Psalms 84:11 - Ohiatonhseratokénti

¹¹ Hen, ne Rawenni꞉io, né꞉ne Roiá꞉ner, rahónha ne karáhkwa í꞉ken, teshonkwáhwis ne kaswatʼthétshera tánon natónnhets. Rahónha teshonkwatiatáton, rahónha teshonkwáhnes. Teshonkwáhwis ne kanoronkwáhtshera tánon kakwenienstatserákon tsi shonkwaiénas, né꞉ne tsi niʼiákon ne iáh othènon teiakoníkon tsi iakónnhe né tesakówis ne kowánen í꞉ken ne ioiánere kaiataterítshera.

Psalms 84:11 ပူးပေါင်းရင်းမြစ်များ

Genesis 15:1

Shontóhetsteʼ kí꞉ken nahorihoʼtén꞉shonʼs ne raowén꞉na ne Roiá꞉ner wahoiaʼtó꞉renʼne nʼAbram tsi ní꞉ioht ne wahotahsatáhrhahse tánon wahothón꞉teʼne ne Roiá꞉ner wahohró꞉ri, “Tósa sáhteronʼn, Abram, Í꞉i né satrenhohstáhkhwa í꞉ken; tsi naʼtensaterihwaʼserákwaʼse kwáh í꞉ken tsi enkowanénhake.”

Psalms 119:114

Í꞉seke nónh꞉we nikatasehtákwah tánon í꞉se nakáwenk tehioniatastákwah í꞉ken; né꞉ne sahwénhnake nónhwe nitewahketákwen.

Psalms 15:2

Ónhka ne iakonʼnhétsie ne iáh othènon tehiakonitseráien, thóh niʼiehiéra, tánon orihwiʼiohónwe tsi iontátis nakaweriáne.

Psalms 27:1

Né Roiá꞉ner rahón꞉ha nakswatthétshera í꞉ken ó꞉ni natiatakenhátsera; ónhka ká꞉ti atkhetshánike? Né Roiá꞉ner rahón꞉ha thá꞉nes ne tsi kónnhe; ónhka ká꞉ti akhetshánike?

Psalms 3:3

Ók ʼI꞉se, Saiá꞉ner, ne tehioniatasthá꞉kwa í꞉ken ne tewakénes, I꞉se nakerenhsharón꞉tshera í꞉ken tánon i꞉se takenikonranírats.

Psalms 47:9

Né sakotinontí꞉ios nonkweshón꞉ha wahontsataróhroke skát꞉ne nonkweshón꞉ha né꞉ne tahonwanonweráton ne Abraham Raoní꞉io. Ne Rawenni꞉io raoshaststénhsera sénha ne kasastenhserowánen tsi ní꞉ioht nahontahonwaʼthikwék꞉te nonhontsáke ronhterí꞉ios; kwáh í꞉ken tsi rasenhnowánen.

Psalms 84:9

Tsiatatérist nonkwanontí꞉io, Ó Sewenní꞉io, né꞉ne ronhnontí꞉io í꞉se tsiatará꞉kwen.

Psalms 85:12

Né Roiá꞉ner kwáh nenhné꞉e ne entʼtháhawe nahó꞉ten ne kaiatateríhtshera í꞉ken, tánon nontsionhóntsa kwáh nenhné꞉e enhiokwáts꞉thonke tsi enkaientʼwákwen.

Proverbs 10:9

Ón꞉kwe tiakorihwaié꞉ri skén꞉nen tsi ronnonhtónnions tánon enhotiiaʼtahnirónhake nok ne iáh tethotirihwaié꞉ri enhatiiaʼtató꞉kenʼne.

Proverbs 2:7

Ráonha thatká꞉waʼs kaiaʼtakehnháhtshera tánon enhshakonónhstate ne ronwarihwakweniénhstha tánon ne tiakorihwaié꞉ri.

Proverbs 28:18

Sarihwakwarihshiónhak tánon enhsheʼniá꞉kenʼne. Tókaʼ iáh tesarihwakwaríhshion thontaiawénhstsi enhsatkarón꞉ni.

Proverbs 28:6

Ne sénha ioiánere naiesenténhton tánon aiesarihwakwarihshiónhake tsi ní꞉iot ne aiesakwahtshéhake tánon iáh thaʼiesarihwakwarihshiónhake.

Micah 2:7

Aówenk ken ne kí aiaié꞉ron, O tsi ronónshote ne Jacob? Né raonikonhratokentí꞉tshera ne Roiá꞉ner ne ken iewatehiá꞉ron iáh thakaʼnikonkatstékete? Raónha ken kí꞉ken thóh nihaieránions? Iáh ken nakewenhnaó꞉kons thé꞉nen tekarihonthákwas ne nónhka thóh nón꞉we nihiakothaí꞉thake ne tkarihwaié꞉ri?

