Psalms 91:14 - Ohiatonhseratokénti

¹⁴ Tsi nihiákon ne ionhkenorónhkwa, kwáh kíʼ enkhenónsthaʼte; kwáh kíʼ enthékhene tsi nihiákon ne iontsenhnaʼientéri.

Psalms 91:14 ပူးပေါင်းရင်းမြစ်များ

1 Chronicles 29:3

Iehiothohétston tánon sén꞉ha wé꞉sos tsi ní꞉ioht kí꞉ken né tewakatʼkáwens, Tewakat꞉káwens ne kawistarákens ó꞉ni nowistanórons né kwáh í꞉i atsienhtátsheras í꞉ken tsioríhwa tsi nikanorónhkwa ne Rawenni꞉io raoʼnonsatokentiʼkó꞉wa.

Ezra 8:31

Né꞉ne tékeni-iawénhre siwenhniserakéhaton ne tsotenhnitatierénhton tsonhkwahthéntion ne Ahava tsi kanatierathátie né Jerusalem nonhthahiákwe. Nokwáh Ní꞉io iakwahkwekonhátie tánon sonhkwahiathanonsthatonhátie tsi nokwáh ne hionhkhí꞉sons ne tó꞉sa ahontahionhkhihiatiaʼtón꞉ti tánon nahionhkhinenhrénhten tsi nihiakwatʼthahine.

Psalms 59:1

Sastsiatáko tsi nòkwah ne iónkshons, Ó akeNí꞉io; táskene tsi niháti ne tehotitháhon nahontahionkatsatónhti.

Psalms 9:10

Tánon tsi nihiákon ne ieshasenhnaientéri shonháke nón꞉we nitiakawetákwen, Asèken ní꞉se, Saiá꞉ner, iáh tesehiatewenhtétha tsi nihiákon ne iesaiatísaks.

Psalms 9:11

Thetserihwákwas ne kanonweratónhsera ne Roiá꞉ner, ne rotkoráston né Zion nón꞉we nihénteron. Satʼró꞉ri ne raohioténhsera nonhkwé꞉ne.

Psalms 91:9

Ní꞉se waʼtseríhon ne Roiá꞉ner nahontáhiane, né kwáh éhʼneken tót꞉te nón꞉we nisathasehtákwah,

Isaiah 33:16

né꞉ne kwáh éhʼneken nón꞉we nenhatinákereke; ne enhontaséhtaʼkwe né kwáh osténhra wathenhénrote; ne raothí꞉kwah kwáh kí entonhwanatkawenhníheke, ne raoʼtinékanos kwáh kí ronwanaratátstenhni.

Jeremiah 39:17

Ók Í꞉i, ne Watiá꞉ner, kwáh entkónhne, tánon iáh tsiahiesátkaʼwe ronónhake ne setʼtsánis.

John 14:23

Tontahoȣennaȣeron ne Iesos, nok ȣahenron: nonka rakenoronkȣa enhateȣeienton nakeȣenna, neh enhonoronkȣe ne Rakeniha; nok nii entsiteȣaiatorenne nok raonhake ienteȣatien.

John 16:27

Aseken hetsiseȣanoronkȣa oni neneh ne Rakeniha, aseken takȣanonȣehon, nok tiseȣetakon tsi Niione niteȣakehnon.

John 17:3

Kenh kaien enhiakaonnhete onȣe: neh naiakoterientarake tsi sonhaa ok ne Niio, nok ne tetsiatorion, Iesos-Keristos.

Romans 8:28

Kwáh ohriwakwékons ionkwateriéntare ne Rawenni꞉io ioʼiáneres tsi nishakotsérahse tsi niʼiákon ne ronwanorónkwa, tsi niháti ne sakhoʼnháʼon, ne entioianénhawe tsi nihoskanektseróten.

Galatians 4:9

Nók kíʼ tsi ónen tsi sewaientéri ne Ní꞉io—tóhkaʼ ó꞉ni tehiotonwentióʼon nakíron, ónen ne Rawenni꞉io tsi sewaientéri—onhnihiotiéren tsi ísewerhe thóh niahonséhsewe néhtho iáh thènen tehotisatsʼtenseráien tánon iotathiténrat tsi kwáh iáh thènen sathekéna tsi nihatihiathótens.

Ne꞉ne Sák Rohiaton 1:12

Ronatháskat tsi niháti enhathiháwake ne tewetákwen tsi nikaríwes tehonwanaskótanis, Asèken nónen hiatenhonʼnótkawe tsi ní꞉ioht tsi enhonwanateniénten, neh tenhonateriwaserákwase natónhnhes tsi nisakorahrastén꞉ni neh Rawenni꞉io tsi niháti ne ronwanorónkwa.

Ne꞉ne Sák Rohiaton 2:5

Sewatahónsatat, tekanóron tewatenrosónhas! Ne tsi ionwentsiáte Rawenni꞉io sakohiatarákwen ne iakóten né꞉ne ahothiʼkwatséhake tsi nòkwa ne tewethákwen tánon nahathiʼiéna ne Rawenni꞉io Raonakerásera tsi nisakorahrastén꞉ni tsi nihiákon ne ronwanorónkwa.