Psalms 78:6 - Ohiatonhseratokénti

⁶ Né ká꞉ti nahónton nó꞉ia aterénhseras nahonateriénhtaraʼne, né꞉ne ratiksaʼokónhas ne arèko teonahnakeráton, ne ahonterihwathéntsate asakotiʼró꞉ri ne sakotiʼiohokónhas.

Psalms 78:6 ပူးပေါင်းရင်းမြစ်များ

Esther 9:28

Ó꞉nen onterihwísa akwé꞉kon tsi nikahwatsí꞉rake ne Sitaeró꞉non ók ó꞉ni ne wahatihwatsirátie tsi kakorahseraké꞉ron tánon tsi ní꞉kon kanataién꞉ton ahonnehià꞉rake ahatíhsere tsi nén꞉we tsi eniotenhniserentènnionke ne Purim.

Psalms 102:18

Áʼnion kahiatónhak kí꞉ken ne tsi nihohióthens ne Roiá꞉ner ne raotirihwáʼke ne tsi waʼkawaʼtsirathátse, né ká꞉ti nahónton ne iáh arèko teiakawenhnakeráton nonhkweshón꞉ha tahonwaʼnonhweratónsehke ne Roiá꞉ner:

Psalms 145:4

Ne tsi ratiwatsiratátie kwáh tehontenonhweráton ne sahiothénseras tanon nonàken tahatiwatsiratátie, tánon enhontʼró꞉ri ne iorihowánen sahiothénhsera.

Psalms 22:31

tánon kíʼ kwáh enwatoríhake tsi nòkwah ne Roiá꞉ner tsi waʼhatinekwenhsatátsie, kwáh kíʼ entʼthón꞉ne tánon enhontró꞉ri tsi sakohiathákwas nonkweshónha ne iáh arèkho teiakawenakeráton, ronhtón꞉nions tsi éhʼthoh nihoiéren.

Psalms 48:13

rontkénse tsi wathenhénraiens nosténhrasʼ iehontawehiátha tsi kanonsóh꞉tons ne kanonsowánens, ne nahónton nahonsasahkotihró꞉ri nonàken tahatinekwenhsathátsie

Psalms 71:18

Eʼthohʼsáne tsi ó꞉nen akekʼsténha tánon waʼkenontsistaráken, tó꞉sa kíʼ takatewénhtet, Ó Sewenní꞉io, tenikwekónhak tsi nikaríwes enkatró꞉ri ne sashaststénhsera tsi nihiokwénion ó꞉ni tsi nathenwaʼtereseranethárion. Né sashaststénhsera

Psalms 90:16

Takwahríhon í꞉ih ne sanhatsherahókons, tánon ne iakihiohʼokónha kwáh ó꞉ni iakwatkátho ne iorihowáʼnens tsi nisatieránion.

Exodus 10:2

tánon et nahóntaʼwe nʼaskwéni nahsehró꞉ri ne sehiohoʼkónhas ó꞉ni ne sehiaʼteroʼhokónhas tsi nakhehiaʼenonhwahroʼritónhniaʼte ne Egyptró꞉nons nónenh né sonhtsióten ne ioriwanerahkwahʼténions. Sehwakwékon ensewateriéntarahʼne tsi Í꞉i ne Watiá꞉ner.”

Joel 1:3

Ientʼtsiró꞉ri ne ietʼtsiʼienokón꞉a kí꞉ken nakarihò꞉ten, tánon ietsirí꞉hon ne ietsiioʼokón꞉as ienshonwatiró꞉ri ne iesehsakotiienokon꞉ʼa, ók ne ronón꞉ha iensehsakotiró꞉ri ne tahatikonhsontóntie aterésehra.

Deuteronomy 4:10

tsi nihioʼtónhne ne tewenhniserá꞉teʼkwe raohénton ne Roiá꞉ner waʼtesewá꞉taʼne ne sewaNí꞉io ne tsi tionónhte ne Sinai nó꞉nen sahá꞉kenhse, ‘Ietsihiaʼtaró꞉rok nonhkweshón꞉a naʼkénton. Tewakatonhontsóni nahonaʼthontè꞉ne tsi nahó꞉ten wá꞉tien nakí꞉ron, ne ká꞉ti ne kwáh ahatiweientéʼtaʼne naionkewenhnaráhkwe kwáh tsi nikarí꞉wes enhonʼnónhneke tánon ká꞉ti kwáh ashakotirihón꞉nien ne sakotihioʼonkónhas ne thóh nónhne nahatí꞉iere.’