Psalms 86:12 - Ohiatonhseratokénti

¹² Kwáh akerhiasakwékon tsi thenkonhnonweráton, Ó Saiá꞉ner, kwáh tsi nénhwe enkatʼroríheke tsi niʼsashaststenhsehrowánen.

Psalms 86:12 ပူးပေါင်းရင်းမြစ်များ

1 Chronicles 29:13

Ó꞉nenh kíʼ OnhkwahʼNí꞉io, tekwahnonwerátons, tánon teiakwahtenonhwerátons tsi nishasenhnaneráhkwat.

1 Chronicles 29:20

Ethó꞉ne ne Táwit washakothárahse nonkweʼshón꞉as, “Tetsisewanonweráton ne Roiá꞉ner Sewaní꞉io í꞉ken!” Tánon kíʼ kwáh kanenhrahkwé꞉kon ne iakotsataró꞉ron watonhwanonweráhton ne Roiá꞉ner, né Sakoní꞉ioʼkwe ne sakotisotʼtonhkonhkénʼen, tánon kwáh ehtáke tsi wathontʼtsákete tánon tahónhion ne kakwenienstátshera ne Roiá꞉ner ó꞉ni ne ronnontí꞉io.

Psalms 104:33

Kwáh tenhirihwáʼkwahse ne Roiá꞉ner kwáh tsi nikaríhwes enkónnheke; kwáh tenhirihwáʼkwahse ne Roiá꞉ner tsík sénhak shé꞉kon kónnhe.

Psalms 34:1

Kwáh kíʼ tiókonte tsi tenhinonhweratónhsehke ne Roiá꞉ner; kwáh iáh nonwénton takát꞉kawe tsi tehinonhweratónhnions.

Psalms 9:1

Kwáh entíhion né kanonweratóntshera ne Roiá꞉ner kwáh akeriasakwékon; Kwáh enkatró꞉ri akwékon ne iorihwanerakwahténions tsi nisatiéren.

Psalms 9:2

Kwáh kíʼ enwakatʼtsenhnonhníhake tánon enwakatonhnárahke ne shonháke; Kwáh kíʼ tekeríhwakwe ne kanonwerathóntsera ne sasénhnakon, Ó né kwáh éhʼneken satohesthákwen.

Isaiah 12:1

Ní꞉se kwahensí꞉ron nètho enwenhniseráteke: Kwáh entkónhion ne kanonweratónhtsera ní꞉se, Ó Saiá꞉ner, asèken ní꞉se taskenákwasene, ne sanhakwáhtshera tetsotkaraténion, tánon waskenikonraiewénthoʼte.

Acts 8:36

Tsi nihonatʼthaʼítake, hiahánewe tsi nónwe tkanèko, nók wahénron ne rasennowánen, “Kén꞉en kahnèʼko. Nahóten nahontsiotát꞉tie nakatenekwáheste?”

Romans 15:6

Kwáh káti sewakwékon iatahisewátieste skanikónrak akénhake tsi atsisewasénnaien ne Rawenni꞉io ó꞉ni neh Roiénha ne sonkwaiáner Ié꞉sos Kerístos.

1 Corinthians 10:31

Ioiáneren, kwáh tsi nensháh꞉tiere, tóhkaʼ tashatskáhon tóhkaʼ ó꞉ni hasnekírah, né thóh náhtier ne tsi Rawenni꞉io rahohiatanerahkwáhtshera.

1 Corinthians 6:20

raʼónha rokariákon ne tsi sónnhe. Káti saierónta ísasts raohiataneráhkwahte ne Rawenni꞉io.

Ephesians 5:19

Nónen skátne ensewáton tesewariwakwánion, karennasónhas, orennathokéntis; tetsiʼsewariwáhkwas norennahʼthokentiʼokónhas ne Roiá꞉ner, kwáh seweriasaʼkwékon tsi sewathonʼnáhrak.

Deuteronomy 6:5

Hentsenorónhkwake ne Roiá꞉ner Rawení꞉io tsi sónnhe, akwáh seriasakwé꞉kon, satonhnetsherakwé꞉kon, ó꞉ni sasatstenhserakwé꞉kon.