Psalms 74:1 - Ohiatonhseratokénti

¹ Ó Sewenní꞉io nontséren tsi thóh kíʼ ní꞉ioht tsi waskwahkénron kwáh kén tsi nénhwe enkénhake? Kwáh kén tsi nénhwe ensehnhákwaʼse ne shonkwetaʼshónha?

Psalms 74:1 ပူးပေါင်းရင်းမြစ်များ

2 Kings 21:14

Kwáh enkehiatsakwahríhʼshi nonkweʼshón꞉ʼas niaʼtenonathátere, tánon thó ienkeiátʼkaʼwe ronón꞉hake ne teontát꞉tsons, roʼnón꞉ha nènhʼne enʼonwaʼtisénhni tánon enhonwaʼnonhontsanénsko.

Psalms 10:1

Nontiéren, O Saiá꞉ner, tsi ahínon nióre tésehte? Nontiéren tsi satasehton nó꞉nenh thènen tekanikónhrahre?

Psalms 100:3

Sehrihwanírat nètho Roiá꞉ner rahónha ne Rawenni꞉io í꞉ken. Kwáh rahónha sonkwahiatíshon, tánon rahónha shonkwaienhokónha; tánon né꞉ne tiónkwe ne teshonkwariwásnieʼse.

Psalms 18:8

Takaienhkwahrínekenʼne tsi tehanionhkáronhte, tánon nó꞉tsire ne iakothóntha tsi raʼsahkáronte takahiákenʼne; ne ioswenhthathékha rahonháke nontáwe.

Psalms 42:11

Tsi nió꞉re tsi waʼkenikonhrák꞉sens, Ó akwahtón꞉nhets, tsi nió꞉re tsi tewakanikónhrahre? Kwáh Rawenniʼióke nón꞉we nénhtsen nakwahrahrát꞉tsera, asèken shé꞉kon kíʼ thenshiʼnonhweráton, rahónha sahkeskonthákwen tánon akeʼNí꞉io í꞉ken.

Psalms 42:9

Rahonháke ne Rawenni꞉io, né tkákenes, enkí꞉ron, “Onhnontiéren tsi tatiatanikonhrénhʼen? Nonhtiéren tsi tiókonhte ahonkeronhiákenʼke né tsi nihionkateniakatsthénhni ne iónkswens?”

Psalms 44:9

Eʼthohʼsáne waskwatswaténien tánon waskwahtéhate, tánon iáh ó꞉nen teseskwahtsiatará꞉nis nonhkwentiókwah ronhterí꞉ios.

Psalms 50:1

Né Roshaststenhserowanenkó꞉wa, Rawenni꞉io rahónha ne Roiá꞉ner í꞉ken, iesakonatónnions niakahontsakeró꞉nons kwáh tsi nentkarahkwínekenʼne noronhkéne tsi tsenskaráhkwenhne nokarasnéha.

Psalms 60:1

Ó Sewenní꞉io, takwahtewenhtéton, tánon takwahsénhnion; sanakwénhenhne; ó꞉nenh kí saskwahrihwasehrón꞉nien!

Psalms 60:10

Iáh kén teskwahtewenhtéʼton, Ó Sewenní꞉io? Iáh kén taʼisewateró꞉sen nontionkwetaʼshónhas ronterí꞉ios nahisewaterí꞉io ne hionkhíshons.

Psalms 77:7

“Né Roiá꞉ner enshonkwatewénhtete kén tsi nénhwe enkénhake, tánon iáh nonwénhton thatahontahorihwaiérihke?

Psalms 77:8

Né iorihwaʼtó꞉ken raonoronhkwáhtshera iehiotsiákstsi ken? Tsi nihorahráts꞉ton iehiotokʼtáhon kén ne tsi nénhwe í꞉ken?

Psalms 78:1

Sewaʼtahonsí꞉iosts, Ó akonkwetaʼshón꞉has, naʼkerihonnienhnítseras; sewaʼtahónsatat nowenhnashón꞉has ne tsitsakáronhte entkaiákenhne.

Psalms 79:13

Eʼthóhʼne í꞉i ne iatiónkwe, kwáh né꞉ne teiotinakaronhtónha ne sahentáke kónhnes, kwáh tsi nénhwe tsi enkwahiatanerákwaʼte; kwáh tenhiakwatereseranétaron tsi entsakwatroríheke ne sanonhweratónhtshera.

