Psalms 91:4 - Ohiatonhseratokénti

⁴ kwáh enhiaróhroʼke tsi ní꞉ioht ne kítʼkit tsi iakohiataséhtha nakohiohʼokónha kanerahontsiókon, tánon ranerahontsiókonh nón꞉we nisataséhthaʼkwe; ne Rawenni꞉io rorihwaʼtóken kwáh kíʼ enhiaiatanónsthate tsi ní꞉ioht ne tehioniatasthákwa.

Psalms 91:4 ပူးပေါင်းရင်းမြစ်များ

Genesis 15:1

Shontóhetsteʼ kí꞉ken nahorihoʼtén꞉shonʼs ne raowén꞉na ne Roiá꞉ner wahoiaʼtó꞉renʼne nʼAbram tsi ní꞉ioht ne wahotahsatáhrhahse tánon wahothón꞉teʼne ne Roiá꞉ner wahohró꞉ri, “Tósa sáhteronʼn, Abram, Í꞉i né satrenhohstáhkhwa í꞉ken; tsi naʼtensaterihwaʼserákwaʼse kwáh í꞉ken tsi enkowanénhake.”

Psalms 138:2

Wakʼkatʼtsákete ahohénton ne Sanonsatokentiʼkówa tánon watkatenonhweráton ne sahsénhna né tsi niʼiorihwatóken ne sanoronhkwáhtsera tánon ne sarihwaʼtokentítsheras; asèken satʼtsenhnakaratáton ó꞉ni ne sawénhna orihwakwékon éhʼneken í꞉ken.

Psalms 17:8

Thóh ní꞉ioht tsi taskene tsi ní꞉ioht tsi teshé꞉nes ne ská꞉rake; tatsá꞉taset thóh tsi iotasahtare ne shá꞉nerahòn꞉tsa;

Psalms 35:2

Sattháwa ne tehioniatastákwa tánon ne niwá꞉a iontrenhosthákwa, tánon téstann nastiénawaʼse!

Psalms 57:1

Takiténhrak, Ó Sewenní꞉io, takiténhrak, asèken shonháke nón꞉we nakatón꞉nhets niʼiotekwáhsen; né tsi iotasátare ne sanerahón꞉tsa nón꞉we nenhkatekwáhsen, tsi nió꞉re ne iakothóntha kawerowánen enwaʼtó꞉hetste.

Psalms 61:4

Takeríhon sahnonsatokentikówane akiterón꞉take né꞉ne tsi nénhwe akénhake, akettsénhri nakataséhtakwe nákon tsi iotasátare ne sanerahontsókons. Selah

Matthew 23:37

Jerusalem, Jerusalem, ise ne Sherios ne Rotitokense nok ietsinenhioiaks ne tekheiatories! Toh niioriȣake ȣakatenienten aonsakheiataroroke ne Sheienhokonha tsiniiot ne kitkit kaneraontsokon iakoiatasetha nakoienhokonha, nok iah teseȣathontaton.

St. Mark 13:31

Ȣatohestane tsi karonhiate oni ionȣentsiate, nok nakeȣenna iah neneh nonȣenton tiiakontohestste.

Deuteronomy 32:11

Ne Roiá꞉ner kwáh ne teshátieren ne akwekskó꞉wa kaʼnikónhrare nahotsinákwa, tánon è꞉neken káties tsi ratì꞉teron nakohiohokón꞉a, Ne Roiá꞉ner kwáh tió꞉konte tsi rothatewenienhnenhtà꞉on ne tahatenerahontsakwáhrite tánon nashakoié꞉na ne rahonkweʼtashón꞉as nó꞉nen enthatihiá꞉tenhne.

Titus 1:2

Tsi ne kakenserákwen ne karahrátshera ne ionnheʼónwe. Rawenni꞉io raónha ne iáh nonhwenton tahanowénthe, sonkwarahratsʼténni kíʼ tsi tsiónnhe nohénton nakwékon sonthontásawen,

Ruth 2:12

Aiá꞉wens ne Roiá꞉ner tahiariʼwaserakwáhse tsi nisatié꞉ren. Aiá꞉wens káti ó꞉ni kwáh otokén꞉en tahiariʼwaserakwáhse ne Roiá꞉ner Rawenni꞉io ne Israel tsi kén꞉en nontáhse nahiaiaʼtanónhstate!”