Psalms 88:4 - Ohiatonhseratokénti

⁴ Nónkwe thóh ní꞉ioht tsi ionkanontón꞉nionse tsi ní꞉ioht ne rawenhé꞉ion; thóh nitiató꞉ten tsi ní꞉ioht nónkak iáh tetsakoʼshaststenhseráien,

Psalms 88:4 ပူးပေါင်းရင်းမြစ်များ

Job Tánon ne Raoronhiakensera 17:1

“Ó꞉nen wakatesastenseroktà꞉on, nakenhní꞉sera ioteweienhnenhtà꞉on, nahtsatónhkwa kaweienhnentà꞉on nakeriwà꞉ke.

Psalms 143:7

Teskerihwaserákwas iostóre, Ó Saiá꞉ner; katesasthenserót꞉tha. Tó꞉sa takatʼkonshaséhthen, nontsérek thóh nenhwatsátawen tsi ní꞉ioht ne osónhwakon iehatihiáthens.

Psalms 28:1

Í꞉se O Saiá꞉ner, iakonhnáton; í꞉se ne téskenes tsi nòkwah ne hiónkswenhs, asèken tó꞉ka sakʼthisahthatónhni nakonháke, kwáh kíʼ enkíheʼie.

Psalms 30:9

“Nahó꞉ten tashathéntsa tó꞉ka akíheie? Nahó꞉ten kástha aónton notsiatonhkwáhkon niáke? Né iakawehé꞉ion iekwénies kén ne taiesanonwétaton? Aiekwéni kén nahiontró꞉ri ne iáh tehiorihwanó꞉rons sarihwahkwarishión꞉tshera?

Psalms 31:12

Iáh othènen karíhwa tehionkónhnis tsi shí꞉ken ní꞉ioht nahonkihéionke enthóh niwaʼkonhnothénhon tsi ní꞉ioht ne tehiotsetaríhon.

Isaiah 53:3

Ronwashónhon tánon ronwahtewentéton nakorénshons; né꞉ne rónhkwe ne roronhiáken tánon rarihwaientéris ne kanonwaténtshera; tánon kwáh shí꞉ken tsi ní꞉ioht ne ronatsákes tsi ronatkonshaʼsétons ronwashón꞉hon, tánon tsi naʼtsitewaiéraʼse tsi shí꞉ken ní꞉ioht iáh othènon satanáske.

Lamentations 3:15

Kanikonrakʼséntsera karoniakénsera khók thakáwi nákehke ó꞉ni nakʼnekíra.

Ezekiel 26:20

Kwáh ienkonhiathéniethe tsi tiohontsáien ne kenhéion niasehiatiátarahse nonhkweshón꞉ʼas ne wahónhnise tkénʼne. Kwáh enkonhiónnien ne thóh ohontsókon ashiʼterónhthake né꞉ne tsi nénhwe kariwahieshá꞉ton, ensehiarískothe ne iakawenhéion. Tsi nenhiáwenhne kwáh iáh shé꞉kon nonhwénhton tahonsahsenhnákerahte tánon nasahtathenatʼthónnien ne tsi ionhwenhtsáthe ne iónhnhe.

Jonah 2:6

Kwáh eʼtho nón꞉we iaʼkatenón꞉waien tsi katsinonhiataté꞉nions ne ionontowá꞉nenʼs. Onkwatehnhó꞉tonʼse ne atónhnhets tánon waonʼkehnhó꞉ton ne tsi tiohwentsáien ne kenhé꞉ion. Ók Í꞉se, Ó Saiá꞉ner ne Akení꞉io, thotahstiaʼtatihéntho tsi nateiotskará꞉wen ne kenhé꞉ion ne naonsakónhnheke.

Romans 5:6

Neh꞉ne sékon iáh sitewasátsʼte, Kerístos wasakawenhé꞉iaʼse ne iakoriwáneren shakáhewe tsi nihorákwen ne Rawenni꞉io.

2 Corinthians 1:9

Kwáh se eh tho ní꞉ioht tsi iakwattókaskwe tsi eniakwénheie. Waʼkakwé꞉ni tsi waʼakwatká꞉we tsi í꞉ʼi iakwatateniahé꞉sen nok taiakwatáhsawen Rawenni꞉io sahshakwaniáhese, tsi niká꞉ien ne sehshakaónhnhets ne iakawenhé꞉ion.

2 Corinthians 13:4

Tokénske, ne Kerístos shathonwaʼientenʼnahà꞉ren kwáh í꞉ken tsi rotsiʼioháhkwe, nok kiʼ nón꞉wa eh tho nón꞉we nisrónhnhe ne Rawenni꞉io raohsatstenhserà꞉kon. Í꞉ʼi kiʼ ó꞉ni, tsi raónha teionkwaterihwahsón꞉tere, ionkwatsiʼióha. Nok kiʼ nó꞉nen Corinth nieniá꞉kwe tánon tsi nenkwatié꞉raʼse, kwáh iatentewátieste tsi nonkwa ne sronhnheʼón꞉we Kerístos, tánon ó꞉ni entewaié꞉na ne Rawenni꞉io raohsatsténhsera ne aitewátste.