Psalms 94:23 - Ohiatonhseratokénti

²³ Kwáh kíʼ rahónha ensakoréwaʼte né tsi nihotirihwaʼnerahákskon tánon ensakótonhte tsi nihotirihwaʼnerahákskon; né Roiá꞉ner onhkwaNí꞉io kwáh kíʼ ensakótonʼte.

Psalms 94:23 ပူးပေါင်းရင်းမြစ်များ

2 Kings 19:7

Né Roiá꞉ner enhahón꞉nien ne rakó꞉ra nahothónhteʼne ne karihhontsenónhties né kíʼ enkakwéni nahahónhnien tsi thonakeraseráien niénhsʼre, tánon ne Roiá꞉ner thóh kíʼ nón꞉we ienhononwariákon.”

Esther 7:10

Sók ki Haman wahonwahnià꞉terenke tsi nón꞉we nihóhson Mordecai raorihwà꞉ke. Ó꞉nen kiʼ ne ronontí꞉io iaʼtonsahanaʼkwaieʼwèn꞉taʼne.

Esther 9:25

Sók ne Esther eʼthó niahá꞉ʼen tsi thén꞉teron ronontí꞉io, tánon ne ronontí꞉io iahaténniehte tsi nahò꞉ten rohià꞉ton waharí꞉wenhte tsi ní꞉ioht tsi enrènheie ne Haman, tsi ní꞉ioht tsi rorihwíson ne Sitaeró꞉non tsi enhshakóhtonʼte. Haman tánon shakoioʼokón꞉ʼa wahonwatihnià꞉terenke tsi nón꞉we shakotihniaʼterenkstáhkhwa.

Psalms 109:20

Aiáwens né aosahonatʼkáriakʼse ne ionkerihwáʼros ne Roiá꞉ner nón꞉we nahontáwe, né꞉ne tsi niʼiákon ne waʼhétken tsi ní꞉ioht tsi ronhtátis tsi ní꞉ioht tsi kónhnhe.

Psalms 12:3

Aiáwenhs ne Roiá꞉ner ahá꞉iake akwékon tsi nihontenaiestha né ratisáke tsi naʼtehonenhnashatsikhétare, né nawenhnáson ne iónhnis kowánen karenhsarónhtsera,

Psalms 55:23

Ók í꞉se, Ó Sewenní꞉io, iensehiáthente tsi nón꞉we ne kwáh tioshón꞉wes; né sakonaséhtha tánon natiokenthashónhas kénk nentontíhionke enhonnhíheie. Ók kwáh kíʼ shonháke nón꞉we nenhtewakethakwénhake.

Psalms 64:8

Kwáh ensakó꞉thonhte ne enkarihónhni ne thóh owenhnashónhas; ratikwékon nenhonwaʼtíken kwáh enhotihiatíshonkwe tsi nenhotíteronhne.

Psalms 7:16

Tánon né shotíras ne raothakontátshera, tánon né kakaronhniátshera nakóren sakorakwénhni ranontsíne saká꞉rane.

Proverbs 1:31

Tho ká꞉ti enhshié꞉na tsi naʼtesatén꞉tshon tánon tsi nihsatieránion né꞉ʼe ensanonhwaktá꞉ten.

Proverbs 14:32

Nón꞉kwe ne rotirihwanerenʼákskon ronónha enhontatenòn꞉waien ne tsi karihwáksen tsi nihontiéhrha, nok ne tionkweʼtaié꞉ri enhotiiaʼtanónhstate ne tsi ronatonkweʼtakwaríhshion.

Proverbs 2:22

Rawenni꞉io entehshakoiaʼtatihéntho ne ionkweʼtahétken tsi ionhwentsá꞉te tánon ne rotirihwanerenʼákskon tsi ní꞉ioht ne ahʼrhiotsionko né꞉ʼe kahontáksenʼs.

Proverbs 5:22

Rotirihwanéren raotiioʼténhsera tho ní꞉ioht tsi ní꞉ioht ne waterístaien. Ne iohontiá꞉tenhke tsi rotirihwanéren.

Proverbs 5:23

Enhonníheie ne tsi iáh thahatikwé꞉ni nahontatié꞉na. Tsi niió꞉re tsi rotinonhwahró꞉ri ne ká꞉ti iohsnó꞉re enhonthahíta tsi iontatiaʼtataʼáhstha.

Jeremiah 36:31

Kwáh enhkonréhwahthe, ne sehiohokónha, ó꞉ni ne sonkwetaʼshón꞉a ne rotaterihóntons ne tsoríhwa tsi nikahriwáhnerens tsi nisehwahtiéren. Tánon níse ó꞉ni nonhkweshón꞉a ne Jerusalem ó꞉ni ne Judah kwáh iáh othénenh kariwahtetiónhni tsi nikwahronkahtenhni, tánon káti enthekhawe orihwahkwekon ne kakahronhniátshera tsi niwahkerihowahnáhton.”

Ezekiel 18:24

“Ók tó꞉ka ne tsionkwetaiéri enhióntkawe ioiánere tsi nihiontiérah tánon ne entiontáshawenh oriwahkwékon ne kariwahétken tsi nahiónhtiereh, ioteriwahtehashón꞉has nètho ne iokwetahétkens tsi nihatihiéra, kwáh onhtèken enrónhnheke? Iáh! Iáh nénhska ne ioiánereh tsi nihotiéren tawehiárahke. Kwáh enrénheʼie tioríhwa tsi iáh tehoriwahtó꞉kenʼne tánon ne rahoriwahnerahákʼtshera.

Daniel 7:24

Thí oié꞉ri nikanaʼkará꞉ke né ne oié꞉ri nihá꞉ti rotinontí꞉ios ronnónha enthatiniarotárhoke ne tsi kanontiioʼtsherá꞉ien. Eʼthó꞉ne thiháte ronnontí꞉io enshatotáhsi; kwáh ne í꞉ken tsi thiháte tsi ní꞉ioht ne thotihén꞉ton, tánon enhshakoʼshén꞉ni ne áhsen nikanontíioʼtsherá꞉ke.

Daniel 9:26

Ne nó꞉nen ienwatókten enhonwário ne Rawenni꞉io raonkwé꞉ta ne kwáh iáh thé꞉nen thahonhí꞉kon. Ne kanatowá꞉nen ó꞉ni ne ionterennaientáhkhwa tenkaríhton ne tsi enhshakonenhrénhten tsi niká꞉ien ne Rawenni꞉io roiatarákwen nákte non nithawé꞉non ne kwáh roʼshatstenhserowá꞉nen rakó꞉ra. Ne tsi ienwatókten eʼtho neniá꞉wenʼne tsi ní꞉ioht nawenhnó꞉ton, tsi enwaterí꞉ioke ó꞉ni ne karihwaiesátshera tsi eʼtho ní꞉ioht tsi rokwatákwen ne Rawenni꞉io.

Judges 9:57

Tánon kíʼ ó꞉ni ne Rawenni꞉io washakahónhnien ne ronhnónhkwes ne Shechem nahatironhiáken tsi nòkwah ne rahotirihwaneraháktsheras, kwáh kíʼ tsi ní꞉ioht ne Jotham, né꞉ne Gideon roiénha, tsi nihó꞉nen nó꞉nenh enhonwatiréwaʼthe.