Psalms 90:5 - Ohiatonhseratokénti

⁵ Waʼsehiónheʼwe tsi éhren waʼsehiathenháwiʼte; kwáh thóh nihatihiathó꞉ten tsi ní꞉ioht natetsénhsehra kwáh iosthó꞉re katʼtsetsawénon, khés tsi ní꞉ioht nó꞉honte thontakánio noronhkéne,

Psalms 90:5 ပူးပေါင်းရင်းမြစ်များ

Job Tánon ne Raoronhiakensera 20:8

Kwáh kenk tsénre tsi ní꞉ioht natetsénhsera, tánon iáh tahonwahiataʼtshén꞉ri; kwáh enhahiatá꞉ton tsi niʼioht naiotasátare noʼkarasnéha.

Job Tánon ne Raoronhiakensera 22:16

Thonwatiratakwáhton nohénton iaʼká꞉hewe ne raoná꞉wen kawistáhets; ne tsi thenskwáhere tsi nón꞉we nihatí꞉taʼkwe ne waʼkakà꞉non ne onwenhóton.

Job Tánon ne Raoronhiakensera 4:20

Tsi naʼtetiá꞉tere noronhkè꞉ne tánon noʼkarasné꞉ha ronwahnatón꞉ton; ronwanatón꞉ton tsi nén꞉we enkénhake né꞉ne kwáh iáh ónka thahiónʼthoke.

Job Tánon ne Raoronhiakensera 9:26

Thóh ní꞉ioht tsi kontohéstha tsi ní꞉ioht ne kwáh tehiohonwáka; tsi ní꞉ioht rawerókwaks tsi thenthahiatákwakte ne raorhió꞉ta.

Psalms 73:20

Né ronhnonkwetaʼhétkens thóh nihatihiathó꞉tens tsi ní꞉ioht ne kwáh kasehrenhtákʼsen éhʼren tsawé꞉ton nó꞉nen enhíe꞉ie nonhrón꞉keʼne, enkhenikónren nó꞉nen í꞉se Saiá꞉ner entèseh tánon nastsiatakèna.

Isaiah 38:12

Né tsi kenákerehkwe watsiaʼtsatekhási tánon éhʼren onthá꞉wite nakonhàke kwáh tsi ní꞉ioht ne teotinakarontónha sakónonʼne raotóhsera; kwáh tsi ní꞉ioht ne raratsʼkentónhni wakatʼwenónhni ne tsi kónnhe; ráʼtiakse tsi nó꞉kwah ne kanonwarónhnis; tsi niwenhniseraténion tsi nió꞉re nokarasné꞉ha iastsiaténhawe né tsi ieiót꞉te;

Isaiah 38:13

Tekaséntʼthos nahiontiénawase kwáh tsi nió꞉re ienhiórenhne; tsi ní꞉ioht ne kénreks akwé꞉kon tehasktsiéntsakon; tsi niwenhniseraténions tsi nió꞉re nokarasnéha iastsiaʼténhawe ne tsi ieiót꞉te.

Isaiah 40:6

Nowénhna watón꞉nions, “Tesahénret!” Tánon wakí꞉ron, “Onhnahó꞉ten aoriwàke tsi takaséntho?” Onkwetaʼkwékon seh óhonte nahatiʼiatótens, iáh sénha tatehatiwiʼshatsʼte tsi ní꞉ioht tsi iotsítsionte ne kahentàke.

Isaiah 40:7

Nóhonte wastátʼthens, notsítsa watashó꞉kwas, nó꞉nenh ne rahonhnísera ne Roiá꞉ner thóh enwatón꞉rie; oriwiʼiohónwe nonkweʼshónhas tsi óhonte nahatiʼiató꞉tens.

1 Tiér 1:24

Tsi niwáton ne noriwatokénti, “Onkwetaʼkwékon seh óhonte nahatiʼiatótens, tánon akwékon ne rahotiʼiatanerakwátsera tsi ní꞉ioht tsi iotsítsionte ne kahentàke. Nóhonte wastátʼthens, notsítsa watashó꞉kwas,