Psalms 91:1 - Ohiatonhseratokénti

¹ Ónka kí꞉ken akénhake thóh nón꞉we nihiakonnhétie tsi niteshakónes ne kwáh éhʼneken tót꞉te ónhka kí꞉ken akénhake tsi nisakohiatanónstats ne roshaststenhseroʼwánen,

Psalms 91:1 ပူးပေါင်းရင်းမြစ်များ

Psalms 121:5

Roiá꞉ner seh ne ianonhnáhtses; ne Roiá꞉ner tsaták꞉ta í꞉rahte ne nahontahiáʼne.

Psalms 17:8

Thóh ní꞉ioht tsi taskene tsi ní꞉ioht tsi teshé꞉nes ne ská꞉rake; tatsá꞉taset thóh tsi iotasahtare ne shá꞉nerahòn꞉tsa;

Psalms 25:13

Né Roiá꞉ner tiotʼkonhónwe tsi ensahkohiataterístonke ioiánere tsi aʼhonnónnheke, tánon ne sakotiʼiohokónhas enhonhnonhontsaiénthake.

Psalms 27:5

Asèken kwáh enhatiatásehte ne tsi rohtaskwáhere né tewenhniserónh꞉te ne tehionikonhráhrat; kwáh enhatiatásehte ná꞉kon tsi ioteró꞉ron ne raothó꞉sehra; kwáh thóh nón꞉we ienhakíteron tsi nón꞉we ne kwáh tionitsténhrate.

Psalms 31:20

Né tsi waskwáhere tsi nón꞉we ní꞉ses nenhsehiatásehte tánon ensehnóns꞉thate tsi nòkwah nonkweshón꞉ha tsi nihionteristhakérons; ensehiateweiénton skennenkó꞉wa thenkénhake tsi nón꞉we nisataskwáhere tsi nó꞉kwah ne karihwaʼnón꞉we takarihwakénha awenhnáson.

Psalms 32:7

Í꞉seʼke nónwe nikatasehtákwah; í꞉seh teskénes nó꞉nen thén꞉nen tekanikónrahʼre. Ioʼwènhthe tsi kerénʼnothe tsi nó꞉kwa ne sahiatakenátsera, tsoʼríhwah tsi í꞉seh teskénes. Selah

Psalms 36:7

Tsi niwé꞉so satèkena ne iorihwaʼtó꞉ken sanoronhkwátshera, Ó Ní꞉io! Tèsehnes nonweshónha kwáh tsi ní꞉ioht ne kítkit tsi iakohiataséhtha nakohiohokónha ne kanerahontsiókon;

Psalms 52:8

Ók kíʼ ní꞉i kwáh ehʼnitiatóten tsi ní꞉ioht né nitsoronhtahiónha iakeniewátha kèrihte hiotehiarón꞉tse raonónskon ne Rawenni꞉io. Né ní꞉i tewaketákwen ne iorihwató꞉ken Rawenni꞉io raonoronhkwátshera né꞉ne tsi nénhwe enkénhake.

Psalms 57:1

Takiténhrak, Ó Sewenní꞉io, takiténhrak, asèken shonháke nón꞉we nakatón꞉nhets niʼiotekwáhsen; né tsi iotasátare ne sanerahón꞉tsa nón꞉we nenhkatekwáhsen, tsi nió꞉re ne iakothóntha kawerowánen enwaʼtó꞉hetste.

Psalms 90:1

Saiá꞉ner, í꞉seke nón꞉we nikáien ne skenenkówak thí꞉ken né꞉ne tsi nénhwe enkénhake.

Song of Songs 2:3

Tsi nikèrihte ne sewaiówahne ne kará꞉kon, káti thohʼ ní꞉ioht ne rinorón꞉kwah tsi nón꞉we níres ne kennithotiʼiónhas. Ne ne kowáhnen atsennonniátshera thóh wahká꞉tien ne tsi rotasátare, tánon nakatkonhontserát꞉kense ne wahiákon raóhik.

Isaiah 25:4

Asèken í꞉se sehiatewehién꞉ton ne iakóten, í꞉se sehiénawase ne tehontʼkárhias thóh tsi natehonanikónrahre, ronaskwáhere nó꞉nenh iokenhnó꞉ron tánon ronterakwahwerostákwah nó꞉nen iorakwahtaríhen. Nó꞉nenh tehonateraʼnekarénhni ne iáh tehotí꞉ien nataniténron thóh niʼiohtónhne kwáh né꞉ne koseràke nó꞉nen iowisónhtion,

Isaiah 32:2

Né satihiaʼtatʼtshons thóh nenhatiʼhiathothénhake kwáh né꞉ne tsi nónwe nihiontasehtákwah tsi nitsiowerénha, hiakotaséhton tsi naʼtehioweratáse, kwáh né꞉ne watnekíne tsi nón꞉we niʼhiahontsaʼthen, kwáh né꞉ne iorakwahweʼróston ne katsthenrowánen thóh tsi ahonhontsióskon í꞉ken.

Isaiah 8:14

Kwáh raón꞉ha ne kanatatokénti enkén꞉hake, né nonénhia néh thóh tehiakaónkwas nonkweókons; asèken ne tehotinonsàkes NʼIsraerʼronónke kwáh ne enháton nosténhra ne tsakositsiátstha—né꞉ne waterístaien tánon tewanikárare ne tsi ratinákere ne Jerusalem.

Lamentations 4:20

Wahtsionkhíkwen tsi nihiakwastasónha tsi iatiónnhe, neh:ne Ronnontiʼio ne Roiá꞉ner rohrákwen, Tsi nikáien sakwaniahésenʼne nahontasónkwaʼne ne kwáh tsík ónka akénhake nahionkinenrénten.

Ezekiel 11:16

“Káti sehró꞉ri ne sewahthatekenhokónhas ne ronahnakeráhkwen tsi nahó꞉ten kahtónnions. Í꞉i ne iekhehiateniéthon niahatináhkerehke nahínonhʼnióre thatinahnekeréhnion nonhkweshón꞉ʼas tánon iathekhehiareniáthon naktésons tkanahkerahserahkérons. Ethosáne, nónhwa nikaháwis skátke enhiakwésehke ne ionhontsaiéntons tsi nonhwésons niehonénonh.

Judges 9:15

Nohíkta iokwiró꞉te watharihwasehráko, ‘Tó꞉ka kwaht tesewathonhontsóni ní꞉i sewanonhtí꞉io astsiónhni, áhki kén nonhtásehwe tánon sehwataséhtak ne tsi wakerakwahweʼrósthon. Tó꞉ka ióh thóh tahisehwáhiere, ótsire enkenthonkowána entkaiákenhne ne tsi wakenahatharónhnion tánon enwátʼtsahate nonenhthakwénhtes ne Lebanon.’