Psalms 78:71 - Ohiatonhseratokénti

⁷¹ tsi nón꞉we nisakonikonhrá꞉rakwe ne ionatewíraien teiotinakaronhtónhas iahó꞉nonhke né nasakonikonhraratiésehkes ne rahonkwetaʼshón꞉a Jacob, né Israerʼró꞉nons asakonikonhraratiésehke.

Psalms 78:71 ပူးပေါင်းရင်းမြစ်များ

Genesis 33:13

Ók ne Jacob wahá꞉wenhase, “Né ratsianer roteriénhtareh nétho ratitsaokónhas iáh tehatishátstes tánon nétho teiotinakaronhtónhas ó꞉ni ne kaiatákeras tánon ne tionhnónskwahrons, tanon ne kontitshénens ne kontstarónhtha, tsi Í꞉i khenikón꞉rahre; tó꞉ka sóhtsi ahietihiatót꞉thakwen ne ahí꞉nonh niió꞉re niakón꞉ne ne sewenhnísehra, konhtikwé꞉kon ne teiotinakaronhtónhas tánon ne kaiatákeras enkonníheie.

2 Samuel 20:19

Í꞉i ne énska ne sakʼthíken tánon wakerihwatóken ne Israerʼronónke; ní꞉se í꞉sehre nashenatént꞉tho ne kanatowanénhke ne ne konwanisténha í꞉ken Israerʼronónke; nontsiéren ní꞉se tsi asheriwèntho ne raowenhkhónwe ne Roiá꞉ner?”

2 Samuel 24:17

Nó꞉nenh ne Táwit sahó꞉ken ne raronhiakeró꞉non tsi rahón꞉ha sakotontonhá꞉tsie nonkweʼókon, wahawénhase ne Roiá꞉ner, “Kwáh akonwákhok wakeriwáneren, tánon akonwákhok thóh niwatiéren ne kariwahetʼkénhsera; ók kí꞉ken teiotinakaronhtón꞉ahs, ònhne nihionatsiéren? Áhnion ne satshanáke, wakaterénnaien, í꞉i wakakkónten tánon satkónten ne rakení꞉ha raonónsa.”

2 Samuel 5:2

Asèken kwáhʼthóh tsi nikarí꞉weskwe, tsi náhe ne Saul shonkwanontí꞉iokwe, kwáh í꞉se tethesehiatinekénʼen Israerʼró꞉nons tánon thontasehiaténhawe. Ne Roiá꞉ner ièn꞉ni ónhka nenhsakotenhnikón꞉rahren nakonkweʼtashón꞉ahs Israerʼró꞉nons, í꞉se ne kwáh ensatkóraste NÍsraerʼronónke.”

2 Samuel 7:8

Nón꞉wa ne káti tsi nahó꞉ten entsró꞉ri nakenhá꞉tshera Táwit: Ratón꞉ne Sakoroniakerónons: Í꞉i iekonnónkon ne tsikonwatiterontákwah ne watenhenrowanénhke, tsi shenikonrahrátsieskwe teiotinakarontónha ne naseiatenontí꞉ioste nakonkwetashón꞉ahs Israerʼró꞉nons;

1 Chronicles 11:2

Tsi nitsawé꞉non, shé꞉kon ne Saul rahón꞉ʼa nonkwahnontí꞉ioʼkwe kènʼne, waʼsehén꞉tenhse nonkweʼshón꞉as Nisraeró꞉nonke nateriʼioseráke, tánon ne Roiá꞉ner Saní꞉io waʼiarahrátsten tsi í꞉se ensheʼiaʼsárihne ne rahonkwetaʼshón꞉as ó꞉ni ensehiatkóratste.”

Psalms 28:9

Ó sehnónstat né shonkwetaʼshónha Saiá꞉ner; tánon sehiathatérist né í꞉se sonhkwetaʼshón꞉has; ʼi꞉se sehiathenhnikonhráhren, tánon sehnikonhraratiések.

Isaiah 40:11

Kwáh ensakónonʼte ne raotsiókwas tsi ní꞉ioht ne teotinakarontónha sakónonʼne; kwáh ensakoiataʼróhroʼke ne teotinakarontónhas owiraʼsónhas tsi ensakokitároʼke, tánon ensakohiaʼthenhawíson thóh ranáskwahkon, tánon kwáh skén꞉nonk tsi enhahéntenhse ne teiotinakarontónha kanisténsera.

Matthew 2:6

Iah teionatakenrat ne Bethlehem Konȣanntonkȣa Sitaeronon rahonatenata, enhiakotoheststen ne kanatoȣanens, aseken enthaiakenne ne Raȣenniio enhonȣennakeraton rahotiokȣa Israerronon.

1 Tiér 5:2

naseiatennikonráren ne kentiókwa tsi niʼientiokwáwi ne Rawenni꞉io tánon kwáh thoʼnaisanikonrohténhake tsi ahseiatennikonráren, kwáh tsi naʼtehontonwentió꞉ni ne Rawenni꞉io neh náshere, tánon tóhsaʼ ne iáh thoʼtaisanikonróhten. Sahióten ne sahioténsera, iáh tóhkaʼken ne tsi satʼkarhiákse, nók neh tsi kwáh thóh nithesaskáneks naisahióten.

1 Samuel 10:1

Samuel wahtatʼtshétaʼkwe ne wateienará꞉kwa tánon ranontsíne ne Saul tareienáweron, tánon watonoronkwánion; wahén꞉ron, “Ne Roiá꞉ner wahiaʼiataráko nashehéntenhse raonkwetaʼshón꞉ʼahs Israerʼró꞉nons. Í꞉se kwáh ensheʼiateriwatsʼterístase ne raonkwetaʼshón꞉áhs ne Roiá꞉ner tánon í꞉se kwáh enshenónsthate tsi nòkwah ne rontsanákes ne ronwatíswenhs natʼtatsesónhas ratinakeréhnion. Nón꞉wa neh kí꞉ken nenhshenréstaʼkwe nètho Roiá꞉ner tsi í꞉se iahíaʼtarákwen nasheʼiateriwatsʼterístaʼse ne raonkwetaʼshón꞉ʼahs Israerʼró꞉non. Í꞉se kwáh iahiaʼtaráhkwen—nasheʼiateriwatsʼterístaʼse neh kwáh raón꞉ha rahonkwetaʼshón꞉ʼahs: