Psalms 94:10 - Ohiatonhseratokénti

¹⁰ Sakotewenhnaiéntons nonkweʼshón꞉has iáh ontèken tasakoréwaʼte ne ronhnonkwetaʼhét꞉kens nʼIsraerʼró꞉nons sakotihéntenhse, tsi rahónha sakorihonhniénhnis nonkweshón꞉ha natʼthokhatsherákon, iáh kén tasakosokwawéshon?

Psalms 94:10 ပူးပေါင်းရင်းမြစ်များ

Job Tánon ne Raoronhiakensera 28:28

Tánon wasakawénhase nonkweshón꞉as, ‘Orihwiiohón꞉we, ne raoteronhkwátshera ne Roiá꞉ner tsi né nathokhátsera í꞉ken; tánon né꞉ren ahiénte ne karihwahetkénhsera né꞉ne kaʼnikonhraientátshera í꞉ken.’”

Job Tánon ne Raoronhiakensera 34:29

Nó꞉nen sák tishotatón꞉ni, ónhka aiekwé꞉ni naieriwaká꞉tate? Nó꞉nen rotkonshasé꞉ton, ónhka aiekwé꞉ni nahonwá꞉ken? Tó꞉ka ken ken tiokwakwé꞉kon akénhake khéhs tionkweʼtátions khók?—

Job Tánon ne Raoronhiakensera 35:11

raónha sénha isiʼnón꞉we nishonkwahrihonhnién꞉nis tsi ní꞉ioht ne kontiʼtshé꞉nens ne tsi ionhwentsá꞉te, tánon sénha shonkwathokhatsherá꞉wis tsi ní꞉ioht notsitenokónhas ne tsi ió꞉werare kontí꞉ties?’

Psalms 10:16

Né Roiá꞉ner né꞉se Nonkwahnontí꞉io í꞉ken né꞉ne tsi nénhwe tánon iáh tsahontótʼten. Nonkweʼshónhas kwáh kíʼ éʼrenh enhiontatsatenháwite ne rahohontsáke.

Psalms 119:66

Takerihónhnien nahioianeréhake tsi tatiatoréhthake norihwasónhas ó꞉ni ne táskon natʼtokhátsera, asèken tewaketákwen ne sahtsawenhráhtseras.

Psalms 149:7

ne ahonterihwathéntsaʼte ne tahontahotinhákwen rononháke nonkweshónhas tánon asakotiréwaʼte nonkweshónhas,

Psalms 44:2

Í꞉se kwáh sahtshanáke khók wásaste tsi waʼsehiatínekenhwe nonkweshón꞉has, ók í꞉se sheséhteron nonkweshón꞉has ne raʼononhontsáke; í꞉se waʼserihwahetkénten nonkweshónhas, í꞉se waʼsehiawí꞉hon ne ioiáneres athatahwí꞉tsheras ne shonkwetaʼshónhas;

Psalms 9:5

Wasehterónhkwen nonkweshón꞉ha né꞉ne tsi natisahénrethe nateriʼiósera, waʼsehiáthonte ne ionkwetatsensoʼkónha; kwáh iehiokontákwen tsi waʼsehrón꞉ko ne tsi ratisénhnarakwe né꞉ne tsi nènhwe enkénhake.

Proverbs 2:6

Ne tsi Roiá꞉ner thatká꞉waʼs attokháhtshera ráonha ó꞉ni thatká꞉waʼs karihonnienníhtshera tánon kaʼnikonhraientáhtshera.

Isaiah 10:12

Nó꞉nen ne Roiá꞉ner enhá꞉sa akwékon ne raoʼiothénsera ne tsi ionónte ne Zion ó꞉ni thóh nón꞉we ne Jerusalem, kwáh kí enhoréhwate ne ratatkowahnátha tsi natehothaʼterénhsaron ne ronnontí꞉io ne Assyria tánon tsi nihothatóhare tsi nihanáʼie.

Isaiah 2:3

Iakotsokowánenh éntsien tánon enhiaiéron, “Káts, áhnion thóh ietewanontáran tsi rotenontáhere ne Roiá꞉ner, ietewatáwehiat ne raononsatokentiʼkowáne ne raoní꞉io Jacob; ne nahónton nashonkwahrihónhnien tsi nihaweienótens tánon nahónton thóh nón꞉we nahitewaténhti tsi rohatátie.” Asèken Zion nón꞉we entkaiákenhne ne enkahénte ne karihonhnienhnítshera, tánon ne raowénhna ne Roiá꞉ner Jerusalem ne nón꞉we nénhtewe.

Isaiah 28:26

Asèken kwáh í꞉ken tsi ronwatiʼrihonhniénhni; ne ne raotiní꞉io sakorihhonhniénhni.

Isaiah 37:36

Eʼthó꞉ne ne raoronhiakeró꞉non ne Roiá꞉ner iahahiakénʼne tánon washakowéntho énska tewenhniá꞉we shatèkonʼniwáhsen-wísk niwenhniaʼwehetsheráhsen ne tsi ronanátaien ne Assyriaró꞉nons; nó꞉nen sahiórenhne, kwáh ratikwé꞉kon ronenhé꞉ion tewenhehiontó꞉taron.

Isaiah 54:13

Ratiʼkwé꞉kon ne sehiohʼokónhas kwáh Roiá꞉ner né ensakorihón꞉nien, tánon thenhiotenonianítonhke tsi nenhotiʼkwahtshéhake ne sehiohʼokónhas.

Jeremiah 10:25

Thóhʼniahásaf ne sanahkwáhtshera tsi nónhwe ne onhkweshón꞉a ne iáh tehieshaʼsénnaiens tánon ó꞉ni ne ónhkwe ne ieshakenrónni. Sahkotinonhwarhiákon ne shonkwetaʼsónha; kwáh tohkénʼen tsi hionkhiʼiatónton tánon nonhkwanahkeʼráhsehra hioriwahiesáhon.

Ezekiel 39:21

Ne Roiá꞉ner wahénron, “Enhkheríhon nonhkweshón꞉ʼa nahontkátho natsatanerahkwáhtshera tánon enkhenathónhase tsi ní꞉ioht tsi wakátston nakeshastsʼténsera tsi niatewakeriwaiénthase ne tkariwahiéri.

Amos 3:2

Tsonhá꞉ʼa khok kwaienterí꞉ne ne tsi niiehwatsí꞉ra tsi ionhontsá꞉te; kwáh ká꞉ti enkwahré꞉wahte tho í꞉kare akwé꞉kon ne sarihwaneraʼáktsheras.

Habakkuk 1:12

Iáh ken ní꞉se tho titeséhnon ne oksténhne, O Saiá꞉ner akení꞉io, nakáwenk iotokénti? Kwáh iáh taiakwenhé꞉ie. O Saiá꞉ner, ní꞉se seieronhnítston ne kariwenhtáhtshera; tánon í꞉se, O osténhra í꞉ken, ne sehrí꞉honte ne karehwathátshera.

Habakkuk 3:12

Nó꞉nen sisanakwénhen, waʼtesathekháhawe tsi waʼteshonhontsí꞉iake ne tsi ionwenhtsá꞉te, ne tsi sanakwénhen waʼtesehiaskwáseron nonkweshón꞉as.

John 6:45

Ȣaton tsi rotiiaton ne Rotitokensehakȣe: Niio ne entkaientakȣe tsi enhonȣatirihonnien. Neh kati nonka kiok enhoȣennarakȣen ne Rakeniha, Raonha oni enhorihonnienni, neh tohiken enhakiatorenne.