Psalms 75:3 - Ohiatonhseratokénti

³ Nó꞉nen ne tsi ionhontsáte enhiówaʼke, tsehatikwékon né thóh ienákere, kwáh séh Í꞉i enkerihwaʼnírate ne tsitʼkenskwáhere. Selah

Psalms 75:3 ပူးပေါင်းရင်းမြစ်များ

Genesis 18:25

Oriwiioʼón꞉we tsi iáh thahsheiáhtonʼte ne iáh teiakohnhí꞉kon skátne ne rotihnhí꞉kon, tshieiorí꞉wakon nenʼné꞉eh! Iáh thahskwé꞉ni neh náhshiere. Tókaʼ thóh nénhshiere, ne iáh tehotihnhí꞉kon skátne enhontré꞉wahte ne rotihnhí꞉kon tsheiorí꞉wakon nenʼ né꞉eʼh. Ne Shakorihwènhtha nohontsakwé꞉kon ó꞉nenk tsi thóh nenhá꞉iere tsi nitkarihwaié꞉riʼs.”

2 Samuel 5:2

Asèken kwáhʼthóh tsi nikarí꞉weskwe, tsi náhe ne Saul shonkwanontí꞉iokwe, kwáh í꞉se tethesehiatinekénʼen Israerʼró꞉nons tánon thontasehiaténhawe. Ne Roiá꞉ner ièn꞉ni ónhka nenhsakotenhnikón꞉rahren nakonkweʼtashón꞉ahs Israerʼró꞉nons, í꞉se ne kwáh ensatkóraste NÍsraerʼronónke.”

Isaiah 24:19

Ne tsi ionwenhtsáte kwáh í꞉ken tsi tehioríhon, ne tsi ionwenhtsáte tehiotó꞉re asénhnon, ne tsi ionwenhtsáte kwáh í꞉ken tsi kashátste tsi iowákon.

Isaiah 49:8

Né aoríhwa rá꞉ton ne Roiá꞉ner: Nó꞉nen shesaianerásthen tekonrihwaserakwéni, né tewenhniseráteʼkwe ne kaiatakeʼnhá꞉tshera konsnié꞉non; koniatienawáhstonʼne tánon tkonhiawíhon tsi ní꞉ioht naʼterihwaseronhniátshera nonkweʼtakwékon akorihwáke, né naʼkarihwakwathákwenhke nonhóntsa, takaiakhónhionke ne iahontsaiesáhon tionhontsaʼshónhas;

Hebrews 1:3

Renésta tsi naʼteioswátʼte ne Rawenni꞉io raohiatanerakwátshera tánon kwáh teshiatiéren ne Rawenni꞉io tsi niʼrónnhe, ne tsi nihioshatstenserowánen ne raowennashón꞉ʼa ne iotsenawastánion tsi orihwakwé꞉kon. Sahariwaié꞉rite ne kaʼnikonrénhtsera tsi nihiakoriwáneren nokwetaʼkwékon, karonhiá꞉ke ionsahátien shaweientetákwen nokwáti ne Ní꞉io, ne Rohshatsʼtenserowáhnen.

1 Samuel 18:7

Tánon ne konnón꞉kwe watʼkonthateriwákwahse tsi nakontenikonró꞉ri, “Ne Saul sakononwarhiaʼkhónhnion tewahniawehetseráhsen nihá꞉ti, tánon ne Táwit raón꞉ha nènhne sakonʼnonwariákhon noié꞉ri tehonnenhwenʼniaweʼehtserásen ní꞉hati.”

1 Samuel 2:8

Teshesakotástha ne iakó꞉ten thóh okenrá꞉ke; saʼkoiatakarátats ne tsiaʼkotokʼtáni thóh tsi iokenratstòkoto ne wakenrontákwen, ensakahónhnien skát꞉ne róntsien ne niothinontiʼiotserása tánon ne enhatiʼiéna ne anitskwára ne tekarénhsaron. Asèken ne tsi kanawahatótons ne tsi ionwenhtsá꞉te ne raówenk ne Roiá꞉ner, tánon ononháke renskwáhere ne tsi ionwenhtsá꞉te.

1 Samuel 25:28

Ahsatthontátʼtsheke shasanikónren tsi natahioterenhtawehriéhon ne sanhá꞉tshera; asèken ne Roiá꞉ner kwáh oriwihiohónwe tsi enhianontí꞉ioste ní꞉se, ó꞉ni tsi waswatsiratátie, asèken í꞉se saterí꞉io ne raoterihiósera; tánon ne kariwahatkénsera iáh tahkattsiénronhke ne shonháke kwáh tsi nikarí꞉wes enshón꞉nheke.