Psalms 78:7 - Ohiatonhseratokénti

⁷ Thóh ká꞉ti kí kén ní꞉ioht ne ronónha tsi entonwéthakwe ne Rawenni꞉io, tánon iáh tahotiʼnikónhren tsi nahó꞉ten rohiothénhen, ók enhontiénawasthe ne raorihwatátsheras;

Psalms 78:7 ပူးပေါင်းရင်းမြစ်များ

Psalms 103:2

Kwáh thenhinonhweráton ne Roiá꞉ner, Ó akwatónhnhets, tánon tiotkonhónhwe sewehiárak tsi nikaiothenhseríhio rohióthens—

Psalms 105:45

né káti nahontewénhnarakwe ne raoianerénhseras tánon akwé꞉kon ahatíhawaʼke ne raorihwatátʼtseras. Tehonwaʼnonweráton ne Roiá꞉ner!

Psalms 105:5

Sewakwe Abraham nón꞉we niʼtisewatwatsiríhnon ne ne Rawenni꞉io raʼonhatshera kenʼne, Jacob nón꞉we nitisewatwatsiríhnon, rahónʼa ne Rawenni꞉io etʼtsisewaʼiataráhkwen, seweiárak ne iorihwanerahkwahthénions ne Rawenni꞉io tsi nihoieráhnion tánon ne karihwenhthá꞉tsheras tsi nithotkáwen.

Psalms 146:5

Iakotáskats tsi niʼiákon nenhsakoiénawaʼse né꞉ne Raoní꞉io Jacob, thóh nón꞉we nihonaskanektseráien rahonháke ne Roiá꞉ner raotiní꞉io í꞉ken,

Psalms 40:4

Iakotáskats tsi nihiákon thonwetákwen ne Roiá꞉ner, iáh kahiatonhnishónhas tekonwaʼtihniahé꞉sen, khés niahonwaʼnatsatárahse tsi nihiákon ne kahiatónhni konwaʼtisénhnaiens.

Psalms 62:5

Asèken Rawenni꞉io khók rihniahé꞉sen; asèken nakararát꞉tseras rahonháke nón꞉we nitewé꞉tha.

Psalms 91:14

Tsi nihiákon ne ionhkenorónhkwa, kwáh kíʼ enkhenónsthaʼte; kwáh kíʼ enthékhene tsi nihiákon ne iontsenhnaʼientéri.

1 Corinthians 11:24

wathonnonweráhton ne Rawenni꞉io, watanahtáriahke, tánon wahénron, “Ne kí꞉ken nahtierónta, níse sewahriwáhke. Thóh kíʼ nahsewáhier naskwehiarastákwahke.”

Deuteronomy 4:9

Sewatatenʼnikónhraren! Oriwí꞉io tsónhni tsi iáh thahonsesehwaʼnikónhren, kwáh tsi nikarí꞉wes entsónhnheke, tsi nahó꞉ten wesewatkátho ne kwáh í꞉se sewakarà꞉ke. Ieʼtshiró꞉ri ne ietshiʼienhokón꞉as ó꞉ni ne ietsihiatereʼokónha

Deuteronomy 5:29

Tó꞉ka shí꞉ken tió꞉konte ki é꞉tho nahonhnonhoténhseke! Tó꞉ka shí꞉ken tió꞉konte aiontkweniénstake tánon akwé꞉kon ahontewenhnaráhkwake nakeriwatà꞉tsheras, káti norihwakwé꞉kon tsiahioiánerenhne ne raotirì꞉wake ó꞉ni tsi nienhontwatsí꞉rine tsi nénhwe.

Deuteronomy 6:12

orihwí꞉io tsónhni tsi iáh thatsisewahiaʼtanikónhren ne Roiá꞉ner tsi raónha setsisewaniaʼkénhton ne Egypt nón꞉we, tsi thóh nón꞉we ietsinaskónhniskwe.

Deuteronomy 6:21

Ethò꞉ne ietshiró꞉ri, ‘Shonkwanaskón꞉niskwe ne ronhnonhtí꞉io ne Egypt nón꞉we, tánon ne Roiá꞉ner shasonhkwaniákente ne wà꞉ratste ne raosatstenhserowaná꞉tshera.

Deuteronomy 6:25

Tó꞉ka enhionkwariwatokénhake entewatewén꞉naraʼkwe orihwakwé꞉kon tsi nisonhkwahró꞉ri ne Rawenni꞉io, kwáh ki entetsitewaʼnikonhraié꞉rihte.’

Deuteronomy 8:11

“Orihwí꞉io sónhni ne tó꞉sa ahtsataʼnikónhren ne Roiá꞉ner saNí꞉io; tó꞉sa sariwanó꞉ron nasatewenhnaráhkwe ne thé꞉nen raoianerenhseraʼsónhas ne tkwá꞉wis nón꞉wa wenhniserá꞉te.

Deuteronomy 8:2

Sewehiárak tsi ní꞉ioht ne Roiá꞉ner sewaNí꞉io tsi waʼtsisewahéntenhse ne kí꞉ken iohá꞉hes ne iathitsótkaʼwe ne iahonwentsathèn꞉ke ki ne kaié꞉ri niwáhsen nihioserá꞉ke iotohétston, iatsisewateniéhten nahisewariʼwanorónhsten ne natsisewateʼniénte, ne nahónton nahoterienʼtarà꞉ne onhnahisewátiere tánon kaʼshí꞉ken ensewatewén꞉naraʼkwe kén ne rahoriwatà꞉tsheras.

1 Tiér 1:21

Rahonháke nónwe nitiawénon tsi tatsisewétakwe ne Rawenni꞉io, tsi nikáien shokétskwen ne kenheiát꞉ne tánon taháwen ne kaiatanerakwátsera; tánon káti ne sewetakwéntsera ó꞉ni ne sewaskanéktsera thóʼnon nikahkwatákwen rahonháke ne Rawenni꞉io.

1 Sawátis 5:3

Nonkwanoronkwátsera ne rahonháke ne Rawenni꞉io ne kéntons tsi entewatewénnaraʼkwe ne rahoriwahókons. Tánon ne rahoriwahókons iáh sóhtsi tehioníron nonkwariwáke,

Revelation 14:12

Kénen ne kén꞉tons tsi natehastiwishátste ne rotiiatatokéntis, né꞉ne tsi nihiá꞉kon iakotsenawáston ne raoriwatátshera ne Ní꞉io tánon iakotsenawáston ioriwató꞉ken ne tewetá꞉kwen raonhá꞉ke ne Ié꞉sos.