Psalms 92:13 - Ohiatonhseratokénti

¹³ Kwáh éhʼtho nihatihiató꞉tens tsi ní꞉ioht ne karonhtaientʼthó꞉sehrons ne Rawenni꞉io rahonónskon, tsi nihiotiʼianerasthénhnis ne rahonhnonsatokentikówaʼne ne Rawenni꞉io.

Psalms 92:13 ပူးပေါင်းရင်းမြစ်များ

2 Chronicles 4:9

Wahatikwahtáko ó꞉ni natenhénrakon ne ratitsihénstatsis raotirihwáke, ó꞉ni náste nòkwahti. Né tsi kanonkarónhtons tsi iotenhenrenhtónhnions tsi natetsátere ne atenhénrakon otsínekwar karístatsis wahatirórokste.

Esther 9:4

Akwé꞉kon tsi nikanakeráhsera ronaterién꞉tare ne Mordecai tsi ó꞉nen roʼshatstenhserá꞉ien kanontiioʼtsherá꞉kon iotehiaróntie ne raoʼshatsténhsera.

Psalms 100:4

Tehshatenonhweráhthon tsi iensatawehiatánion ne tsi rothenhenrakaróntons; tesatenonweráton tsi iashatáhwehiat ne raotenhénrahkon. Tetʼtienonhweráhton tánon tsénhnaien.

Psalms 116:19

athenhénrakon tsi nón꞉we nikanón꞉shote ne Raononsatokentiʼkówaʼne ne Roiá꞉ner, né꞉ne Jerusalem nón꞉we. Tehonwaʼnonweráton ne Roiá꞉ner!

Psalms 135:2

í꞉se ne thóh í꞉sewate raonónskon ne Roiá꞉ner; raonónskon nonkwahNí꞉io.

Song of Songs 4:11

Tsi niʼiawenhontserákon ne otsikhéta ne iawere, serítiake; ne senhnasáke onónhta íken tánon otsikéta nakeriwáke. Ne satʼtserónhniat thóh niwenhseró꞉ten kwáh ne ne Lebanon.

Song of Songs 5:15

Ne raʼshinákes kwáh ne neh kaʼnawahatótons ne kanenhiaʼnóron íken, tsi karahte owistanoron íken. Tsi nihatkatotseró꞉ten kwáh ne neh tekaiestáshion onentahkwentétsera ne Lebanon, Tsi írahte tsi nihotʼkwéniens.

Isaiah 60:21

Né shonkwetaʼshónhas kwáh kí enotiʼiánereʼke; kwáh enhontiénawasʼte nonhóntsa né tsi nénhwe enkénhake. Ronónha né tehiorenhá꞉ron í꞉ken ne watsiénthon, né naoʼhioténhsera ne katshanáke, né kí nahón꞉ton ahiontiaʼtanerákwahte.

Isaiah 61:3

né nahontakheʼhiatʼkáwenh tsi nihá꞉ti ne ronatʼtiónhnion né Zion nón꞉we— nahontakhéhion ne otsítsa kakahkwenhtonniáton tsi ní꞉ioht né꞉ne akénhake ne wakenrontákwen okénhra, né꞉ne kénhie ne atsenhnonniátshera í꞉ken tsi ní꞉ioht né꞉ne akénhake nahiakhotiónhnionke, né nateweiárah ne kanonhweratónhtshera tsi ní꞉ioht né꞉ne akénhake ne kanikonhraksénhtshera. Né enhonwatinatónhkwahke karíhton karónh꞉ta né꞉ne karihwaʼkwahrihshiónhtshera í꞉ken, tsi roiéntʼthon ne Roiá꞉ner, né naré꞉neste ne raoʼiatanerakwáhtshera.

Hosea 14:5

Kwáh thóh nenhtiatothénhake kwáh né꞉ne iohawé꞉ien ahonhà꞉ke ne Israel; kwáh thenhatsitsanékare tsi ní꞉ioht ne katsitsará꞉kens, kwáh enhioteréshonkes tsi ní꞉ioht tsi ioronhtó꞉tons ne Lebanon nón꞉we.

Romans 11:17

Ne karontaienthóserons ne ioteiéna káhik iotenhatoskárons, tánon neh karakónha ne ioteiéna karónta neh iaʼtekaiéston. Níse ne iáh tesewariwiʼióstons ne tesisehwatiérens neh karakónha ioteiéna karónta, tánon nónwa ónen neh sewatsthonhátse ne kasátsʼte tsi nihotirihóten ne Sitaeró꞉nons rahotiriwiʼiosthóntsera.

Romans 6:5

Tóhka énskat iehionkwatónʼon ne raónha tsi thoʼní꞉ioht tsi ionkwehéion tsi ní꞉ioht ne raónha, kwáh nesáka entewakwekónhake nahonsahionkihʼiónnhete tsi kíʼ ní꞉ioht ne raónha.

Ephesians 3:17

Tánon wakaterénʼnaien ne Kerístos ne hiahatenakthónʼni ne sewerianésons taʼiahonkóton ne tewethákwen. Wakaterénʼnaien neh kwáh taiahoserénhen ó꞉ni ne ahionniáton ne kanoronkwátsera.

2 Tiér 3:18

Nók iasewatasónteren sewatehiáron thóh nónwe ne rahotenretserákon ó꞉ni ne rahotʼthokhatserákon ne Sonkwaiáner ó꞉ni Sonkwaiatákwen Ié꞉sos Kerístos. Rahónha ne kahiatanerakwátsera, nónwa ó꞉ni tsi nénwe! Éhʼtho naiáwenʼne.