Psalms 84:9 - Ohiatonhseratokénti

⁹ Tsiatatérist nonkwanontí꞉io, Ó Sewenní꞉io, né꞉ne ronhnontí꞉io í꞉se tsiatará꞉kwen.

Psalms 84:9 ပူးပေါင်းရင်းမြစ်များ

Genesis 15:1

Shontóhetsteʼ kí꞉ken nahorihoʼtén꞉shonʼs ne raowén꞉na ne Roiá꞉ner wahoiaʼtó꞉renʼne nʼAbram tsi ní꞉ioht ne wahotahsatáhrhahse tánon wahothón꞉teʼne ne Roiá꞉ner wahohró꞉ri, “Tósa sáhteronʼn, Abram, Í꞉i né satrenhohstáhkhwa í꞉ken; tsi naʼtensaterihwaʼserákwaʼse kwáh í꞉ken tsi enkowanénhake.”

2 Samuel 23:1

Nón꞉wa ne kí꞉kens nonáken tsi nithotáti ne Táwit: Ne ne raowénhna ne Táwit, ne roièn꞉a ne Jesse, ne raowenhnaʼókons ne rónkwe tsi niká꞉ien ne Ní꞉io rosenhnakará꞉taton, ne ronwahiatará꞉kwen ne ne raoNí꞉io ne Jacob, ne ronwanonwéstha tsi nihashástste NIsraerʼronónke:

2 Chronicles 6:42

Saiá꞉ner Ní꞉io, tó꞉sa tskénron ne ronnontí꞉io ne tiataráhkwen. Seiárak tsi nitienorónhkwahkwe ne sanhátshera Táwit.”

Psalms 132:17

Thóh nón꞉we nenhkateriwaʼthéntiaʼte tsi nenhishaststénhseron ne Táwit iatehahiati; watkwahtákwen natónnets nahonhtahí꞉hion ne rihiatará꞉kwen.

Psalms 17:1

Satahónsatat, Saiá꞉ner nahó꞉ten ne kaiánere í꞉ken; Sahtenhnikonráren tsi natekaséntʼthos, satahónsatat nakaterénhnaien, ne ne òhsa ne iáh tekanikonrá꞉tha.

Psalms 2:2

Né rotinontí꞉ios nonwenhtsáke wahonthateweienénhtane nateriʼiósehra, tánon skát꞉ne wahontkenhnísa ne ratikoráshons, nahonwatkónten ne Roiá꞉ner tánon ne ronwahiataraken, ronhtónhnions,

Psalms 2:6

“Ríh꞉teron nakenontí꞉io ne Zion nón꞉we, né nakenonthatokentíke nón꞉we.”

Psalms 3:3

Ók ʼI꞉se, Saiá꞉ner, ne tehioniatasthá꞉kwa í꞉ken ne tewakénes, I꞉se nakerenhsharón꞉tshera í꞉ken tánon i꞉se takenikonranírats.

Psalms 59:11

Tó꞉sa sehnonwarhiákon, nontsérenk nakonkweʼtashón꞉has ensohtinikónhren; tesehiaré꞉nat sashaststénhsera í꞉sats, tánon tasehiátent, Ó Saiá꞉ner, í꞉se nonkwatrohosthákwah í꞉ken.

Psalms 84:11

Hen, ne Rawenni꞉io, né꞉ne Roiá꞉ner, rahónha ne karáhkwa í꞉ken, teshonkwáhwis ne kaswatʼthétshera tánon natónnhets. Rahónha teshonkwatiatáton, rahónha teshonkwáhnes. Teshonkwáhwis ne kanoronkwáhtshera tánon kakwenienstatserákon tsi shonkwaiénas, né꞉ne tsi niʼiákon ne iáh othènon teiakoníkon tsi iakónnhe né tesakówis ne kowánen í꞉ken ne ioiánere kaiataterítshera.

Psalms 89:20

Nakenhá꞉tshera Táwit waʼhinontí꞉iosʼte; né waʼhihiatókaʼwe ne iaweienatokénti;

Psalms 98:1

Ó Tetsisewaʼrihwákwas ne Roiá꞉ner, ne norénhnaʼse, asèken iorihwanerakwahthénions tsi nihotieránions. Né꞉ne kwáh rahónha raoshaststénhsera tánon ne raoshaststenhseratokentítshera tsi sakosénhnion ne ronhwáʼsons.

Acts 4:27

Asèken ne Herod tánon ne Pontius Pilate skátʼke tehonatátʼken ne kén꞉en kanátakon ratikwékon ne iáh tehatiʼsitaerónons ó꞉ni ne Israerʼró꞉nons nahonwatʼkónten ne Ié꞉sos, ne Rohiatathokénʼti sanátsera, tsi nikáien neh Kerístos tiónʼni.

Deuteronomy 33:29

Israel, tsi nisaʼtsenhnón꞉ni! Iáh nó꞉ia teká꞉ien nahonsaieshaiérenhke, ne nonhkweshón꞉as ne Roiá꞉ner shakoniakénthon. Rahonhatsí꞉wa ne Roiá꞉ner ne satrenhosthákwa ó꞉ni ne shasarekó꞉wa, ne nahonthaniáhne ó꞉ni nahontháhion natesenhniéntshera. Ne tesewatà꞉tsons kwáh enʼthónhne naieshanéken nataniténron, tánon kwáh tensenenstsiáke.

1 Samuel 16:6

Nó꞉nenh shiahónhnewe, watotʼkáneren Eliab tánon wahanontónhnionwe, “Oriwiʼiohónwe ne Roiá꞉ner ne roiatarákwen tsi ó꞉nenh raohén꞉ton ne Roiá꞉ner í꞉res.”

1 Samuel 2:10

Ne Roiá꞉ner ronwáswenhs kwáh kiʼ enhionthatá꞉tonhte; ne kwáh éhʼneken thót꞉te kwáh entʼtáwere thóh karonhiáke. Ne Roiá꞉ner kwáh enharíwente tsehionhontsakwé꞉kon; raón꞉ha enhoshaststénseron ne raonnontí꞉io, tánon enhoshastsʼtenserowaʼnénhake ne rohiatarákwen.”