Psalms 75:4 - Ohiatonhseratokénti

^4-5 Kheró꞉ri ne tehontaterénhsarons nahóntkaʼwe tsi tehonathaterénhsaron, Kherihwatháti thí꞉ken ronhnonkwetaʼhétkens nahóntkaʼwe tsi nihonthatón꞉ni.

Psalms 75:4 ပူးပေါင်းရင်းမြစ်များ

Psalms 148:14

Sakoshaststenhseráwi ne rahonkwetaʼshón꞉has, tehonwanonweráton akwékon tsi niorihwatóken, asèken nonkweshón꞉has Nisraeronónke rahiatát꞉ta rónhnes. Tehonwanonweráton ne Roiá꞉ner!

Psalms 68:3

Ók ánion ne tionkwetaiéris ronatonhnárat; ánion ronatʼtsenhnonhníhak rahohénton ne Rawenni꞉io; ánion kwáh ratihiatanahnón꞉hak natonhnaráhtshera.

Psalms 89:17

Asèken í꞉se ne raotiʼshaststénhsera í꞉ken tsi thóh nón꞉we nihotiʼiatanerákwat; Né꞉ne sashaststenhseroʼwanenhkó꞉wa waʼhonkwasniénon tsi waʼhakʼkhisénhni ne hionkhíshons.

Psalms 94:8

Í꞉se ne tionkwetaksenskweʼokónha, onhnontiéren tsi nió꞉re tsi tesewaʼtenonwaroʼríhtonhte; tisewaʼtón꞉nokte, kát꞉ke onhtèken iahisewaʼnikónroʼte?

Psalms 97:5

Né tsi ionhnontarónhnions waʼkawistanáwenhne tsi ní꞉ioht notsikhéta aiewistanawénhte, raohénton ne Roiá꞉ner káien né tsi rahónha ohontsakwékon tesakoniarótaron nonhkweshónhas ne tsi ionhwenhtsáte.

Proverbs 1:22

“Tsón꞉kwe ne tesewatenonhwarorí꞉tonte! To nikarí꞉wes iáh thaiesewaʼnikonhrá꞉take? To nikarí꞉wes entsonʼweskwenní꞉heke thaietshié꞉ron ne kaweientéhtshera, iáh kenh nonwén꞉ton thaiesewaweientéhtaʼne?

Proverbs 8:5

Áreʼkok kenh tshiekaié꞉ri tsi nisateʼnikonhríson? Satéweienhst ahsateʼnikonhrísa. Tesatenonhwarorí꞉tonte kenh? Satéweienhst ne aiesaʼnikón꞉rote.

Proverbs 9:6

É꞉ren sewatatiaʼtenhá꞉wit tsi nón꞉we nihón꞉neʼs ne iáh tehonttókha tánon entsónhnheke. Né꞉ʼe sewáhsehr ne karihonnienníhtshera.”

Zechariah 1:21

Wahkeriwanónhton, “Nahó꞉ten tsi kén꞉en rón꞉nes nahothihiò꞉ten” Wathariwaʼsehrá꞉ko, “Tahón꞉ne nashakothì꞉teronkwe tánon nahshakothishatstenhseráhkwa nonhkweshón꞉a né꞉ne kwáh teshakonaskwáhseron tsi iowenhtsá꞉ien ne Judah tánon tehiakokthokwáhton nahonkweʼtashón꞉a.”

1 Samuel 2:8

Teshesakotástha ne iakó꞉ten thóh okenrá꞉ke; saʼkoiatakarátats ne tsiaʼkotokʼtáni thóh tsi iokenratstòkoto ne wakenrontákwen, ensakahónhnien skát꞉ne róntsien ne niothinontiʼiotserása tánon ne enhatiʼiéna ne anitskwára ne tekarénhsaron. Asèken ne tsi kanawahatótons ne tsi ionwenhtsá꞉te ne raówenk ne Roiá꞉ner, tánon ononháke renskwáhere ne tsi ionwenhtsá꞉te.