Psalms 80:1 - Ohiatonhseratokénti

¹ Satahónsatat, Ó sehnón꞉ne nʼIsraerʼró꞉nons, í꞉se ne waʼtsiasárihne ne Só꞉se tsi ní꞉ioht ne teiotinakaronhtónha! Sítskote ne sanitskwáhrane éhʼneken ne tsi tehanerahontiónhtons ne raronhiakerononʼkówa,

Psalms 80:1 ပူးပေါင်းရင်းမြစ်များ

2 Samuel 6:2

Ne Táwit tánon ratiʼkwé꞉kon ne raotiʼtsió꞉kwah ronterí꞉ios ne ratikweʼkonhátsies iahón꞉ne tánon thóh tahonténhti Baale-judah, ne ne thóh nón꞉we nontahatíhawe ne raoneró꞉kwah nateriwasheronhniátsera ne Ní꞉io, tsi neh konwanatón꞉kwah ne Sakoiá꞉ner ne tsi ronónha thóh ratitskwahrón꞉nions éhʼneken ne niʼnikonhrare iotokentis.

2 Kings 19:15

tánon waʼhaterénhnaien, “O Saiá꞉ner, ne Sení꞉io Nisraeʼró꞉nons, sanitskwáhraʼne siskwaʼhé꞉re é꞉neken tsi rón꞉nes ne tehatinerahontiónhtons kontí꞉rios, sonhá꞉hak khók ne Saní꞉io í꞉ken, satkorástons akwé꞉kons tsi kanakeraseraké꞉rons tsi ionhwenhtsáte. Í꞉se shasaháʼnion ne tsi ionwenhtsáte ó꞉ni ne tsi karonhiáte.

Job Tánon ne Raoronhiakensera 10:3

Kwáh ken ioiánere ní꞉se naseiateniakátstaʼtse, tánon naskénron nahohiothénhsera ne shatsánakes tánon tatswáthete ne raotiiothénhseras ne ronhnonkweʼtahétkens?

Psalms 45:1

Né꞉ne kawenní꞉ios enkánane nakenikónhrakon; tsi nenhirenhnarásthen ne ronnontí꞉io. Kwáh tsi ní꞉ioht nónhkak ne rorenhnáhon nahioianeréhake tsi aʼhahiáton.

Psalms 5:1

Satahón꞉satat nakewenhnaókon, Saiá꞉ner; sathahonsíhiost tsi niwakerihwakathénʼen.

Psalms 50:1

Né Roshaststenhserowanenkó꞉wa, Rawenni꞉io rahónha ne Roiá꞉ner í꞉ken, iesakonatónnions niakahontsakeró꞉nons kwáh tsi nentkarahkwínekenʼne noronhkéne tsi tsenskaráhkwenhne nokarasnéha.

Psalms 50:2

Zion nón꞉we nitewétha, né꞉ne iekaiataiéri ioràse, Né Rawenni꞉io thóh natehoswát꞉te tsi ní꞉ioht ne karákwah.

Psalms 55:1

Satahónsatat nakwaterénhnaien, Ó Sewenní꞉io; tó꞉sa satsʼwathéni tsi nikerihwanónhtons.

Psalms 60:1

Ó Sewenní꞉io, takwahtewenhtéton, tánon takwahsénhnion; sanakwénhenhne; ó꞉nenh kí saskwahrihwasehrón꞉nien!

Psalms 69:1

Tatiatanóns꞉tat, O Sewenní꞉io, asèken nonékanos ó꞉nen tsi tewakniasóhare nió꞉re níwes.

Psalms 77:20

Waʼsehénhthense ne shonkwetaʼshónhas tsi shí꞉ken ní꞉ioht ne kattsénen sakó꞉nonhne né꞉ne Mahís tánon Aaron ronaterihwatsteríston.

Psalms 78:52

Eʼthóhʼne ó꞉nen sahsakohéntense ne rahonkwetaʼshónhas tsi ní꞉ioht ne teiotinakaronhtónha sakónonʼne, tánon waʼsakonatón꞉hase tsi nieʼiawénon ne iahonwentsiatʼténhake.

