Psalms 89:6 - Ohiatonhseratokénti

⁶ Asèken ónhka ne karonhiáke naiekwéni tahontahonwaʼteniénthenste ne, Roiá꞉ner? Iáh ónhka ne ratironhiakeró꞉nons ne thatahontesewát꞉theke,

Psalms 89:6 ပူးပေါင်းရင်းမြစ်များ

Psalms 113:5

Ónhka thóh naiehiatothénhake tsi ní꞉ioht ne Roiá꞉ner ne nón꞉kwah Ní꞉io í꞉ken, tsi nón꞉we thenskó꞉te ne kwáh éhʼneken tsi karonhiáte,

Psalms 29:1

Tetsisehwanonweráton ne Roiá꞉ner, Ó sewaronhiakeró꞉nons, tesehwaʼtenonweráton ne raoiatanerahkwáhtsera tánon ne raoshaststénhsera.

Psalms 40:5

Wé꞉so iorihwáke tsi niskwahtseráse, Ó Saiá꞉ner onhkaʼNí꞉io, iáh ónhka nahonsaiesaiérenhke! Wé꞉so ne iorihwanerakwahténions tsi nisatenikonhrónh꞉ni nonkwarihwáʼke. Iáh nonwénhton tatkwéni nakwékon akatróri, né꞉ne tsi niiawetowánen iáh ónhka taiekwéni nahiónhsehte.

Psalms 52:1

Nontsiéren tsi tesataterénhsaron, seniakátste shón꞉kwe, ne kariwahetkénseras tsi nisatserá꞉nion? Rawenni꞉io Tsi né nénhwe enhorihwatokénhake

Psalms 71:19

tánon ne sarihwakwahrihshón꞉tsheras, Ó Sewenní꞉io, iéwas tsi nón꞉we ne kwáh tioteronhiátes. Í꞉se né iorihowá꞉nens tsi nisahtseránion, O Sewenní꞉io, ónhka nahonsaiesaiérenhke?

Psalms 73:25

Iáh ónhka nakó꞉ren tewáʼtsien ne karonhiáke kwáh nék ní꞉se? Tánon ká꞉ti kwáh iáh othènon teskaskáneks nonwenhtsáke kwáh nék ní꞉se.

Psalms 86:8

Kwáh iáh ónka tsi niháti ne niʼiohokónhas thóh nahatiʼiathothénhake tsi ní꞉se ní꞉ioht, Ó Saiá꞉ner, iáh ó꞉ni thènen thahónton ne tahonsaʼkaierónhtarake ne sahiothénsehras.

Psalms 89:8

Saiá꞉ner Sewenní꞉io Sashaststenhseroʼwanenhkówa, iáh ónhka né naʼiesahásteke tsi ní꞉se ní꞉ioht; sarihwaʼtokentítshera tesatsatáton.

Exodus 15:11

“Saiá꞉ner, ónhka nó꞉ia ne niʼiohokónhas tahontahieʼsateʼnienténhste? Ónhka ahonsaʼhiesahié꞉renke, ioriwanerákwat iotoʼkénti? Ónhka ahiekwéni nahiakohióten ne ioriwanerákwat ó꞉ni ne kashatsʼtenseroʼwánens tsi nahiéʼiere tsi níse nishié꞉ra?

Jeremiah 10:6

Saiá꞉ner, kwáh iáh ónhka ne ahonshaieshaiérenʼke; shaʼshastsʼtenserowánen, tánon tsennowánen ó꞉ni sehshástsʼte.