Psalms 9:16 - Ohiatonhseratokénti

¹⁶ Ne Roiá꞉ner waʼhathaténeste, né waʼhaterihwathentsiáte karihwenhthátsera; ne ronhnonkwetahétkens né waʼhotiʼiéhna ne waʼterístaien ne ronnónha roʼnateristaienthákwen. Higgaion. Selah

Psalms 9:16 ပူးပေါင်းရင်းမြစ်များ

2 Kings 19:19

Ó꞉nen kíʼ, Saiá꞉ner nonhkwah Ní꞉io, saskwahniá꞉kent tsi nòkwah ne Assyriaró꞉nons, né ká꞉ti niakahontsakwékons kwáh ahiakoterientátraʼne nètho tsi í꞉sek khók, O Saiá꞉ner, tsi Sewenhní꞉io í꞉ken.”

Job Tánon ne Raoronhiakensera 18:9

Ne waʼterístaièn rakotárake waoié꞉na; ne waʼteristáien waotié꞉nawatste.

Psalms 11:6

Aiáwenhs né Roiá꞉ner asakokenhnóreste né ronhnonkwetahétkens né nótsire tánon iontenatentástha í꞉ken. Né꞉ne iotsiatátsahat nowé꞉ron né teonathéntion nahatiʼiéna.

Psalms 140:9

Tsi niʼiákon ne tehionkehonwarónhni tewatarakétsko, satonhtat tsi natehioterientakaria ne ratiskwenhtake rononha shó꞉tirann!

Psalms 19:14

Aiáwenhs nakewenhnasónhas ó꞉ni nakanontonnióntsheras ó꞉ni tsi nikatenikonraiéntons nakweriáne aeserientí꞉io, Ó Saiá꞉ner, iséke nón꞉we nikathasehtákwah tánon í꞉se sestsiatákwen.

Psalms 48:11

Sehrí꞉hon nonkweshón꞉has ne Zion nahonattsenhnonhníhake, Í꞉se tesatkáwas ne tkarihwaiéri kahiatorethátshera; satónhtat nakaiéntake natonhnará꞉tshera ne kanatowanénhke Judah.

Psalms 5:1

Satahón꞉satat nakewenhnaókon, Saiá꞉ner; sathahonsíhiost tsi niwakerihwakathénʼen.

Psalms 7:16

Tánon né shotíras ne raothakontátshera, tánon né kakaronhniátshera nakóren sakorakwénhni ranontsíne saká꞉rane.

Psalms 92:3

nahionterenhnó꞉ten ne nikanó꞉waʼha tánon ne oiéri nikarenhsotáron nonhowaʼkówa, tánon nahionterenhnóten noʼnhawakówa.

Exodus 14:10

Nó꞉nen ne lsraerʼró꞉nons sahonwáken ne ronhnonhtí꞉io tahoʼtiokwíne ne rahonkwetashón꞉ʼas ronteríios niasakoʼnenhrénten, kwáh íken tsi wahoʼnateronhniénten tánon rahonhàke ne Roiá꞉ner hiatoʼthihénrethe nasakoiénahwaʼse.

Exodus 14:31

Nó꞉nen ne lsraerʼró꞉nons sahontʼká꞉tho ne kashatsʼtenseroʼwá꞉nen né Roiá꞉ner rótsʼthon tsi sakoʼsénhnion ne Egyptró꞉nons, kowánen tsi wahonwakwé꞉niensʼthe ne Roiá꞉ner; tánon thonwetákwen ne Roiá꞉ner ó꞉ni ne rahoʼnhátshera Mahís.

Exodus 14:4

Kwáh enhinonhtsisʼthanírahʼte, tánon kwáh enhiaʼsehréson, tánon nahkateʼsenhʼniétshera tsi nʼòkwah ne ronhnonhtí꞉io ó꞉ni ne rahoʼtiókwah ne ronhterí꞉ios entewakʼkhawíten ne kaʼkweniensʼthátshera. Ethòne ne Egyptró꞉nons enhoʼnahteriéntarahne tsi Í꞉i ne Watiá꞉ner.” Ne lsraerʼró꞉nons kwáh et nahaʼtí꞉hiere tsi nihonwatiró꞉ri.

