Psalms 74:9 - Ohiatonhseratokénti

⁹ Iáh teiakwatʼkáthos nonkwaniataráha; iáh ónen ónhka tesénhteron ne rotó꞉kenhse, tánon iáh ónhka tehioteriénhtare thóh kíʼ nenhkariwésonhke tsi thóh nenhiotónhake.

Psalms 74:9 ပူးပေါင်းရင်းမြစ်များ

Exodus 12:13

Nonekwénhsa né tsi tehiosohtátie tsi iononhkáronhte kwáh né enkaieronhtsitsʼtákwen ne kanónsohthe tsi nónhwe nisehwénhteron. Nó꞉nen enkatkátho nonekwénhsa, Éneken nenkatoʼhétsthe tsi nónhwe nisewénhteron tánon iáh takwakaréwahthe nónen enhʼkheréwahthe ne Egyptró꞉nons.

Lamentations 2:9

Naʼtenhenrashónhas ne tiothiʼiatháten tsi hiostókote, ne thekarenwaniónkwes kénk níwas thehiotsákons. Ne Ronnontí꞉io tánon ne rathisennowánens ó꞉nen ronahnakerákwen. Ne kaianerénsera iáh ó꞉nen thesonwatirihonniénni, tánon ne iehatiriwákens iáh othénen tesesakorihothasénnis ne Roiá꞉ner.

Ezekiel 20:12

Wákson naʼiekweniénsthaʼke nawenhthatokéntike né nawenésthonke naʼteriwahsehronhniátshera tsi naʼteiakwáhtere, né nakheiehiarahkwen tsi Í꞉i, ne Watiá꞉ner, khehiatató꞉kentiston.

Ezekiel 7:26

Tse tsiononterásehrons ne kariwaieshá꞉tsheras, tánon ioriwató꞉ken tsiʼnihioʼnáhote ne kariwáksens entewawéronhke. Kwáh ensehnéken ne rotitó꞉kense nahatirihotáshi tsi nahó꞉ten nohénton thonatʼkáton. Ne rotikháres kwáh iáh thahóten tahotiʼiéntake nashakotirihónnien nonkweshón꞉a, tánon ne rotitstenhokónhas kwáh iáh tahóten tahotiʼiéntahke nashakonatenhnikónhron.

Amos 8:11

Ne tsi nikawistáhets kwáh orihwiiohón꞉we tsi tá꞉we, rá꞉ton ne Roiá꞉ner Rawenni꞉io, ne nó꞉nen kwáh entkaténiete natonhkarià꞉kon ne tsi ionhontsá꞉te; iáh ne nahiakokʼkwahnorónsthen, khés naiakonekanorónsthen, ók ne nahiakotónhtene ne raowenhnaó꞉kons ne Roiá꞉ner.

Micah 3:6

Ne káti aorì꞉wa ne sarihwà꞉ke thóh nienhiotónhake tsi nahtetiò꞉karas ne tsi niwasónhtes, iáh othé꞉nen thatahonshesatierónhnionse, tánon thentsokaráseke ne sarihwà꞉ke, iáh othé꞉nen tahonsaiesarihotháshien; Ienkará꞉kwenhne rononhà꞉ke ne rotitokénhse, tánon ne tsi niwenhní꞉seres thentsiokaráseke ne raotirihwà꞉ke.

Micah 3:7

Ne rotitokénhse kwáh enhonwanatehá꞉te, né ronthiatonserátkenhse kwáh enhonwanateháte; kwáh ratikwé꞉kon rontsá꞉nakes enhónste tsi enhatiró꞉roke ne tsi ratisaká꞉ronhte, tsiórih tsi iáh tehatiié꞉nas ne tekarihwasehrá꞉ken ne Ní꞉ione nahontá꞉we.

Hebrews 2:4

Kwáh tóh nikaháwi ne Rawenni꞉io iaháieste ne rahorihwahnirátʼtshera ne rononháke tsi nahatiʼieriánion ne iorihwahnerakwahténions ó꞉ni ne ionerákwat tánon tsi nataréniaʼte ne atathawíhtsheras ne Roʼnikonratokénti tsi nitohnikonriʼióʼon.

Judges 6:17

Ne Gideon waʼtarihwasehráko, “Tó꞉ka shenrenhtí꞉ios tsi nòkwah ní꞉i, knahótenk táskon nakarihwanírathe tsi kwáh í꞉se Saiá꞉ner í꞉ken.

1 Samuel 3:1

Nón꞉wa ne raksá꞉a Samuel ne roteriwatsteristénhnisʼkwe ne Roiá꞉ner raohén꞉ton ne Eli. Ne raowénhna ne Roiá꞉ner kwáh wakén꞉rekwe nètho shiʼwenhniseraténionsʼkwe; neh iekariʼwá꞉ken iáh íhnón tsi thatewahreniáton.