Psalms 88:15 - Ohiatonhseratokénti

¹⁵ Waʼkithentʼkó꞉wa tánon ákta iatkwáhto nakí꞉heie né꞉ne kwáh shiʼtewaʼtiónha thóh shí꞉hiot, waʼkatakatstháton ne tehiotenonhianítons tsi nistiéraʼse; iáh ó꞉nenh takʼkwéhni nahonsakatakáts꞉taʼte.

Psalms 88:15 ပူးပေါင်းရင်းမြစ်များ

Job Tánon ne Raoronhiakensera 17:1

“Ó꞉nen wakatesastenseroktà꞉on, nakenhní꞉sera ioteweienhnenhtà꞉on, nahtsatónhkwa kaweienhnentà꞉on nakeriwà꞉ke.

Job Tánon ne Raoronhiakensera 30:20

Shonhà꞉ke iatkasénhtho ók ní꞉se iáh tateskeriwaserakwén꞉ni; watéhtʼtaʼne, tánon ní꞉se nek khók ne waskatkátho.

Job Tánon ne Raoronhiakensera 6:4

Asè꞉ken ne raoiènkwires ne Roshatstenhserowá꞉nen ne tewatiatawehéston, naotinonkwatseraktséntsheras ne ionekí꞉ren nakatónnhets; ne raoterón꞉tshera ne Rawenni꞉io wakanenhraserón꞉ni nahontahionkatiaʼtón꞉ti.

Psalms 43:2

Asèken í꞉se ne Sewenní꞉io shonháke nón꞉we niwaʼkataséhton; nontiéren tsi takatewenhtéton? Nontiéren tsi tiókonte ahonkeronhiákenke né tsi nihionkateniakatsténhni ne iónkswenhs?

Psalms 44:25

Asèken hionkwakenrahéston; iáh tetiakwakwénies nahonsahiakwatátʼtaste.

Psalms 73:14

Asèken tiotkonhónwe tewakanikónhrare, tánon katkenrenhserónhnis iatehioronkhetseráke.

Isaiah 53:10

Kwáh kí ó꞉ni thóh nithoʼnikonhrihʼióhon ne Roiá꞉ner ne tahonensʼtsiá꞉ke tsi aharonhiáken. Né nó꞉nenh né enshón꞉niate ne tsi rónhnhe ne iàstate ne karihwáhneren aorihwáke, kwáh kí enshaʼkóken ne sakohiohʼokónhas, tánon kwáh kí enronnhé꞉sonhke; rahonháke kí thóh nenhthoʼnikonrihʼióhon ne Roiá꞉ner tsi enhoianerásthen.

Isaiah 53:3

Ronwashónhon tánon ronwahtewentéton nakorénshons; né꞉ne rónhkwe ne roronhiáken tánon rarihwaientéris ne kanonwaténtshera; tánon kwáh shí꞉ken tsi ní꞉ioht ne ronatsákes tsi ronatkonshaʼsétons ronwashón꞉hon, tánon tsi naʼtsitewaiéraʼse tsi shí꞉ken ní꞉ioht iáh othènon satanáske.

Zechariah 13:7

Ne Roiá꞉ner Roshatstenhserowá꞉nen rá꞉ton, “Ih꞉tie, asharehkó꞉wa, tánon iatsiatiaʼthón꞉ti thí꞉ken ranónhnhe ne rahtioténhseh! Tienonhwarhià꞉konh, tánon ne teiotinakarontón꞉a tenkonhrén꞉ni. Kwáh ienkhehiatiaʼthón꞉ti nakonhkweʼtahshón꞉ʼa

Luke 22:44

Nok ne rahonha skanorons iahrenheie onen senha tahakȣisronne tsi roterennaien; nok ȣathatarihenseronkote akȣa ȣakanahotonnion tsiniiot nʼonekȣensa.