Psalms 78:67

Ók waʼsakokénron nenhné꞉e tsi waʼhawatsirathátse ne Só꞉se, tánon iáh ne tesakohiatarákwen tsi ratiʼtaráien ne Ephraim;

Psalms 80:19

Saskwarihwasehrón꞉nien, O Saiá꞉ner Sashaststenhserowanenhkówa; takwahnatónhas ne sanitenhrétsera, tánon kwáh kíʼ enhionkihiatanónsthaʼte.

Psalms 80:3

Saskwarihwaʼkwahtákwats, Ó Sewenní꞉io; kwáh takwénhtenr tánon takwahiatanónstat.

Psalms 80:7

Saskwahriwasehrón꞉nien, Sasatsʼtenhserowánen Sewenní꞉io; takwahnatónhas ne sanitenhrétsera, tánon kwáh kíʼ enionhkiʼnónsthaʼte!

Psalms 94:1

Ó Saiá꞉ner, Í꞉se ne Sewenní꞉io ne sehrewátha, sathaténest, Saiá꞉ner, Sewenní꞉io í꞉se ne sehrewátha!

Psalms 99:1

Roiá꞉ner séh ne ronnonhtí꞉io í꞉ken, ánion iakoiatí꞉sont nonkweʼshón꞉has! Raonitskwárare rénhskote thóh éhʼneken tsi niʼnikonhrare iotokentis; ánion tehiahontsíʼshont!

Isaiah 40:11

Kwáh ensakónonʼte ne raotsiókwas tsi ní꞉ioht ne teotinakarontónha sakónonʼne; kwáh ensakoiataʼróhroʼke ne teotinakarontónhas owiraʼsónhas tsi ensakokitároʼke, tánon ensakohiaʼthenhawíson thóh ranáskwahkon, tánon kwáh skén꞉nonk tsi enhahéntenhse ne teiotinakarontónha kanisténsera.

Isaiah 60:1

Téstann, tesaswát꞉tek; asèken né saswathetsheraʼónhwe, tánon ne raoʼiatanerakwáhtshera ne Roiá꞉ner thontʼkétsko shonháke.

Isaiah 63:11

Eʼthóhne sahonhnehiáraʼne né tsi niʼtewenhniseraʼté꞉nionskwe né wahónhnise tkènhne, né꞉ne Mahís raonhá꞉tshera. Kaʼniehawénon tsi niká꞉ien né shesakosʼkókwen né kaniatarakheʼkówahne ratiʼkwekónkwe ne sakotiʼnikonhráraʼkwe né raoʼtiókwah? Kaniehawénon tsi niká꞉ien né rothen rononháke né raoʼnikonratokentítshera,

Ezekiel 1:13

Ne asénhnen nónhwe í꞉ken ne ronhnonhnhénions knahótenk ne kwáh ètho ní꞉ioht tsi ahiotékʼkhake oswènhta, tsi ní꞉ioht ne iotsiróh꞉te káties tsi natehóntereh ne ronhnonhnhénion; tánon nótsireh kwáh í꞉ken tsi teioswátʼthe, tánon ne tsi iotétʼkha nitewéhtha tewahninekarahwáhnions.

Ezekiel 10:4

Tánon ne raohiatanerahkwáhtshera ne Roiá꞉ner hontharáhthate tsi ítnes ne niʼnikonhrare iotokentis tánon thóh niaháhe tsi khanonhkáronhte ne NʼOnonsatokentiʼkówa. Tánon otsátha wahkánahne NʼOnonhsatokentiʼkówa, tánon natenhénrakon ne watkaswátheʼte ne raohiatanerahkwáhtshera ne Roiá꞉ner.

Ezekiel 34:23

Kwáh enkhenonhtiʼiotséron tsi ní꞉ioht nakenhátshera Táwit né káti ne énskat khók ahiotiʼiéntake ne ranónnhe, tánon kwáh rahónʼa ensakotenhnikonhráhren.

