Psalms 9:10 - Ohiatonhseratokénti

¹⁰ Tánon tsi nihiákon ne ieshasenhnaientéri shonháke nón꞉we nitiakawetákwen, Asèken ní꞉se, Saiá꞉ner, iáh tesehiatewenhtétha tsi nihiákon ne iesaiatísaks.

Psalms 9:10 ပူးပေါင်းရင်းမြစ်များ

2 Samuel 22:3

Akení꞉io í꞉ken, akisténra, rahonháke nón꞉we nikataséhta, akatrenhostákwa ó꞉ni ne ne kashaststénsera natiatakenatiéra, ne nakatenhenranirát꞉tsera ó꞉ni tsi katasehtá꞉kwa, ne sakeskontákwen; í꞉se stsiatanónstats tsi nòkwah ne kaʼniakatsʼthénshera.

1 Chronicles 28:9

Tánon tsi nòkwah ne Solomon wahawénhase nenhʼné꞉e, “Riʼiénha, Waʼkonrihónten natserihwaníratse ne ianíha raoní꞉io tánon natsiótenhse né kwáh seweriásak akénhake tánon né nahisanikonhroténhake. Akwé꞉kon roteriéntare nónkwah nonthonhniónhtsheras ó꞉ni nón kwahskanéktsheras. Tó꞉ka rahonháke nòkwah nienhénse, kwáh enthiaiéna; ók tó꞉ka entsiatsatonhtákwahse, kwáh kíʼ tsi nénhwe tsi enhiatewénhtheʼte.

Psalms 37:28

asèken ne Roiá꞉ner né ranónwes nahóten ne tkarihwaʼiéri; tánon iáh tashakotiakwaríshons ne rotirihwaʼtó꞉ken raonkwetaʼshónha. Kwáh tsi nénwe tsi enteshakóʼne, ók ne sakotiʼiohokónha ne ronhnonkwetaʼhétkens kwáh kíʼ nenhné꞉e enhonwanátonhte.

Psalms 37:39

Ne Roiá꞉ner shakonónstats ne tionkwetaiéri tánon teshakóʼnhes nónen thé꞉nen tekanikónrahre.

Psalms 5:11

Ók sehríhon ratikwékon né í꞉seke nón꞉we nihonatekwáhsen nahiontonnáhren; sehríhon tsi nènhwe tahotirihwákwen natsennonhniátsera. Sheiaskwahéras né theshén꞉nes, né ká꞉ti tsi nihiákon ne ieshasenhnanorónhkwah nahonatʼtsenhnonhníhake.

Psalms 57:1

Takiténhrak, Ó Sewenní꞉io, takiténhrak, asèken shonháke nón꞉we nakatón꞉nhets niʼiotekwáhsen; né tsi iotasátare ne sanerahón꞉tsa nón꞉we nenhkatekwáhsen, tsi nió꞉re ne iakothóntha kawerowánen enwaʼtó꞉hetste.

Psalms 91:14

Tsi nihiákon ne ionhkenorónhkwa, kwáh kíʼ enkhenónsthaʼte; kwáh kíʼ enthékhene tsi nihiákon ne iontsenhnaʼientéri.

Proverbs 18:10

Roiá꞉ner ne táhtsheren ne kwáh tioʼnikahtaʼní꞉ron, tsi nón꞉we enwá꞉ton niá꞉ien ne tionkweʼtaié꞉ri ne skén꞉nen aionnonhtonniónhake.

Isaiah 25:4

Asèken í꞉se sehiatewehién꞉ton ne iakóten, í꞉se sehiénawase ne tehontʼkárhias thóh tsi natehonanikónrahre, ronaskwáhere nó꞉nenh iokenhnó꞉ron tánon ronterakwahwerostákwah nó꞉nen iorakwahtaríhen. Nó꞉nenh tehonateraʼnekarénhni ne iáh tehotí꞉ien nataniténron thóh niʼiohtónhne kwáh né꞉ne koseràke nó꞉nen iowisónhtion,

Isaiah 45:19

Iáh othènon tewakatatíhon notsahonskwáhkon, thóh tsi ionhontsáien ne tetsiókaras; Iáh tekheiénhni tsi nitotʼwatsiríhnon ne Jacob, “Takwahiaʼtísak ne tsikʼtshiewátion nón꞉we.” I꞉i ne Watiá꞉ner né katróris norihwí꞉io í꞉ken, Né kenéstha tsi nahó꞉ten ne tkarihwaiéri í꞉ken.

Jeremiah 29:13

Enskwahiathishá꞉ke, tánon enskwahiatatʼtsénri tioríhwah tsi sehwahrhiashaʼkwékon thisehwethákwen tsi thakwahiatíshaks.

Nahum 1:7

Ne Roiá꞉ner tsi thoriwaié꞉ri, kwáh roiataní꞉ron tsi nitesakones ne wenhniserontákwen ne tekanikòn꞉rare; teshá꞉kones tsi niiá꞉kon ne raonhà꞉ke ienhiontekwáhsen,

John 17:3

Kenh kaien enhiakaonnhete onȣe: neh naiakoterientarake tsi sonhaa ok ne Niio, nok ne tetsiatorion, Iesos-Keristos.

2 Corinthians 4:6

Ne Orihwatokénhti wá꞉ton, “Rawenni꞉io tahanónhton tsi waʼtioswá꞉theʼne tsi nón꞉we tetiokaráskwe.” Nón꞉wa ne Rawenni꞉io tehoswathé꞉ton ne onkwerià꞉ne nakwahronká꞉ten ne raoiaʼtanehrakwáhtshera tho weʼnéston raonhà꞉ke ne Ié꞉sos Kerístos.

2 Timothy 1:12

tánon neh kíʼ ahoríhwah wahkeronhiáken kí꞉ken nahorihoténsons. Onk sékon kíʼ wahkenikonraníron, tioríhwah wahkateriéntare ónhka thiʼietákwen, tánon kwáh orihwí꞉io wahkónni rohkwénion nahatiatanónstathe tsi nióre ne tewenniseráte tsi nahóten rakeniahesáʼon.

1 Sawátis 2:3

Tóhka entewatewénnaraʼkwe ne Rawenni꞉io rahotiawenrátsheras, ne káti kwá oriwí꞉io enhiontiónnien tsi entsitewaientéri.

1 Sawátis 5:20

Ionkwateriéntare ne Rawenni꞉io Roiénha tsi thawénon ó꞉ni teshonkwáwi ne kanikonraienthátsera, neh꞉ne ahtsitewaientérahʼne ne kwá tókenske nʼoriwí꞉io Rawenni꞉io. Thóhnon nitión꞉ne tsi tehionkwateriwasóntere ne kwá tókenske Rawenni꞉io—ne ó꞉ni tehionkwateriwashóntere ne Roiénha Ié꞉sos Kerístos. Neh kí꞉ken ne kwá tókenske Rawenni꞉io, ó꞉ni ne kí꞉ken ne ionnheʼónwe natónnhets.