Psalms 91:5 - Ohiatonhseratokénti

⁵ Iáh tatehiotonhontsóhon nasetʼtshanísehke ne ronhthenhénhnaras ne tsi niwaʼsónhtes, khés ne thènen ahiohonraká꞉rahke tsi niwenhníseres,

Psalms 91:5 ပူးပေါင်းရင်းမြစ်များ

2 Kings 7:6

Né Roiá꞉ner né waʼrónhniate né Syriaró꞉nons ronhterí꞉ios tsi wahonatʼthóntene tsi ní꞉ioht ne tahotinenhríne rotiʼtsiokwatʼtsáni ronhterí꞉ios tahotisátenhtse tánon otsónkwah tahotihonwísere, ók né Syriaró꞉nons né꞉ne wahón꞉nere né ronnontí꞉io Nisraeʼró꞉nonke né wasakónaʼne ne Hitró꞉nons tánon ne Egyptró꞉nons rontinontí꞉ios ó꞉ni ne rahononkwetaʼshón꞉as ronterí꞉ios niaʼonwanatsatónhti.

Job Tánon ne Raoronhiakensera 6:4

Asè꞉ken ne raoiènkwires ne Roshatstenhserowá꞉nen ne tewatiatawehéston, naotinonkwatseraktséntsheras ne ionekí꞉ren nakatónnhets; ne raoterón꞉tshera ne Rawenni꞉io wakanenhraserón꞉ni nahontahionkatiaʼtón꞉ti.

Psalms 112:7

Iáh tehatitʼtsánis nahó꞉ten ne karihwaʼhétken karihwanákeres; ne ronhneriáne kwáh í꞉ken tsi iorihwaʼtóken, rotirihwaʼníron tsi nòkwah ne Roiá꞉ner.

Psalms 46:2

Kwáh ká꞉ti iáh thahóten thahionkwáteronhne, iekaníhare ne tahiahontsíshonkwe; né ó꞉ni ne tsi ionontarónhnions niatahonré꞉ni kaniatarakhekó꞉wane;

Proverbs 28:1

Ne iáh tetionkweʼtaié꞉ri enhonté꞉ko nó꞉nen iáh ónhka tehonwatíhsere, nok ne tionkweʼtaié꞉ri tho nihotiʼnikonhrahtshá꞉ni tsi ní꞉ioht ne kèn꞉reʼks.

Song of Songs 3:8

Kontikwé꞉kon ne tionatʼtonhwísens konsarénhaʼwe Tanon iotirenhnáon nateriʼiósera, Shatihiatátʼtions iosarenhnéntakon rathiʼnitsákes, Ratinikónrahre tsi niwasónhtes.

Isaiah 21:4

Tewakanitonhniénhni nakenikónra, katerónhtshera wakonhniénhnis nahontsatítshonʼkwe; tsi niʼkaskánekskwe niaʼkarákwenhne né꞉ne hiatkakaraténi nahontsatíshonʼkwe.

Isaiah 43:2

Nó꞉nen thenshiá꞉iake ne kwáh tionó꞉tes, kwáh kí entenikweʼkónhake; tánon ne kaniaʼtarakésons, kwáh kí iáh tahiʼsanónwaien; nó꞉nen ienhénse notsiràke tashatóhetste kwáh kí iáh tashatsatáʼtsha, tánon nothón꞉kwa kwáh kí iáh tahiʼsátonhte.

Matthew 8:26

Tontasakaȣenhase; nahoten Seȣaterontha nise-ȣerientaha? Ethone tontahatane, ȣahatarhase noȣeron oni tsi kaniatare; nok oksaok tonsakaȣeriiake.

Luke 12:20

Nok ne Niio raton nehne: sentent iah tesanikonrat! Onȣa kenh ȣasontate entsiesariȣanontonse ne Satonnhests; onka enȣastste tsinikon saroron?

Luke 12:39

Seȣatorientare ȣahi, nonka kiok aontahoterientarake tsiniioȣistahe enhonȣanonsorenne ne sakohnasetta: Oriȣiio ȣahi tsi enhatieȣaten nok enhaskennha tsini ohien.

Hebrews 13:6

Ánion kíʼ ionkwahriwahníronk, káti, tánon tewénhron, “Roiá꞉ner sehʼ ratiénawahse, iáh tahonkʼteronní꞉hake. Nahóten ahiekwéni nónka ne oʼthènen naiontiérahse?”