Psalms 94:13 - Ohiatonhseratokénti

¹³ sehiatorihséntʼthos ne tsi niwenhniseraʼténions nó꞉nenh thènen teonanikónhraʼre, tsi nió꞉re ienhonwaʼnátʼtsatonhkónhnien ne ronhnonkwetaʼhetkenʼokónhas.

Psalms 94:13 ပူးပေါင်းရင်းမြစ်များ

Job Tánon ne Raoronhiakensera 34:29

Nó꞉nen sák tishotatón꞉ni, ónhka aiekwé꞉ni naieriwaká꞉tate? Nó꞉nen rotkonshasé꞉ton, ónhka aiekwé꞉ni nahonwá꞉ken? Tó꞉ka ken ken tiokwakwé꞉kon akénhake khéhs tionkweʼtátions khók?—

Psalms 49:5

Onhnontsiéren tsi ahontʼterón꞉ne nó꞉nen thènen tekanikónhrare, nó꞉nen ne ronhnonkwetahétkens ratinikonhrá꞉tha né hionkeʼnhitseráwis tenhionkehonwarón꞉ni,

Psalms 55:23

Ók í꞉se, Ó Sewenní꞉io, iensehiáthente tsi nón꞉we ne kwáh tioshón꞉wes; né sakonaséhtha tánon natiokenthashónhas kénk nentontíhionke enhonnhíheie. Ók kwáh kíʼ shonháke nón꞉we nenhtewakethakwénhake.

Psalms 9:15

Nonkweshón꞉ha thóh iahonhtinonwírehte nosónhwakon ne roʼtishonhiónhni; ne tsi waʼterísthaien ne roʼnaséhton né꞉ne ronón꞉ha ronsitáke wahotiʼiéna nahá꞉re.

Jeremiah 18:20

Ne karihwahétken ne kén ne ahokarhiátshera ne iohiánereh? Ethohʼsáne rohtisonhiónni nakerihwáhke né hiatiátenʼne. Sehʼhiáranh tsi ní꞉ioht tsi iewahkénon ne sonháke nahkhehiatátsaʼse, ne ne tó꞉sa kanahkwahtsherákon tsi kén niahséhʼiereh.

Jeremiah 18:22

Kén tiokwáksen iasehiaténiet nahathinenhskwenháton tsi ratiterónton ne ne kwáh iáh othènen tahonthontró꞉ri; sehiónʼnien katerontsherákon tsi tehonséntʼtho. Hionksonhionnénhni né iatiáʼtenne tánon hionkaterísthaʼien nahiontiénha.

Habakkuk 3:16

Wakaʼthón꞉te akwé꞉kon kí꞉ken, tánon onhtsiatí꞉shonkwe; tsi nió꞉re tsi wáterons waʼtewakenawirohó꞉khon. Tánon tahkwaʼáshon onkatiénhase ne tiéronhke, tánon waʼtiatishónkwa tsi nón꞉we niʼttákwe. Kwáh kíʼ skén꞉nonk thenkénhake tsi nenhkateráhrate ne iaʼkáhewe nó꞉nen ne Rawenni꞉io ensakorewaʼte tsi niháti ne tionkhiiatsatónhtses.

Hebrews 4:9

Kwáh kíʼ tsi ní꞉ioht, nók kíʼ, thóh shékon iotahténron ne Rawenni꞉io rahonkwetasónha nahontohrísen tsi ní꞉ioht tsi rothorísen ne Rawenni꞉io ne iawenhtatokentíke.

2 Tiér 2:9

Tánon káti ne Roiá꞉ner rohteriéntare onní꞉ioht tsi ahsakonónstate ne rohtiniʼioseráien tsi ní꞉ioht tsi tehonwanaskótanis ó꞉ni tsi ní꞉ioht tsi ensakorewátake ne ionkwetahétkens kwáh tsi nióre Entewenníseráh꞉teke ne tenhonwatihiatórente,

Revelation 11:18

Ne ronhnonhontsakeró꞉nons waonatenakwahwenhrát꞉tse, ók saterhiatitkhóntsera ón꞉we, tánon iaʼká꞉hewe ne tasheiató꞉rehte ne ronenhé꞉ion, Asè꞉ken ne nasekariatseniónhase ne sanhatseraó꞉kons, ne ne rotitokénhse ó꞉ni ne rotiiatatokéntis tánon ratikwé꞉kon ne ratikweniénstha sasénhna, tetsá꞉ron né꞉ne kenk naiesenhnáske ó꞉ni naiesenhnowanénhake, tánon ne naseiatón꞉te tsi niiá꞉kon ne iakohetkénton tsi ionwenhtsá꞉te.”

Revelation 14:13

Tánon wakewenhná꞉ronhke thóh nontá꞉we karonhiá꞉ke watón꞉nions, “Shiá꞉ton kí꞉ken: Iakotáskats ne iakawenhé꞉ion ronón꞉ha kén꞉en ienwatáhsawen ronenhé꞉ion raonhà꞉ke ne Roiá꞉ner.” “Hen,” rá꞉ton ne Ronikonrí꞉ioston, “kwáh enhontoríhsen tsi nihonathatonhnakenà꞉on, Asè꞉ken tsi nihatiweienhó꞉ten enhotinonhtérane.”