Exodus 7:5

Tánon ne Egyptró꞉nons thó꞉ne enhoʼnateriéntharaʼne tsi Í꞉i ne Watiá꞉ner, nónenh ènkatsʼte nʼakeshatsʼténshera roʼnonhàke ne Egyptró꞉nons tsi tenthekhehiaʼtínekenhʼwe lsraeró꞉nons ne raotiʼnahkerahserákon.”

Proverbs 12:13

Ne iáh tethotirihwaié꞉ri ne ienhotiià꞉tenhte ne raotiwén꞉na, nok ne rotirihwakwaríhshion iáh nen né꞉ʼe thaʼtahonʼnikonhrhá꞉ren.

Proverbs 6:2

Ó꞉nen kenh wahshiaʼtotahrheneʼ ne kwáh í꞉se sawenna꞉okonʼs ne wesateristaienhase tsi nahò꞉ten sarihwisaʼáhnion?

Isaiah 28:13

Eʼtho kíʼnón꞉we ne raowénhna ne Roiá꞉ner ronón꞉hake wakarihwaién꞉taʼne, “Asè꞉ken kwáh nek kok ne rokskwentatonwéton, asè꞉ken tsi nihatónhnions iáh othénne tekariwástha, asè꞉ken nek kok tetashasfáfa tsi nihatónhnions;” né nahónton niahónhne, tánon onàken ensatisathá꞉ne, tánon nahotikaréwahte, tánon tahonwananikará꞉ren, tánon iahonwatiʼhiaténhawe.

Isaiah 8:15

Iakotsokó꞉waʼnen thóh nón꞉we nentsiakosí꞉tiake; kwáh kíʼ enhatiʼiatiénenhne tánon enhotikaréhwate; thenhonwatiniká꞉rahrake tánon enhiakoiéna.”

Daniel 6:25

Shonteweienén꞉taʼne né ronnontí꞉io iashakohiá꞉tonʼse kwáh tsi niaʼteiakaʼonhontsà꞉ke ne onkwehshón꞉ʼa, tsi naienekwenhsó꞉ten, ó꞉ni tsi naiewennoʼténhake ne onhwentsià꞉ke: “Wé꞉so taontnaʼné꞉ta skén꞉nen né tsonhà꞉ke!

Judges 1:7

Ne Adonibezek wahénron, “Iehioteratsʼton tsáta niwáhsenh niháti ró꞉tinonhtiios khetsiwehionkariá꞉kon ó꞉ni ne ronhhiakwirowánen, nes rónhneks nakatekhwaʼratieróhkon tehiótharons. Ónenh kíʼ ne Rawenni꞉io thóh nonhsahatiéraʼse tsi kíʼ nikheiérashe ne ronónha.” Jerusalem niahonwahiaténhaʼwe, thóh nónhwe iarénheʼie.

1 Samuel 17:46

Kwáh nón꞉wa wenhniseráte ne Roiá꞉ner kwáh entʼiátʼkawe thóh katiá꞉nake, tánon ní꞉i kwáh enkonhiatiénenhte tánon enkonhnontsístsiaʼke; tánon kwáh ne entekhéhion notsitenhó꞉kons ne tsi ioweráhre kontítses ne ronenhé꞉ions raonenheiónhtas ne Philistiaró꞉nons ronterí꞉ios ne ne kwáh nón꞉wa wenhniseráte ó꞉ni ne kontírios kontitshénen ne tsi ionwenhtsá꞉te, ne ká꞉ti nohontsakwékon aiá꞉wens ahonateriéntahrane thóh nón꞉we Israeronónke tsi Rotiniʼioseraiénhse,