Psalms 88:16 - Ohiatonhseratokénti

¹⁶ Ne sanhakwáhtshera tewaʼtiatoráhrats; tsi natehiotenonniaʼníton teskatsiatón꞉tses tewaʼtiataríhtha.

Psalms 88:16 ပူးပေါင်းရင်းမြစ်များ

Job Tánon ne Raoronhiakensera 30:15

Kateronkwáhtshera tontaionkehró꞉roke; nakatkwenienstatiéra tsi ní꞉ioht ne owéron iaʼká꞉hawe nakatesenhnietiéra ontó꞉hetste tsi ní꞉ioht ne otsáta.

Psalms 102:10

né tioríhwa ne sateriatitkónhtsera ó꞉ni ne sanakwáhtshera; waʼtestsiátaʼkwe tánon aí꞉non nió꞉re iastiatónhti tsi ní꞉ioht nónhkak í꞉seh iahiakóti ne watkénston.

Psalms 119:120

Í꞉se saríhwa tsi wák꞉terons; tánon ne wakteronhkwénhnis ne sarihwenhthátshera.

Psalms 89:46

Saiá꞉ner tsi kén nénhwe ensataséhtonʼke? Thóh nikaríhwes enhiotékhake ne sanakwáhtshera

Psalms 90:11

Ónhka iakoteriéntare tsi nikashástste ne sanakwáhtshera? Nó꞉nen ne Rawenni꞉io ronakwénhen tsi nikarihwahét꞉kens nonkweshón꞉has tsi nihiontseránions.

Psalms 90:7

Asèken né ionkwaʼiataká꞉rhias ne sanakwáhtshera; né sanakwáhtshera ionkwaterónhkwenhnis.

Isaiah 53:8

Tsi iotkarenhrakwáhton ne kariwakwahrihshióntshera iehonwaiathénha. Ónka iahiakóhe tsi niahawenonhátie? Asèken ronwahiák꞉se ne tsi watonhóntsaien ne iakonʼnhehónwe, né roiénton ne raoʼtirihwaneraháktsheras nakonkwetaʼshón꞉has.

Daniel 9:26

Ne nó꞉nen ienwatókten enhonwário ne Rawenni꞉io raonkwé꞉ta ne kwáh iáh thé꞉nen thahonhí꞉kon. Ne kanatowá꞉nen ó꞉ni ne ionterennaientáhkhwa tenkaríhton ne tsi enhshakonenhrénhten tsi niká꞉ien ne Rawenni꞉io roiatarákwen nákte non nithawé꞉non ne kwáh roʼshatstenhserowá꞉nen rakó꞉ra. Ne tsi ienwatókten eʼtho neniá꞉wenʼne tsi ní꞉ioht nawenhnó꞉ton, tsi enwaterí꞉ioke ó꞉ni ne karihwaiesátshera tsi eʼtho ní꞉ioht tsi rokwatákwen ne Rawenni꞉io.

Romans 8:32

Sékon ó꞉ni neh kwáh roiénha iáh kih tehonónsthaton ne tóhsa aharoniáken, nók wahahónnien nahonthasónkwaʼne! Tsi wahshóntion neh Roiénha—iáh káti onhtèken ó꞉ni kwáh skenénstsi tsi entesóntion nohiáshon nihiorihoténsons?

Galatians 3:13

Nók tsi wetewatʼrewáthakwe Kerístos sahshonkwahiatáko tsi niʼiakorewátha tsi nitkáhas ne kaianerénsera. Nónen ne kaiasáke sahonwahiatiháren, rahónha wahtathatékwase ne karewathátsera tsi naʼtehionkwaterientawénrie. Asèken noriwatokénti wáton, “Nónka neh iakohiaténton ne karontáke neh tsi Rawenni꞉io sakorewáthon.”

Revelation 6:17

asè꞉ken ne teiahonhniseranón꞉hiani tsi natehonterhiatítʼkons iaʼkáhewe, tánon ónhka naiekwé꞉ni naionthakatstá꞉te?”