Psalms 78:49 - Ohiatonhseratokénti

⁴⁹ Watesakoreniáten ne raotheriaʼtitkónhtshera, kanhakwáhtshera, ateriatitʼkhóntshera, tánon kanikonhraronhiakénhsera, shotitsiókwa ne sakonatón꞉tha ratiʼronhiakerónons.

Psalms 78:49 ပူးပေါင်းရင်းမြစ်များ

2 Samuel 24:16

Ók nó꞉nenh neraronhiakeró꞉non wathanéntseste iathatókente Jerusalem nahá꞉tonhte, ne Roiá꞉ner tonsahotiriwathénien ne tó꞉sa sénha ishiʼnónwe nahiontatréwate, tánon wahawénhase ne raronhiakeró꞉non tsi rahón꞉ha tahaháwine ne atkaronhniátsera rononháke nonkwé꞉okon, “Kwáh totʼnikónhak; thontashatsanónhnek.” Ne raronhiakeró꞉non ó꞉nenh thóh shières tsi tsetethákwas tkaswenhkarakwenhtaron ne Araunah ne Jebusite nónwe.

Job Tánon ne Raoronhiakensera 1:12

Tánon ne Roiá꞉ner wahawénhase ne Sakoriwaros, “Thóh niiáwenh kwáh tsi naoténsons ró꞉ien í꞉se shasatstenhserá꞉kon eniohnathátere, ók kwáh tó꞉sa enskaréwate ne Job.” Ethò꞉ne ne Sakoriwaros ehrensárete raohénton ne Roiá꞉ner.

Job Tánon ne Raoronhiakensera 20:23

Ne nenhatenekwénhtike ne kwáh iatahoié꞉rihse Rawenni꞉io kwáh enthakáwe ne iothékha raonhakwéntshera niahotiaʼtón꞉ti, tánon enhiokén꞉nore ne raiéronhke.

Psalms 11:6

Aiáwenhs né Roiá꞉ner asakokenhnóreste né ronhnonkwetahétkens né nótsire tánon iontenatentástha í꞉ken. Né꞉ne iotsiatátsahat nowé꞉ron né teonathéntion nahatiʼiéna.

Exodus 12:13

Nonekwénhsa né tsi tehiosohtátie tsi iononhkáronhte kwáh né enkaieronhtsitsʼtákwen ne kanónsohthe tsi nónhwe nisehwénhteron. Nó꞉nen enkatkátho nonekwénhsa, Éneken nenkatoʼhétsthe tsi nónhwe nisewénhteron tánon iáh takwakaréwahthe nónen enhʼkheréwahthe ne Egyptró꞉nons.

Exodus 15:7

Sonwehsenhʼtsheràkon tsi waʼsheʼsénhni ne iesháʼsons ó꞉ni waʼshehiathónte; kwáh íken tsi enshanákwen kwáh tsi ní꞉ioht ne ioʼtsirahtharíhen, tánon ensehiaʼtsiatatʼtsahá꞉te ne iesháson tsi ní꞉ioht ne kawá꞉he.

Isaiah 42:25

Sók kí tahawe:ron rahonhàke ne iotaríhen raoʼnakwáhtshera tánon nateriatitkhóntshera nateriʼiósera; kwáh wathokwahtásete tsi wahoiatáteke, ók iáh kí teonikonraientáhon; wahohiaʼtáteke, ók iáh kí tsèhio ne raweriá꞉ne.

Lamentations 4:11

Ne Roiá꞉ner kwáh thokén:en tsi kasastenserakwékon tahátkaʼwe ne rahonhakwátsera; Wahatsiróten ne Zion nónwe kwáh ohontsiáke wahónni.

Zephaniah 3:8

“Ne káti aorí꞉wa, takwahteráhrat” ráton ne Roiá꞉ner, “asè꞉ken ne thóh enwenhniserá꞉teke kwáh thentekʼtane tsi ní꞉ioht ne ronwathonkwetawenhtháton; asè꞉ken tsi natewatiatoréton ne nakheiataró꞉roke nonkweshón꞉as, nakeró꞉roke tsi nionakeráhsera ne ronnontí꞉io ne nahontakawé꞉ron nakenakwáhtshera rohnonhà꞉ke; akwé꞉kon tsi niiotarí꞉hen nakenakwáhtshera kwáh ohontsakwé꞉kon otsiráhke enwát꞉tsa ne tsi niwakatekéffen.