Psalms 78:9 - Ohiatonhseratokénti

⁹ Né Ephraimró꞉nons ahén꞉a tánon kaiénkwires ratihawánion, waʼhontèko ne siakáhewe ne wenhniserátekwe nahonterí꞉io.

Psalms 78:9 ပူးပေါင်းရင်းမြစ်များ

1 Chronicles 12:2

eh ratiʼiá꞉taʼre raotiʼtsiokwáhkon ne Benjamin, thó nón꞉ne nihaiatara꞉kwe ne Saul. Ratikwé꞉niens niahonrón꞉thate ne Kaiénkwires ó꞉ni nahóns꞉te ne ieiakonenhiontsethá; kwáh né꞉ne iáh tekwasterístha tsitnokwáhti ne ratinéntsake áhonste.

Psalms 78:57

ók tonsahontkaraténi tánon iáh othenènon tethonethákwen kwáh kíʼ tsi ní꞉ioht ne sakotisotʼthonhkonkénʼen; thóh nió꞉re tsi iáh othènen tehathirihwástha kwáh né꞉nen tehiotʼwatáse kaiénhkwire.

Luke 22:33

Tontahenron ne Tier: Saianer! ȣakatateȣeiennentaon akonhiariskonte, tokat tsi iontatennhotonkȣa, ok oni ne kenheiatne.

Judges 20:39

nʼIsraerʼró꞉nons ne kahentákes rónhnes tsi enhshón꞉khete. Né shiʼkaháwi ne Benjaminró꞉nons ónenk sisakotinonhwariákon nasenhniwáhsenh niháti nʼIsraerʼró꞉nons. Wathontatró꞉ri, “Hen, iakhisénhnion kwáh kíʼ tsi ní꞉ioht ne tsotserénhton.”

Judges 9:28

Ne Gaal wahénron, “Onh nitsionhkweʼthó꞉tens ne Shechem? Onh nonhtséren tsi Abimelech tsi tewahiótenhse? Ónhka ne né rahónha í꞉ken, akwah? Né roʼníha ne Gideon! Tánon ne Zebul thóh ieharihwákwas rahonháke, ók nonhtséren tsi rahónha atsitewaiénthenʼse? Sewarihwatokénhak tsi nòkwah ne tsi sewasót꞉tha Hamor, tsi rahónha rotsiokwatʼtsénron!

1 Samuel 31:1

Nón꞉wa ne Philistines ronaterí꞉iokwe ne Israerʼró꞉nons tánon ne ronhnón꞉kwe wahontèko raotihén꞉ton ne Philistines, tánon ronatsiokowánen wahatiʼiátsenenhne tánon wahonwatinonwarhiákhon thóh tsi ionón꞉te ne Gilboa.

1 Samuel 4:10

Káti ne Philistine wahonterí꞉io; ne Israerʼró꞉nons wahonwatisén꞉ni, tánon wahonté꞉ko, tsi thoʼtinonshó꞉tons nionsahón꞉ne. Watewatenonhiánite tsi nahontawénhtho, asèken thóh nón꞉we nahatiʼiatiénenhne Israerʼró꞉nons; áhsen niwáhsen niwenniaweʼentsheráhsen ne thakésons tsi ní꞉iot tsi ronterí꞉ios.