Psalms 74:2 - Ohiatonhseratokénti

² Sehiehiárak ne shonkwetaʼshón꞉ha, tsi nikáien ne satonkwetaʼráhkwen ne waʼhónhnise tkènhne, Né꞉ne kwáh í꞉se sehiataráhkwen ne shonkwetaʼshónha aʼhónton. Sasehiáran tsi iohnón꞉te ne Zion, tsi nón꞉we ieshiterónhtaʼkwe.

Psalms 74:2 ပူးပေါင်းရင်းမြစ်များ

Psalms 106:40

Eʼthóhʼne ne raonakwáhtshera ne Roiá꞉ner né wahatʼtsenhanétakwe tsi nòkwah ne onhkweʼshón꞉ha, tánon waʼshakokénhron ne kwáh rahónha raʼhonkweʼtashón꞉has;

Psalms 135:4

Asèken ne Roiá꞉ner Jacob rohtonkwetarákwen, ne Israerʼró꞉nons kwáh rahónha rahonkwetaʼshón꞉has í꞉ken.

Psalms 33:12

Iakotáskats nonkweshón꞉ha rahónha ne Rawenni꞉io Raotiʼiá꞉ner í꞉ken, nonkweshón꞉has ne sakohiatará꞉kwen rahónha kíʼ rahonkwetashón꞉has ronatón꞉hon.

Psalms 68:16

Nontséren kíʼ tiónkwe tsi nítion thóh nón꞉we nisewaterénhnaiens tsi Ionón꞉te ne Bashan, sewahnó꞉sen wáʼhi tsi nateietʼtsikánere tsi nihá꞉ti thóh nón꞉we nihonterénhnaiens, ne tsi ionón꞉te tsi nón꞉we ne Rawenni꞉io nihothaterakwénhni tsi nénhwe thóh enhenterón꞉take?

Psalms 77:15

Né꞉ne sashaststénhsera sáston tsi sesehnónstaton ne shonkwetaʼshónhas, né tsi nitonatwatsiríhnon ne Jacob tánon Só꞉se. Selah

Psalms 9:11

Thetserihwákwas ne kanonweratónhsera ne Roiá꞉ner, ne rotkoráston né Zion nón꞉we nihénteron. Satʼró꞉ri ne raohioténhsera nonhkwé꞉ne.

Psalms 9:12

Tsi nikáien né sakáriaks tsi nòkwah né shonaterihwatewáton wasakoiénterene né shakotironhiakéntha; iáh tehatarónhtsiens tsi natehonséntʼthos né kaienawaséhtshetra.

Psalms 94:14

Asèken ne Roiá꞉ner, iáh tasakotewenhtethe ne rahonkwetashón꞉has; iáh tasakoré꞉kwahte ne rahónha rahonkwetaʼshón꞉has í꞉ken;

Exodus 15:13

Sahriwaʼtóken tsi nisahrahrátʼston, washeʼhenténhse nonhkweshón꞉ʼa ne sheʼsehniaʼkénton; né꞉ne shasastsʼténshera wáʼsasthe tsi washeʼhiasárine tsi niahónʼne ne iohontsiaʼtoʼkentíke.

Exodus 15:16

Kaʼterónhtshera tánon ne tioʼtónʼnekt wahoʼtìrahne. Rontʼkháthos ne kashatsʼténsera, Ó Saiá꞉ner, tánon iáh othénnen tehaʼtísta tsi nihoʼtíteronhs tsi nióre ne shonʼkwetashón꞉ʼa roʼthinenhrahʼseronhniʼhátie tsi waʼsakonaʼtohétsʼten— nonhkweshón꞉ʼas né sheʼsehiathotharíshion tsi ronhwatinaʼskónhnisʼkwe.

Isaiah 51:11

Né ká꞉ti ne shesakoiatákwen ne Roiá꞉ner kwáh iensónhne, tánon tentʼthón꞉ne ne Zion tsi tenhotiʼrihwakwenhátie; né꞉ne tsi nénhwe natonnhárat enká꞉raʼke ne ratinontsínes; kwáh kí enhatiʼiéna natonnhárat ó꞉ni natsenhnonniátsheras, tánon ne kanikonraksénhtsheras ó꞉ni naiakahónsene tsi éhʼren enwé꞉te.

Isaiah 62:12

Kwáh né enhonwatiʼnatón꞉kwahke, “Ronhnonkwetaʼtokénti, Né꞉ne seshakohiatákwen ne Roiá꞉ner”; tánon ní꞉se né entiesahiákʼtieke, “Kahiatisá꞉kon, né Kanatowanénhke iáh Tekonwatewenhtéton.”

