Psalms 78:42 - Ohiatonhseratokénti

⁴² Rotinikonhrénhen ne raoshaststenhserowanátshera, khés ne tewenniserátekwe nó꞉nen shonsahsakohiatáko tsi nòkwah ne tehontátsionsʼ

Psalms 78:42 ပူးပေါင်းရင်းမြစ်များ

Psalms 106:21

Waʼhonwaʼhiatanikónhren ne Rawenni꞉io, ne seshakoskontákwen, tsi rahónha ne iorihowáʼnenhs rohiothénhen ne Egypt nón꞉we,

Psalms 78:11

Rotinikonhrénhen tsi nahoténsons roioténhen, tánon ne iorihwanerakwahténions sakonatón꞉ni.

Exodus 13:9

Kíʼ ieskáhes kwáh enhiakawehiarásthen, kwáh tsi ní꞉ioht ne thènnen akawéneʼrenke ne sewaʼnentʼtsàkes tó꞉ka ó꞉ni sewakenkwaràhke; ensewehiaràkwen niaʼhisewakonhtaʼkwénhaʼke nahisewakroʼrísehke ó꞉ni sewatéweiensts ne Roiá꞉ner rahoʼianerénsera, tsioríwa ne Roiá꞉ner né wàratsthe ne rahoʼshatsʼtensheroʼwanátshera tsi thonthatsiʼsewahiatíneʼkenʼwe ne Egypt.

Exodus 14:12

Iáh ken tekwahró꞉ri nohénton shonʼtethewahténhni tsi thóh kíʼ nenhiawénhne? Kwáh roʼríne ne tó꞉sa othènnenh takwatsʼtérist tánon toʼnihiotónhak iakwahnáskwa kenhak tsi nokwáh ne Egyptró꞉nons. Sénha ne tsioiánereʼkwe né thóh ahonthaʼhionkhinaskénhnike tsi ní꞉ioht ne kènʼen kahentaʼkeʼkówa ahiakwénheʼie.”

Isaiah 11:11

Né thóh enwenhniseráte ne Roiá꞉ner kwáh kíʼ iaʼthensanéntseste ne tekeníhaton ienwàteratsʼte nahonshaʼsakohiataróhroʼke ne iatehonathaʼthénron ne rahonkwetaʼshón꞉has, né꞉ne Assyria, Egypt, tánon ne Pathros, Ethiopia Elam, Shinar, Hamath, tánon ne kawenhnokwátʼtonhtses ne kaniataraʼkhekowàʼne natentʼtónhne.

Jeremiah 32:21

Iorihwahʼnerahkwahténions wáhsasʼte tsi thonʼthasehiatínekenʼwe ne shonkwetahshón꞉a ne Egypt nónwe. Hén ne kashastsʼténsera ó꞉ni ne kashástsʼte wáhsaste wahotiʼterónkwen ne tehontátʼtions.

Judges 8:34

tánon iáh ónenh teshonwahiótenhse ne Roiá꞉ner Rahotiʼní꞉io, tsi rahónha seshakoniakénton tsi nòkwah ne tehontátʼtsons ne ratihiatatʼthónties.