Psalms 75:7 - Ohiatonhseratokénti

⁷ ók kíʼ Rawenni꞉io séh rarihwénhtha í꞉ken, ótiakes sakorihwénhtha ótiakes iáh tesakonitsheráwis.

Psalms 75:7 ပူးပေါင်းရင်းမြစ်များ

2 Samuel 5:2

Asèken kwáhʼthóh tsi nikarí꞉weskwe, tsi náhe ne Saul shonkwanontí꞉iokwe, kwáh í꞉se tethesehiatinekénʼen Israerʼró꞉nons tánon thontasehiaténhawe. Ne Roiá꞉ner ièn꞉ni ónhka nenhsakotenhnikón꞉rahren nakonkweʼtashón꞉ahs Israerʼró꞉nons, í꞉se ne kwáh ensatkóraste NÍsraerʼronónke.”

2 Samuel 6:21

Táwit wahrénhase ne Michal, “Kwáh raohén꞉ton ne Roiá꞉ner, raón꞉ha ratiataráhkwen tsi ní꞉ioht ne ianí꞉ha tánon ratikwé꞉kon tsi nihawatsíra, ne nahatiataráko nahonkenontí꞉ioke tsi niwatenáskwah NʼIsraerʼronónke, ne raonkwetaʼshón꞉ahs ne Roiá꞉ner, nètho tsi watkenónhniakwe raohén꞉ton ne Roiá꞉ner.

Psalms 147:6

Né Roiá꞉ner sesakokétswas ne tehiontonhnakárias; ne hionkwetahétkens ohontsáke iesakoiatónhtses.

Psalms 50:6

Né tsi karonhiá꞉te wenéstha nètho Rawenni꞉io tsi rorihwakwahríshon, kwáh rahonhatsíwa ne Rawenni꞉io tesakoiatorétha nónkwe. Selah

Psalms 58:11

Nonkweshón꞉has enhiaiéron, “Oriwiʼiohónwe tsi teshonateriwasehrakwénhnis ne tionkwetaiéris; oriwiʼiohónwe tsi káien ne Rawenni꞉io tsi rahónha rarihwénhtha ne tsi ionwenhtsáte.”

Daniel 2:37

Sanontí꞉io, í꞉se aonhá꞉a tehseʼshátste tsi nihá꞉ti ne Rotinontiiò꞉shon. Né Rawenni꞉io ne karonhià꞉ke thèn꞉teron wahianontí꞉iohste tánon wahiaʼshatsténhseron, né ahseʼshátsteke, tánon tahserénhsaronke.

Daniel 5:18

“Ne Roʼshatstenhserowá꞉nen Rawenni꞉io taháon ne iaʼníha Nebuchadnezzar ki kanakeráhsera tshiewakwé꞉kon naoʼshatsténhsera ó꞉ni ne kaiaʼtanehrakwáhtshera tánon ne nahahsennowánnha.

Luke 1:52

Sesakostskȣarakȣen ne ratisennoȣanens, nok neh sakosennoȣanaton nʼiontatkenronnis.

John 15:16

Iah ȣahi ise teskȣaiatarakȣen, ii tanon ȣahi kȣaiatarakȣen, kȣanaktaseronnienni oni, naontonseke akȣekon naonteseȣete, nok aeseȣateiaronhase, tiotkon oni eh naiotonhatie, neh oni ne tsi ok nahoten atsiseȣariȣanontonse ne Rakeniha ii aksennakon, entetsitsion.

Romans 11:15

Asèken ne Rawenni꞉io sasaskokénron, Rawenni꞉io wahsakahónnien naktéshon nontienakerénions ne tsi ionwentsiáte ne rahónha ahʼhonteroserónʼni. Ne káti nónen tensakoróthon, tsi neniáwenʼne nehʼne kwáh oriwihioʼónwe tenskaierontárake tsi ní꞉ioht ne iakawenhéion sahionthónʼnhete!

Galatians 1:15

Nók ne rahotenretserákon ne Rawenni꞉io ratiatarákwen nohénton sakennákerate tánon wahakénhane nahihiótense. Tánon neh siatoriwaiéntase

1 Samuel 15:23

Asèken nahiontenontsistát꞉sate kwáh satewahét꞉ken ne karihwanerahák꞉tshera tsi ní꞉ioht ne tahióntʼkonste, tánon nahiontenontsistanírate kwáh ne ne karihwanerahák꞉tshera ó꞉ni ne kahiatón꞉ni konwasénhnaiens. Tsioríhwa ní꞉se tsi waskénron ne raowenhnaó꞉kons ne Roiá꞉ner, ne raónha kwáh nón꞉ne eh wahiakénron ní꞉se nahisanontí꞉ioke.”

1 Samuel 15:28

Tánon ne Samuel wahawénhaʼse ne Saul, “Ne Roiá꞉ner kwáh waharátion ne sanakerá꞉sera NÍsraerʼronónke nisèke ne kwáh nón꞉wa wenhniseráte, tánon ne tashakáwen ne tesewatonhonsanéken, tsi ronónha sénha rotiʼiánere tsi ní꞉ioht ní꞉se.

1 Samuel 16:1

Ne Roiá꞉ner wahawénhase ne Samuel, “Tohá꞉kwa nikarí꞉wes tsi entsationniónhkwen ne Saul? Ní꞉i rikenronníhon nahonontí꞉ioke ne NIsraerʼronónhke. Ne í꞉senanh ne katshénen aonakarakénʼen ne iakenʼiewá꞉tha kénhie tánon tho iahá꞉se, Ní꞉i kwáh ienkoniaténieʼte tsi thénhteron ne Jesse ne ne Bethlehemró꞉non, asèken ní꞉i neh wakathaterakwénhni ne iatetsiá꞉ti ne ahotinontí꞉ioke ne sakohiohokónʼahs.”