Psalms 77:19 - Ohiatonhseratokénti

¹⁹ Tsi ionontaʼkwaronhtháties nón꞉we niaháse; waʼteshiáhiake ne kaniatarakhekó꞉wahne, ók kíʼ iáh tehiontkáthos kanón꞉we natasasitaierónhnike.

Psalms 77:19 ပူးပေါင်းရင်းမြစ်များ

2 Samuel 22:8

Ehʼthóhʼne nonhón꞉tsa ontʼtsinonwaténiaʼte tánon watewatkarénron; ne tsikkenskwáhere tsi karonhiá꞉te wahówake tánon watsiowísonkwe, tsioríwa tsi nihonhakwénhen.

Nehemiah 9:11

Tánon ní꞉se wateshekhási ne kaniatarakeʼkó꞉wa ne raotihén꞉ton tánon thóh wahontó꞉hetste ashén꞉non ne kaniatarakeʼkó꞉wa thóh niahón꞉ne ne tsi iahontsiaténhake, tánon ní꞉se wathesenióthako ne ronwathisehréhne thóh niahón꞉ne tsi iotasátahre ne ionó꞉tes kwáh né꞉ne onenhiaʼshón꞉as iewátions ne ionekaʼshátstes.

Job Tánon ne Raoronhiakensera 23:14

Asè꞉ken kwáh enharihwaié꞉rihte tsi nihatianerenhseronhnién꞉ni; tánon tsi niwé꞉so rateʼnikonhrón꞉nis nakerihwà꞉ke.

Job Tánon ne Raoronhiakensera 36:29

Ónhka ken aiakoʼnikonraién꞉taʼne tsi natewatsikerarénies, khéhs ne iowerenhátses ne raothosehrá꞉kon?

Psalms 104:32

Onhwenhtsáke entʼtatʼká꞉tho tánon waʼtsiowí꞉sonhkwe, nék tsi ienhaiéna ne tsi ionón꞉te enwaʼtsienhkwarónh꞉ni.

Psalms 29:10

Né Roiá꞉ner rénskote ne raonitskwáhrane éhʼneken ne tsi nitsaweʼnótonhkwe; ne Roiá꞉ner rénskote ne raonitskwáhrane rotenonhtiʼióston né꞉ne tsi nénhwe enkénhake.

Psalms 97:2

Otsátas tánon ne kwáh tetiokaraskówa kwáh ne tehotsatátons; karihwakwarihshón꞉tsheras tánon kaiáneren né kenskwará꞉kwen ne raonitskwáhra.

Psalms 97:4

Né raówenk tewaʼninekaráwas tekaswatʼthétha nonwenhtsáke; nonwénhtsa watkáthos tánon waʼtsiahonʼontsísonhkwe.

Exodus 14:28

Nʼonèkanos tontònkeʼte tánon taʼkarórohke ne otsiónkwas káseres, ne sakonahtó꞉res ne koshá꞉tens, ó꞉ni ratiʼkwékon ne Egyptró꞉nons ronhterí꞉ios né sakotíseron ne lsarerʼró꞉nons ne kaniatarahʼkheʼkó꞉wa; iáh ne saiáta tsiaʼtesohtaʼténron.

Exodus 19:18

Ohnonhthakwékon ne Sinai tehioienkwaráien, tsioríwa ne Roiá꞉ner tsi thóh nónhwe nathatásenhthe òtsire nikwekonhátie. Noʼiénkwahra thóh ní꞉ioht tsi onhtharátate tsi ní꞉ioht ne karístakon iohienkwarahkéthothe, tánon onhkwetakwékon tehiotenonhianíton tsi ní꞉ioht tsi wahakohiatísonʼkwe.

Habakkuk 3:15

Weʼshasáhten ne satsénen koshá꞉tens tsi waʼteseniatarihià꞉ke ne kaniatarakeʼkowáhne, tánon ne kaniatarakeʼkowáhne onkwatstón꞉ni.

Romans 11:33

Tsi nikowánen ne Rawenni꞉io rahotsiokowátseras! Tsi natehionhótes ne rahonikonraienthátsera ó꞉ni neh rahothokhátsera! Ónhka ahiekwéni naienikonraiénthaʼte tsi natehohiatoretánions? Ónhka ahiekwéni naiakonikonraiéntaʼne ne rahoweiénʼnas?