhkateriéntarahʼne nètho Roiá꞉ner tsi sénha roshaststenseroʼwá꞉nen tsi ní꞉ioht nakwékon ne ratiní꞉ios, tsoríwa tsi thóh kí ken nahá꞉iere nónenh ne Egyptró꞉nons wahonwanaʼtewenienʼnakʼsá꞉ten ne lsarerʼró꞉nons tsi nióre tsi ronahʼtenontsisʼtaniráhton.”

Isaiah 44:8

Tó꞉sa sewáteron, khés nahiʼsewatʼtsániʼke; iáh ken tekwahrorihánions tsi nahó꞉tens noriwakáions tánon tewakerihwakwát꞉ton? Í꞉se nakerihwanirát꞉tshera í꞉ken! Ónhka kén ne thiʼkaniʼioseràte ahatàke ne tiaták꞉ta? Iáh kén nó꞉ia tekensténhraien; kwáh iáh nénska tewakateriéntaʼre.

Jeremiah 46:18

Í꞉ih, ne Watiá꞉ner Keshastsʼtenseroʼwáhnen, Wakenonhtí꞉io. Í꞉i ne konnhehónwe Ní꞉io. Tsi ní꞉ioht ne tsi ionónhte Tabor tiehiononhtakéthoʼte ne tsi ionnonhthénions ó꞉ni ne tsi ionónhte ne Carmel éhnheken ionónhte ne kaniatarahkhekówa, káti ehniháshastsʼte ne ienhiatiatónti.

Jeremiah 48:15

Ne Moab tánon nahonahtowáhnenhs kariwahthónton; ne kwáh tsiahonkwetí꞉iosʼkwe nithotiʼhiónsas ronwahnahwénhtʼthon. Í꞉i ne Wahkenonhtí꞉io, ne Watiá꞉ner Waʼkeshastsʼtenserowáhnenh, tánon wahkatá꞉ti.

Daniel 4:37

“Ó꞉nen káti, í꞉i, Nebuchadnezzar, enhihsénnaien, tenhirénhsaron, ó꞉ni enhiiatanehrákwahte né Ronnontí꞉io né Karonhià꞉ke Thèn꞉teron. Kwáh tsik nenhá꞉iere akwé꞉kon tkarihwaié꞉ri ó꞉ni thoriwaié꞉ri, tánon ó꞉ni enhakwé꞉ni ne tahshakawentshó꞉ten ónhka ne iontatón꞉ni.”

Malachi 1:11

Aseʼkénh kwáh tsi nentkarahkwínekenʼne tsi nienhskaráhkwenʼne tsi tshennowá꞉nen ne tsi ienakerénion ne ronnonhontsaʼkehró꞉nonʼs, tánon kwáh tsik nonwé꞉sonʼs tsi enieienʼkwarotónnion nakhsèn꞉nakon, aseʼkènh nakhsèn꞉na tsi kahsennowá꞉nen í꞉ken ne tsi ratinakerénionʼs ne ronnonhontsaʼkehró꞉nonʼs, Rá꞉ton ne Sakoiá꞉ner ne ratironhiaʼkehró꞉nonʼs.

Malachi 1:14

Ók ronorónhsten ne raʼnikonhrhá꞉tha ne rá꞉tsiʼn ronáhskwaien tánon enhahrhá꞉ratsteʼ nahatenáhskon, tánon eʼthó sá꞉ne ne enhotʼskónthahse ne Roiá꞉ner nahó꞉ten ne iáh tshiekaiaʼtaié꞉ri; Aseʼkénh Í꞉i ne Kenontiiohtsherowá꞉nen í꞉ken, Rá꞉ton ne Sakoiá꞉ner ne ratironhiaʼkehró꞉nonʼs, tánon nakhsèn꞉na kwáh tsi niaʼteionkwé꞉tákeʼs tsi ratikweniènhstha.

Matthew 5:35

Iah oni nonȣentsia; aseken ne konrasitokeȣata ne rahosita; Tosa oni Jerusalem; aseken Onontiiokoȣa raotenata.

Deuteronomy 7:21

Káti tó꞉sa ietshiʼtshà꞉nik kí꞉ken onhkweshón꞉a. Ne Roiá꞉ner sewaNí꞉io sewakwé꞉kon ki; rashatstenserowá꞉nen Ní꞉io tánon iatehahiá꞉ti ahó꞉wenk nahonwatiaʼní꞉sheke.