Ezekiel 43:2

tánon thóh nónhwe nakatʼkátho tsi kharahkwínekens nonhtahiawenonhátse ne tehiokaráhiat kaswatʼthétshera né tsi thóh íres ne sakoʼNí꞉io ne israel. Né Rawenni꞉io raowénna thóh nikawennhóten tsi ní꞉ioht tsi ioráhkare ne kaniatarahkheʼkówa, tánon ne tsi ionwenhtsáte né wakhaswátʼthete ne tehiokaráhiat kaswatʼthétshera.

Daniel 9:17

O Saiá꞉ner Onkwaʼní꞉io, sathóntek nakwaterénnaient tánon tsi konianiténhtase. Sasenonhsahserón꞉ni ne sanonhsatokenhtiʼkó꞉wa, tsi naʼtekahríhton; saskwatá꞉ko ehʼnaontáwe onkwétakwe aiakoterién꞉taráʼne tsi í꞉se ne Ní꞉io.

John 10:14

Kehnonnhatseriio nʼii, keienteris naketsenen, oni ionkienteri nʼononha.

Deuteronomy 33:2

Ne Roiá꞉ner tsi ionónhte ne Sinai nón꞉we nonhtá꞉re; thóh ní꞉ioht tsi tahoké꞉tote tsi ní꞉ioht ne tahiorakwinekenhenhátie é꞉neken ne tsi ionónhte ne Edom tánon tsi tionónhte ne Paran nón꞉we thontashakoswaʼthé꞉ten ne rahonkweʼtashón꞉as. Oié꞉ri tewenhniaweheʼtseráhsen niháti ratironhiakeró꞉non ratikwekonhátie, iotsiró꞉te ne saweienthethákwen.

Hebrews 13:20

Rawenni꞉io shoketskwenh ne kenheiátʼne ne Sonkwahʼiáner Ié꞉sos, rahónha ne Rohshatsʼtenserowáhnen Shakonónhne ne teiotinakarontónha ne tsi niaʼteionénon ne raonekwénhsa, ehnónwe tsi nénwe nahterihwahseronniátshera tsi kanakentóron. Aiáwens ne Rawenni꞉io né skén꞉nonk tíken ahontáhion kwáh tsík nahoténsons ne ioiánere tahishatonwenhtió꞉nike nahishaióten tsi nitonikonriʼióʼon, tánon aiáwens ne rahónha, rahonháke ne Ié꞉sos Kerístos otionháke ahoióten tsi nitohnikonriʼióʼon. Tánon rahonháke ne Kerístos nón nikáien ne kahiatanerahkwáhtshera tsi nénwe ó꞉ni tiókonthe! Éʼtho naiá꞉wenhne.

1 Tiér 2:25

Neh thisisewatiérenskwe ne teiotinakarontóna ne ionatiatatónhonne, nók ónen thetsitsihiaténha natsisewásere ne sakonón꞉ne ne teiotinakarontónhas ó꞉ni ne ranónne ne sewatónnhets.

1 Tiér 5:4

Tánon nónen enhathotáshon ne Ohénton írate ne Sakonón꞉ne kentiókwa, enshèna ne ioriwanerákwat oronhónkwa neh꞉ne iáh nonwénton tahióti naoswatʼthétsera.

Revelation 21:23

Tánon ne kanatowanenke iáh othenen thateiotonhontsioni ne kará꞉kwáh khehs nasónt꞉thenhnekha kará꞉kwáh ne takaswát꞉thete, asé꞉ken ne ne raoiá꞉tanerakwahtshera ne Ní꞉io ne nahoswát꞉thetsera í꞉ken, tánon ne wathaseranihionthá꞉kwah ne ne teiotinakaronhtón꞉ha owí꞉ra.

1 Samuel 4:4

Shók꞉kiʼ ne ronterí꞉ios iahonwanaténieʼte Shiloh, tánon thohʼnónwe nahontahatíhaʼwe ne oneró꞉kwah ne raoʼteriwaseronniátshera ne Sakoiá꞉ner ne ratiʼronhiakeró꞉nons, raónha thóh rénskote tsi natehiátere ne niʼnikonhrare iotokentis. Ne tenihiá꞉se raoʼnekenteróntsheras ne Eli, Hophni tánon Phinehas, ronón꞉ha nihnikonráraʼkwe nonerokwahtokénti skát꞉ne tsi taʼhón꞉ne.