Isaiah 62:6

Né tsi satenhenró꞉tons, Ó Jerusalem, thóh tekhetáston ne ronterí꞉ios nahonthenhnikonrá꞉ren; né tsi niwenhniserésons ó꞉ni tsi niwasontésons kwáh kí iáh nonwénhton sák tahontatón꞉ni. Í꞉se ne tsi tsiʼsewehiarakwénhnis ne Roiá꞉ner, tó꞉sa ahatoríhsen,

Isaiah 63:17

Onhnonʼtiéren, Ó Saiá꞉ner, tsi tationhniénhnis naʼiakwatewénhteʼte ne saweiénhnas tánon takwarihasanírats, né kí né tó꞉sa akwatʼtsanísehke? Sasát꞉tat né raoʼtirihwáke né sanhatserashónhas, né raoʼtirihwáke né í꞉se senhtiókwas né kwáh sawenkʼhónwe.

Isaiah 63:9

oriwakwékon ne raoʼtironhiakénsehras. Iáh rariwakaré꞉nies tèken khés ne raronhiakeró꞉non akénhake ók né tsi kwáh thóh í꞉reskwe né sahotiʼnónsthaʼte; raonoronhkwahʼtsherákon tánon raoʼthenratsherákon tsi shaʼsakoniákente; tesakohiatákwen tánon sakoʼhiathenháwiswe kwáh tsi niaʼtewenhniserá꞉keʼkwe né wahónhnise thènhne.

Jeremiah 10:16

Ne Jacob Raoní꞉io kwáh iáh thènen thateskahieróntare; rahónha séh norihwaʼkwékon rohshahánion, tánon Israel washaʼkohiataráko ne kwáh rahónha rahonkwetaʼshón꞉a ahónton. Né ne Roiá꞉ner Roshastsʼtenserowánen ne raosénna.

Jeremiah 51:19

Ók ne Sakoní꞉io ne Israerʼró꞉nons iáh ne kahiatónhni tèken! Kwáh rahonhatsíwah norihwahkwékons rohshahánion tsi nihiothánions, ne rahonkwetaʼshón꞉a thóh ratiʼhiátareh, kwáh rahónʼa shakokweniénston. Né꞉ne Roiá꞉ner Roshastsʼtenseroʼwáhnen ne raoʼsénhna.

Acts 20:28

Kwáh káti sewatatennikonráren ó꞉ni kwáh kanenrakwékon tsi nitsisewatakweʼniaʼiénni ne Ronikonratokénti. Thóh nihiotónhak tsi sewatennikonráren ne Rawenni꞉io rahononsatokénti tsi ní꞉ioht tsi sakothinikónrare ne teiotinakarontón꞉a sakotinikónraʼre, tsi raónha rahówenk iotónʼon tsi ronekwáhon ne Roiénha.

Deuteronomy 32:9

ók ki ne Jacob tsi nitotwatsirí꞉non raónha nénhne wahathonkweʼtará꞉ko.

Deuteronomy 4:20

Ók í꞉se kíʼ ne tsónhkwe ne tsi tsiʼsewaniakénton ne Egypt nónhwe, né꞉tho tehiotonʼkwanònhiani ioté꞉kha. Thatsisewahiaʼtínekenhwe natsiʼtsiónhnien ne raónha rahonkweʼtashón꞉a ahisewá꞉ton, tsi ki nónhwa ní꞉ioht nónhwa wenhniserá꞉te.

Deuteronomy 9:26

Tánon ki rahonhà꞉ke ne Roiá꞉ner iakaterénhnaien, ‘O Saiá꞉ner Ní꞉io, tó꞉sa sehiá꞉tont ne kwáh í꞉se shonkweʼtashón꞉a, tsi ronónha sheseniakénhton thóh sashatstenʼserá꞉kon, ronónha tethesehiaʼtinekénhen ne Egypt ne wáshatste ne kaʼshatsténhsera ó꞉ni ne sashatstenhserowaná꞉tshera.

Deuteronomy 9:29

Asè꞉ken ronónha ne kwáh í꞉se shonkweʼtashón꞉as, ronónha ne teteseiaʼtinekénhen ne shátston ne kaʼshatstenhserowá꞉nen ó꞉ni ne sashatstenhserowaná꞉tshera tánon tsi nateshatewehiakaráhwen.’

Titus 2:14

Iehotatatʼkáwen ní꞉i onhkwariwáhke, nahonsahshonkwaniákente ne kwák tsi nahiotónhake ne kariwáksenke tánon nashontiónnien kwáh orihwí꞉io rahónha khók rahonkwetaʼsónha ahitewáhton ó꞉ni kwáh tahionkwasterihénseke ioiánere tsi naitewáhtiere.

Revelation 5:9

Orénhnase wathatirihwákwe: “Í꞉se ne sarí꞉onte nasatháwa ne kahorotakwenón꞉ni tánon ne tasnhetsiá꞉ke, asè꞉ken í꞉se ne iesanonwarhià꞉kon tánon né꞉ne sanekwénhsa seskarhiaténhni ne Ní꞉io raonkweʼtashón꞉as rotiiatatokéntis né꞉ne kwáh tsi niateiakotsokwáhkes tánon tsi niateionronkhatserá꞉ke ó꞉ni nonhkweó꞉kon tánon ne ronhnonhontsakeró꞉nons;