Malachi 4:2

Ók kiʼ ní꞉se ne tsi nítson ne sewakweniénhstha nakhsèn꞉na ne karáhkwa ne karihwakwarihshiónhtshera kwáh entkarahkwínekenʼne, ne ne iakotsèn꞉tha enkará꞉tie kanerahontshá꞉keʼs. Ní꞉se kwáh iensewaiá꞉kenʼne tensewaniʼtsonhkwahkwánion tsi ní꞉ioht ne tiohnhónskwaron owí꞉ra ieioiakén꞉ʼen ne tsi tekatáhstha.

Matthew 6:33

Neh tanon taseȣatierent seȣesak ne Niio rahonakerasera, nok ne kenh iohaȣiton aksekon nehne ok tentkonne.

John 1:16

Nok akȣekon ionkȣataȣeiaton ne raotanitenraserakon, akȣa neok nʼatanitenron nʼatanitenron.

John 1:9

Ne oni ne tokenske kasȣathetsera, nʼakȣekon nonkȣe teiakosȣathetennis naonnakerate tsi ionȣentsiate.

John 8:12

Nok ne Iesos sekon are ionsahatati, ȣahenron: Ii ahosȣathesera tsi ionȣentsiate, iah tahontahokaraȣe nenhaknonteratie, neh tanon tenhosȣatheke ne ionnhe.

2 Corinthians 3:18

Káti ne tewakonhsaʼkéhshon iáh teiotehrhó꞉ron. Iaweʼnéston tsi naʼteioswáthe ne Roiá꞉ner raoiaʼtateríhtshera, tsi ní꞉ioht tsi shontión꞉nis ne Roiá꞉ner Roʼnikonhratokénhti ne sénha taonsakaierón꞉tarake ne Shonkwaiá꞉ner raoiaʼtanehrakwáhtshera.

2 Corinthians 4:17

Kí꞉ken niiorihwá꞉sas kwáh ionkwaweiennén꞉taʼs ne ionhnheʼón꞉we kaiaʼtaterihtshera knaʼ nenʼne akwé꞉kon nonkwaronhiakénhshera iáh thé꞉nen thaʼtaonsakaierontá꞉rake ne raoiaʼtateríhtshera.

Galatians 2:14

Sakatʼkátho tsi iáh tehathísereʼne ne iotʼthahakwarísion ne oriwiʼiohhónwe ne kariwí꞉ios, waiʼhiénhase ne Tiér rahothihénton ne thonʼnethákwens, “Sasitaerónon tsi sanakeráton, shatiakwarísion ne Sitaeró꞉non rahotiʼianerénseras nók kíʼ thóh ní꞉ioht tsi sónnhe tsi ní꞉ioht ne iáh tehatisitaerónnon, onhkáti niʼiohtséren tsi satheniéntʼtha nasehiónʼnien kí꞉ken iáh tehatisitaerónons nahontewénnaraʼkwe ne Sitaeró꞉nons rahotiʼianerénsera neh níse satewentéton?”

Deuteronomy 18:2

Iáh tehiówenk ne thé꞉nnen ahononhontsaiéntake, tsi ne ní꞉ioht ne ronatià꞉kes kentióhkwas; ne rahonáwenk né꞉nenhne rahotihiathakenhátshera tsi Roiá꞉ner rahotsihenstaʼshón꞉as í꞉ken, tsi ki nihorahrátston ne Roiá꞉ner.

Philippians 1:6

Rawenni꞉io seh tehtsisewathasawén꞉ni kiʼ kaiohtenserí꞉ios, ó꞉ni kwáh orihwí꞉io wakón꞉ni tsi iáh tahátʼkawe nohénton ne iahontésha ne enwenniseráteke nó꞉nen ne Kerístos Ié꞉sos thètʼtre.

Philippians 4:19

Nakatherénnaient neh Rawenni꞉io ahontháhion akwékon tsi natesathonwentió꞉ni neh akenikwékon ne kahiatanerakwátshera ne Kerístos Ié꞉sos tatʼkáwas.

Revelation 21:23

Tánon ne kanatowanenke iáh othenen thateiotonhontsioni ne kará꞉kwáh khehs nasónt꞉thenhnekha kará꞉kwáh ne takaswát꞉thete, asé꞉ken ne ne raoiá꞉tanerakwahtshera ne Ní꞉io ne nahoswát꞉thetsera í꞉ken, tánon ne wathaseranihionthá꞉kwah ne ne teiotinakaronhtón꞉ha owí꞉ra.