Psalms 78:5 - Ohiatonhseratokénti

⁵ Tasahkáwen ne kaianerénhseras nonkweshón꞉ha Nisraeronónke tánon natiawenhrátseras tsi wahawatsiratátse ne Jacob, wasakó꞉nhane ne ietisotʼthonhkonkénʼen nahonwatirihónhnien ne sakotiʼiohokónha ne raoʼianerénhseras.

Psalms 78:5 ပူးပေါင်းရင်းမြစ်များ

Genesis 18:19

Iáh, asèken ráonha riiaʼtarákwen, né katí nahshakorihónnien ne shakoioʼokón꞉ahs tánon tsi nienhathwatsí꞉rine ne nahonteweién꞉ton tsi nihorihó꞉ten ne Roiá꞉ner thóh níʼhatí꞉iehr nahó꞉ten né tkarihwaié꞉ri tánon né kaiánerenʼn; né ká꞉ti naón꞉ton né Roiá꞉ner naontaháhawe tsi nahó꞉ten rohrharatstén꞉ni nʼAbraham.”

Psalms 119:152

Wahónhnise tewahkarónhken ne saianerénhseras. Ne shonhniáton ne tsi nénhwe enkénhake.

Psalms 147:19

Thóh wis ne raowénhna ne Jacob, ne rahorihonhnienhnítsheras tánon ne raoianerénhseras ne Israeronónke.

Psalms 19:7

Né raoianerénsera ne Rawenni꞉io tsi nihiorihwatóken, á꞉se tioshaststenseráwis natónnhets; ne raoianerénhseras ne Roiá꞉ner oriwí꞉io í꞉ken. Tiakó꞉wis atʼthokhátsera tsi niʼiákon ne tsakototʼtáni;

Psalms 81:5

Né꞉ne Só꞉se rahonháke nón꞉we nihoianerenhseríhshon, nó꞉nen thóh nón꞉we shaháre tsi tiohontsáien ne Egypt. Kewennarónhkas ne iáh tekewennaientéri:

Exodus 12:27

tenietʼtsiriwaʼserákwaʼse, ‘Né꞉ne kariwiʼiosehʼokónhas ne iotoʼhetstákwen nahonwakwé꞉niensʼthe ne Roiá꞉ner, tsioríwa tsi é꞉neken nahatóhetsthe tsi roʼtinonhsóhtons ne lsraeró꞉nonhs ne Egypt nónwe. Washaʼkoʼnonhwarhiakónhnion ne Egyptró꞉nons, ók ní꞉i washonkwaʼnónstaʼte.’” Ne lsraeró꞉nons waʼthontentʼtshóten tánon wahonterénhnaien.

Exodus 25:16

Ethòne thóh kaʼneróhkwahkon sewatárion ne tèkeni osténras né tkwáwi, tsi thóh nónhwe nikahiatónhnion ne kaianerenseratoʼkénti.

Exodus 25:21

Kanerokwákon sewátha ne osténhras tanon é꞉neken tasewáhren natenontékta.

Exodus 40:20

Ethòne wàtʼrakwe ne tekensténrahkes tánon kanerókwahkon nateriwaʼseronhniáʼtshera wahatárionh. Nonawahaʼtesónhas watʼrohetstánion ne tsi iokakwenhtaʼnihióntons noneró꞉kwa tánon wahanónhteke.

Exodus 40:3

Thóh ítsien nonerókwah nateriwaseʼronhniátshera thóh íhwa noiéri nihawénhnake tánon ahohénton seniatarahnihiónten.

Isaiah 38:19

Né꞉ne iakonnheónwe, né iakonnheónwe, né teiesanonwerátons, tsi kí nikatiéra nón꞉wa wenhniseràte; kaníseras enhonwatiʼtokáhten ne ratiksaʼokónhas ne sarihwatokentítsheras.

Isaiah 8:20

né꞉ne karihonhnienhnítshera tánon ne tionthateriwiʼiostenhnítha?” Orihwiʼiohónwe, tsi niiákon ne kí thóh ní꞉ioht tsi iontátis kwáh kí iáh tahiakoiéntahne nahiakórenhne!

Romans 3:2

Éso, kwáh tokènʼen, tsíkʼnahontahiotiératon! Ne tiotierentákwen, Rawenni꞉io tesakówi ne Sitaeró꞉nons nahathinónstate ne rahoteriwanhotátshera.

Ephesians 6:4

Sewawiraiéntons, tóhsa thènen seiatewehienaksáten ne ietʼtsiʼienhokónha nehne akarihónʼni aietʼtsinákwase. Khék, teietʼtsihiaróthon tsi enietʼtsihieiáron tsi nòkwa ne kariwihiosthontserákon ó꞉ni ahontewéienste nahontahonwethákwen ne Ié꞉sos Kerístos.

Deuteronomy 11:19

Ietshihienʼokónhas ietsirihonnienhní꞉tak. Sewatharákwak nó꞉nen sewanonskónhsons sewenhterón꞉ton tánon nó꞉nen sewahiakén꞉en, nó꞉nen sewatorí꞉shen tánon nó꞉nen sewahioʼténion.

Deuteronomy 31:13

Thóh ki ní꞉ioht ne tsi iensatwatsí꞉rine ne iáh nonhwénton tehiakothonté꞉hon ne Roiá꞉ner sewaNí꞉io raoianerénhsera enhiakothóntheʼne. Tánon káti kwáh enhatiweientéhtaʼne nahonwawénhnaraʼkwe né꞉ne tsi nikarí꞉wes enhatinákereʼke ne tsi ionwenhtsá꞉ien ne ó꞉nen thó꞉wa iahisewatié꞉nawatste né꞉ne í꞉se nokwá꞉ti ne Jordan.”

Deuteronomy 32:46

wahèn꞉ron, “Iorihwí꞉iot tsi sewatewénhnarak akwé꞉kon kí꞉ken kariwatà꞉tsheras ne tkwawí꞉hons nón꞉wa wenhniserá꞉te. Ne ieʼtsirihón꞉nien ne ietsiienhokón꞉as, ne káti naónton nahiorihwatokénhak tsi ahontewénhnaraʼkwe akwé꞉kon ne Rawenni꞉io rahorihonhnienhní꞉tsheras.

Deuteronomy 4:45

Ne nó꞉nen satethotihiaʼkén꞉en ne Egypt tánon thóh nón꞉we nihón꞉neskwe nà꞉kon nokwá꞉ti nahonráhkwakon ne Jordan Kaniataratátie, tehiotiná꞉ta ne Bethpeor, ne tashaká꞉wen kí꞉ken kaianerénseras. Thóh ki nón꞉we ne kanakeraserá꞉ien né꞉ne ronhnonhtí꞉io Sihon rahowenhkén꞉en né꞉ne Amorʼró꞉nons nahaiaʼtó꞉ten, raónha rakó꞉raʼkwe ne tsi kaná꞉taien ne Heshbon. Mahís tánon Israerʼró꞉nons ronhwasénhnion sathontahatihiaʼkén꞉en ne Egypt.

Deuteronomy 6:7

Tánon sewatsteniáron ne ietsirihón꞉nien ne ietsihienokónha. Ne sewathará꞉kwak ne sewanonskónhsons ó꞉ni nó꞉nen kák nón꞉we niesewè꞉non, ó꞉ni nó꞉nen sewatorí꞉shen ó꞉ni nó꞉nen sewahiò꞉te.