Psalms 89:34 - Ohiatonhseratokénti

³⁴ Kwáh iáh tathá꞉tiaʼke nakaterihwasehronʼniátshera, khés ne tahonsatʼténi tsowénhna tsi nitewaʼkewenhnanikéhen né ksáke.

Psalms 89:34 ပူးပေါင်းရင်းမြစ်များ

2 Samuel 7:15

Ók iáh kíʼ thahí꞉kwa ne aká꞉wenk iorihwatóken akenoronhkwáhtshera ne raonháke, tsi neh nihíkwen ne Saul, raonháke éhʼren wakhawíton ne sahén꞉ton.

1 Kings 11:39

Tsioríhwa tsi nihorihwanerahákskon ne Solomon kwáh kíʼ enkheréwathe tsi nienhatwatsírihne ne Táwit, ók iáh kíʼ tsahontkónhthaʼkwe.’”

1 Chronicles 17:13

Kwáh Í꞉i né roʼníha enkénhake, tánon rahónha ne rihiénha enkénhake. Kwáh iáh thaʼtaʼhontaʼkónhneke tsi nihiʼiénawaʼse tsi né nihiʼiárahse ne Saul, ne rahón꞉a tsi éhren rihiatenhawíʼton né nahónton ní꞉se aʼisanontí꞉ioʼne.

Jeremiah 14:21

Sehiárak tsi nisharahratsthánion tánon tó꞉sa tahkwahkénron; tó꞉sa shatéhat ne Jerusalem, thóh nónhwe nishaʼtenitskwarahtseró꞉te ne shaʼnitskwahrahtsherahtokénti. To꞉sa thétiak ne aterihwasheronniátshera né sáhson tsi nahtethewáhtereh.

Jeremiah 33:20

“Watianerensehríson tsi nòkwah nenhtsiékheʼne ó꞉ni nokarasnéha, tsi kwáh tiókonhte eh nenhiawénhsehke tsi nihioterihwíson; tánon nètho wahkerihwíson tsi kwáh iáh nonhwénhton thaʼtahonsahkaiákon.

Leviticus 26:44

Ók ethosáne, nó꞉nen shé꞉kon thóh ratinákere rahononhontsáke ne tehontátʼtsions, iáh kíʼ kwáh takhehiaʼtewénhtethe iáh ó꞉ni takhehiáthonhthe. Né nènhne ne ienwatsiástsi naʼkaterihwasehronhniátshera tsi nòkwah ne ronónha, tánon Í꞉i ne Watiá꞉ner Raotiní꞉io íken.

Malachi 3:6

Aseʼkénh Í꞉i ne Watiá꞉ner ne iáh thaʼtekatténieʼs; eʼthó katíʼ í꞉se, ne tshisewaioʼokón꞉ʼahs ne Jacob, iáh tehonwanahtón꞉ton.

Numbers 23:19

Ne Rawenni꞉io iáh né thóh tehahiatóʼten tsi ní꞉ioht nonhkweshón꞉ʼas, tsi nihotinówenhs; Iáh né ónhkwe tèken ne tahonshaʼhoterihwaténien. Tsi nahó꞉ten nenharárasthe, ehʼnihaiérha; Enhthatáti, tánon thóh nenhiáwenhne.

Matthew 24:35

Karonhia Onȣentsia entiatohestste, kenh kaien nakeȣenna iah neneh nonȣenton tiiaontohestste.

Romans 11:29

Asèken ne Rawenni꞉io iáh nènʼne thateshoteriwateniénʼnis ónhka akénhake nen sakoiataráko tánon nasakoiatatériste.

Ne꞉ne Sák Rohiaton 1:17

Ákwe tsi nahótens ne iohiánere ne kahieʼnahwaséhtseras ó꞉ni ne tkariwahiéris karonhiáke nithewétha; Rawenniʼióke nón nithewétha, né rohsahánion tsi naʼteioswátʼthes tsi karonhiátes, raónha, ne tiókonte ne sahahiáta íken iáh ó꞉ni né tetiókaras ne takarihónni ne ó꞉ia nahonsahaʼhiathótenʼne.