Psalms 74:19 - Ohiatonhseratokénti

¹⁹ Tó꞉sa sehiatewénhtet ne iahoténen tehatístas shonkwetaʼshón꞉has rononháke ne ratiniakáts꞉tes tehontátʼtions; tó꞉sa sehiatanikónhren ne tsi ronhnón꞉nhe ne rotíthen shonkwetaʼshónhas.

Psalms 74:19 ပူးပေါင်းရင်းမြစ်များ

Psalms 10:12

Tétann, Ó Saiá꞉ner, Ó Sewenní꞉io, í꞉tsient; tó꞉sa sehiatanikónhren ne iontateroniakéntha.

Psalms 68:10

né shonkwetaʼshónhas thóh nón꞉we nahonthatíteron; né tsi nithisarihwaʼiérih, Ó Sewenní꞉io, í꞉se tasehiatʼkáwen ne tehiotonhnakárhias.

Psalms 68:13

eʼthohʼsáne tsi éhthoh nón꞉we nikontiterónhtaʼkwe tsi nón꞉we nikonwathiteronhthákwah ne teiotinakarontónhas ó꞉nenh kíʼ né thiʼtsiotiróhron ne kawistaráken, tsi kíʼ ní꞉ioht ne oríte ne ioterohrók꞉ton nahonerahón꞉tsa.

Psalms 72:2

Waʼkaterénhnaien karihwaʼkwahrishontsherákon tsi ensakoríhwenhte ne shonkwetaʼshón꞉has, tánon ne iakóten tkarihwaʼiéri tsi ní꞉ioht tsi asakoríhwenhte.

Psalms 9:18

Asèken ne iakonoronsténhnis iáh kíʼ tiókonte tahonwaʼtihiatanikonhrénhʼen, khés ne raonarahrát꞉tsera ne ionthateronhiakéntha tahatihiatháton tsi nènhwe akénhake.

Song of Songs 2:14

O aktsiʼténʼa orí꞉te, tsi teionitstenróʼren, Thóh, tsi iokarónton nostenrákes. Takeríhon nakonhkonsáke, takeríhon nakonwenhnáronhke, asèken tsi natesawenhnatsikhétare, tsi nisatʼkathotsherí꞉io.

Song of Songs 4:1

Ah, tsi nisatʼkathotserí꞉io, konhnonrónkwah, ah, tsi nisatʼkathotserí꞉io; ne skarákes kwáh ne ne orìte nonákens ne tsi sataharó꞉ron. Ne sanónwis kwáh ne ne ronatiokowanens kaiatákeras, Roʼnanontatsnentonhátie tsi ionontakáʼrenre ne Gilead.

Song of Songs 6:9

Ók natʼtsítha, ne nénskat ne tsiakoriwaiéri kwáh iáh ónka ne satahontaionátʼteke; iáh othénen thaiontateriwatsénhrhiase tsi nòkwah nonhtatenisténha, iontatenónhwes tsi nikáien ne iontatenakerakátston. Kontekwé꞉kon ne nitiotiiónhsas wakonwatʼkáto tánon watkonwarensárons; iekaníhare ne iotinontí꞉ios ó꞉ni ne rotinontí꞉ios raotiskareshonahs tekonwarénsarons tsi niiwatkatotserí꞉io.

Isaiah 60:8

Ónhka né kí꞉kens tsi nihatítses kwáh né꞉ne tsi iotsatarónhnions, tánon kwáh né꞉ne orítes iatehatíthens tsi tsononstonʼkwahkáronhte?

Zephaniah 3:12

Tánon thóh sewanenhrí꞉hen enkhetéron ne iakonithénton tánon ne iáh tehionthatón꞉ni; tánon kwáh ne enhiakésake nahiontekwáhsen thóh raoshén꞉nakon ne Roiá꞉ner.

Matthew 10:16

Etho niiot tsi iakȣatori tsiniiot ne teiotinakarontonha okȣahotserokon iakonȣanatori, seȣatatenikonrarak kati seȣanikonriiohak oni.