Psalms 90:12 - Ohiatonhseratokénti

¹² Tatsiónhnien nahionkwanikonhraiéntaʼne ne tsi nihionkwahtenhniserathénion tsi waʼséhton. Né ká꞉ti nahónton nahionkwaiéntaʼne ne Rawenni꞉io raothotʼkhátshera nonhkweriaʼnéshons.

Psalms 90:12 ပူးပေါင်းရင်းမြစ်များ

Job Tánon ne Raoronhiakensera 28:28

Tánon wasakawénhase nonkweshón꞉as, ‘Orihwiiohón꞉we, ne raoteronhkwátshera ne Roiá꞉ner tsi né nathokhátsera í꞉ken; tánon né꞉ren ahiénte ne karihwahetkénhsera né꞉ne kaʼnikonhraientátshera í꞉ken.’”

Psalms 39:4

“Saiá꞉ner toʼnikaríhwes enkónnheke, Kát꞉ke enkí꞉heie; Tatró꞉ri toʼniʼiostóre tsi enkatonnóten.”

Psalms 39:5

Tsi nió꞉re tsi kentʼnishónston ne tsi kónnhe, Né sahénton ne tsi kón꞉nhe kwáh iáh othènon thakénhake. Kwáh ónhte ne tsi iakón꞉nhe ne niatehionkwétake iáh sénha ó꞉ia tèhiot tsi ní꞉ioht ne tsi iahó꞉te iahiontónhrie, Selah

Proverbs 16:16

Kwáh sénha ísiʼ non tsi ioiánere nashiena nattokhahtsherí꞉io tsi ní꞉ioht noʼ ohwistanó꞉ron. Nashena kanikonraienthatshera tsi aiesaiatarakwen tsi niiot ne kawistaráken.

Proverbs 22:17

Satahónhsatat, tánon enkonrihónnien tsi nahò꞉ten ne rotiʼnikonhrowá꞉nenʼs thonatá꞉ti. Satéweienhst tsi nahò꞉ten shakotirihonnién꞉nis,

Proverbs 23:12

Satahónhsatat nónhka iesarihonnién꞉ni tsi ní꞉kon enhskwé꞉ni nahseweientéhtaʼne.

Proverbs 23:23

Ne orihwí꞉io, attokháhtshera, karihonnienníhtshera tánon wanonhtonnionhtsherí꞉io ne kí꞉ken akwé꞉kon shaʼtékena nahskáriaʼke, nok só꞉tsi wé꞉so shaʼtékena nahsatenhní꞉non.

Proverbs 4:5

Saièn꞉taʼn ne attokháhtshera tánon iekakaʼeniónhon! Tóhsa sasaʼnikónhrhen tókaʼ ó꞉ni é꞉ren ahshá꞉wihte tsi nahò꞉ten waʼkì꞉ron.

Proverbs 4:7

Naiesaién꞉taʼne ne attokháhtshera né꞉ʼe aonhá꞉ʼa tiorihowá꞉nen tsi nénhshiere. Tókaʼ ó꞉ia nahò꞉ten aiesaién꞉taʼne, ne kiʼ saièn꞉taʼn ne iekakaʼeniónhon.

Ecclesiastes 7:2

Sénha ne tioiánere ne tsík kanónhsohthe ne iakotshónhnion niáhse tsi ní꞉ioht ne tkanónhsohthe ne tiakotenikonhró꞉ri, tsioríhwa né iakónhnhe ónenhk tsi ahionthatehiarahkwenhníhake ne kenhéion tsi tewahkwékon ionkwáhrahre.

Ecclesiastes 9:10

Iasátrek kwáh tsi nahó꞉ten ahisahióten, asèken iáh othé꞉nen tehioteriwahtiéren, iáh thaʼhóten tahonhnonthonhniónheke, iáh thahóten thakariwisákonhke, iáh tahó꞉ten thakarihonhniénhnike ne tsi tionhwenhtsáien ne kenhéion—tánon thóh nónhwe niahisenonhátie.

John 9:4

Iatekakonte tsi oh nenkiere tsini hakennhaon ne takatorion, iotiesaonʼkʼ sekon niiaȣenniserote; taȣe tsinonȣe nentiokaraȣe tsinonȣe ne iah onka taonsaiakoioten.

Deuteronomy 32:29

Iáh tehathikwénies nahontkátho nonhtié꞉ren tsi ronhwathishén꞉nion; iáh tehathikwénies nahotinikonhraiéntaʼne tsi nihiá꞉wenhen.