Psalms 89:4 - Ohiatonhseratokénti

⁴ ‘Iáh nék khók takónhniate ne tsi nienhsatwatsiríhne ne tiókonhte ronónha ahoʼtinontí꞉ioke, kwáh kíʼ enkhehiónhnien nahontkóraste né꞉ne tsi nénhwe enkénhake né nó꞉nen níse ensenhéionke.’” Selah

Psalms 89:4 ပူးပေါင်းရင်းမြစ်များ

2 Samuel 7:29

nón꞉wa ne kíʼ aoríhwa aiá꞉wenhs ahonteshanikonrí꞉ione nasheiathatériste ne raowáhtsires ne sanhá꞉tsera, ne káti aiá꞉wens iakakóntakwe ne tsi nènhwe akénhake ne sahén꞉ton; asèken í꞉se, Ó Saiá꞉ner Ní꞉io, sathatíhon, tánon ne ne saiathaterítsera rononhá꞉ke natwáhtsire ne tsi enhotiiathaterístonke ne tsi nénhwe enkénhake.”

1 Kings 9:5

Kwáh ki thóh nénhtiere tsi nihiʼiararatsthénhni ne ianikénʼen nó꞉nen sahí꞉rori nètho Israerronónhke tsi tiókonhte né enhonatkorastónhake tsi nienhatwatsírihne.

1 Chronicles 22:10

Enhakenonsónhnien Nononsatokentiʼkówa. Rahónha ne rihiénha enkénhake, tánon Í꞉i ne roʼníha enkénhake. Né rahowátsire tsi nénhwe tsi enhatikórahke Nisraeʼró꞉nonke.’”

1 Chronicles 28:4

Né Roiá꞉ner sakoNí꞉io Nisraeʼró꞉nonhke, wahatiataráhko tánon tsi nienhkatwatsírihne nahiakwatʼró꞉raste Nisraeʼró꞉nonhke tsi nénhwe. Né washakoiataráhko ne Judahró꞉nons nahontahóntkaʼwe nashakotihéntenhse, tánon thóh nón꞉we ne Judahró꞉nonhke waʼsakoiataráhko ne rakeníha rahowátsire. Thóh ne rathiwatsirahkwé꞉kon kwáh rahotsionhniatsherákon tsi iahatsaténhaʼwe tánon wahakenontí꞉ioste tsi niwatenáskwah Nisraeʼró꞉nonke.

Psalms 132:11

Kwáh í꞉ken tsi iorihwaʼníron tsi nitsiararáts꞉tenhni ne Táwit né꞉ne kwáh iáh thahakwéni tahá꞉hiaʼke: “Saiáta ne sanekenterónhtshera enhinonhtí꞉iosʼte, tánon kwáh enhatkórasʼte nónenh ensenhéhionke.

Psalms 132:12

Tó꞉ka ne saʼnekenteronhtseraʼshón꞉has enhontiénawasʼte naʼkaterihwaʼseronniátshera tánon natianerénhseras ne tsi nenkerihónhnien, tánon ne ieshesakotiʼiohokónhas ó꞉ni, né꞉ne tsi nénhwe enkénhake, kwáh sanitskwáhraʼne enhóntsien.”

Psalms 72:17

Wakaterénhnaien ne ronnonhtí꞉io raosénhna tsi nénhwe akátake, tsi nihasenhnowánen thóh nakarihwéshonke aʼkathátseke tsi kíʼ ní꞉ioht ne karákwah. Wakaterénhnaien akahontsakwékon ahonwarihwaʼnónhtonhse ne Rawenni꞉io nasakohiatatériste tsi kíʼ nihohiatateríston ne ronnonhtí꞉io; wakaterénhnaien onhkwetaʼkwékon ne ahiontrohriá꞉thake ne raotsenhnonhniátshera.

Psalms 89:1

Kwáh thenkeríhwaʼkwe né tsi niwatróris tsi ní꞉ioht tsi tiókonte sehnorón꞉kwah ne shonkwetaʼshónhas; sénha kíʼ isiʼnónhwe níken; Kwáh tsi nénhwe enkatroríheʼke tsi nisarihwaʼtó꞉ken tsi nòkwah ne shonkwetaʼshónhas.

Psalms 89:29

Né rahonhnontiʼiótshera kwáh kíʼ ienhiotʼkontákwenh enkenhake tsi kíʼ ní꞉ioht ne tsi karonhiáte, tsi nienhatwaʼtsiríhne tsókonhte kíʼ ronón꞉ha enhotinontí꞉ioʼke.

Psalms 89:36

Kwáh tsiókonte tsi enhawaʼtsirahthátse, tánon kwáh enkathenhnikonhráren ne raonakerásehra tsi nikaríhwes enkarahkokʼthá꞉ke.

Psalms 89:50

Seiérak, Ó Saiá꞉ner ne sanhátshera tsi nihonwaʼnikonhrakʼsáton; tsi niwaʼkatatʼkáts꞉taton akwékon ne raotirewathátsheras ne iáh tehoneriása,

Isaiah 42:1

Kénʼen í꞉res nakenhá꞉tsera, rahónha thiʼiatsʼwanónhne, í꞉i rihiaʼtarákwen, rahonháke nakwatón꞉nhets iawerientiʼióstha; wá꞉tsien nakenikonratokentítshera rahonháke; kwáh enthesakohawíthen ne kariwakwahrishióntshera niaʼkawenhtsakeró꞉nons

Zechariah 12:8

Ne nenhkahá꞉wike ne Roiá꞉ner enteshá꞉kone tsi nihiá꞉kon ne Jerusalem nón꞉we nihienákere, shé꞉kon ne kwáh tiakotsihióha thóh nenhieshátstehke tsi nihiothónhne ne Táwit. Tsi nienhontwatsirí꞉ne ne Táwit rahowá꞉tsire enshakothihenténhse tsi ní꞉ioht ne Roiá꞉ner rahoronhiakeró꞉nonh, kwáh thóh nenhiothónhake tsi shí꞉ken ní꞉ioht ne kwáh raónha Ní꞉io akénhake.

Romans 15:12

Tánon áreh, tsi niháwen ne Isaiah, “Tsi nithotwahtsirínon ne Jesse enhatotáshon, Éntʼreh nasakohentéseh ne iáh tehatiʼsitaerónons, tánon rahonháke non nenhatíʼien neh rahonaskanéktseras.”

Revelation 22:16

“Kwáh Í꞉ih, Ié꞉sos, iehí꞉hiatenieton naʼkeronhiá꞉keró꞉non ne tionhá꞉ke ne naʼsakó꞉rihowahnhaten tsi ionterenhná꞉ientakwas. Í꞉ih notera í꞉ken ó꞉ni thóh nitewaʼká꞉tenekwenhsinon rahón꞉hake ne Táwit, ne ne teioswát꞉te tewenhtenhawí꞉tha otsisto.”