Psalms 79:5

Tohnikaríwes, Ó Sewenní꞉io? Kwáh kén tsi nénhwe enkénhake tsi ensanakwénhenke? Kwáh kén ne waʼtekéfas sanhakwáhtshera enhióteke tsi ní꞉ioht ótsire?

Psalms 80:5

Tásʼtsion ne kanikonraksénhtshera naiákwahke kwáh tsi ní꞉ioht tsi iakwahnátaraks tánon okaséhrihs aiakwahnekíra tsi ní꞉ioht tsi iakwahnekíra nonèkanos.

Psalms 85:6

Shé꞉kon saskwasasténhseron, né ká꞉ti nahónton ne shonkwetaʼshónhas nahoʼnatonnárake shonháke?

Psalms 95:7

Asèken rahónha nonkwahʼNí꞉io í꞉ken, rahónha rahonkwetaʼshón꞉has ionkwahtón꞉on rahónha teshonkwahriwásnieʼse, tsi kíʼ natesakoriwásnieʼse ne teiotinakaronhtónha. Sewatahónsatat nón꞉wa wenhniseráte tsi nahoténsons ratónhnions!

Exodus 32:11

Ók ne Mahís wahoniténhthase ne Roiá꞉ner Raoní꞉io tánon wahénron, “Saiá꞉ner, nonhtiéren tsi thóh nióre tsi asehnákwahse ne shonkwetasónhas, tsi nikáien ne sesheniakénton ne Egypt né꞉ne kashatsʼtenserowánen ó꞉ni kashatsténsera?

Isaiah 64:8

Nek kík sá꞉ka, Ó Saiá꞉ner, í꞉se né onkwaní꞉sera í꞉ken; í꞉i nonawasthaʼkarí꞉io nahakwahiatóten, tánon í꞉se né takwatʼtietónhni; iakwahkwé꞉kon í꞉se shaʼtsanàke hionhkwahiaʼtíson.

Jeremiah 23:1

Tsi naʼtenhiotenonhianitónhake ne Roiá꞉ner rahorewahthátshera roʼnónhake ne ratikóras rohnónha shaʼkonathóntha naʼkonkwetaʼshón꞉a ó꞉ni teshaʼkonarehniátha. Ne teshontiérens ne sahkotinónhna ne teiotinakarontónha tánon sahkonathóntha nakitsenenhókonhs!

Jeremiah 31:37

Tó꞉ka katkesón꞉ʼa ne tsi karonhiáte ahiotónʼon nahontheniéntenhke ó꞉ni ne tsitʼkenskwáhere ne tsi ionwenhtsiáte ahiotáshionʼke, thóh ne khók enshaʼkokénron nonhkweshón꞉a ne Israerʼró꞉nonhke tioríhwah norihwahkwékon tsi nihonahtiéren. Ne Roiá꞉ner wahatáti.

Lamentations 5:22

Kátonʼken tsi nénwe tsi takwakenronníʼon? Iáh kén tiehiótokʼte ne sanahkwátsera?

Ezekiel 34:31

“Í꞉se, nakhitshénenh teiotinakaronhtónha, ne kentiókwah ne khenónhtens, í꞉se nakonhkwetashón꞉ʼa, tánon Í꞉i ne sewah Ní꞉io,” ráton ne Ronhnontí꞉io Roiá꞉ner.

Ezekiel 34:8

Tsi niʼiohriwí꞉io tsi Í꞉i ne konhnhehónwe Ní꞉io, ioiánere naskwahthahónsahtate. Nakitshenenhókonhs teiotinahkaronhtónha konhtírhio iakonhwahnatsathónti nètho wakonhwahtírhio tánon wahkonhwathiwáhrahke tioríhwa tsi iáh kanekaʼtèreskwe ne sakonikónhrahre. Nakonhkwéta ne sakonikónhrahre iáh tehoteniénten nasakohiatishá꞉ke ne teiotinahkarontónha. Ronónha ronhtatenikonhráhrakwe tánon iáh ne teiotinahkaronhtónha.

Luke 12:32

Tosa seȣateronn, seȣententsihon nitsion ok; thonikonriiohonse ne Etsiseȣaniha naetsitsion ne raonakerasera.

Deuteronomy 29:20

Ne Roiá꞉ner kwáh iáh tahonsahonikónhrenhse ne nihionkwetó꞉ten. Khékok, ne Roiá꞉ner ne iotékha rahonakwáhtshera kwáh enkenhtonhkowanáthe ne raonhà꞉ke, tánon akwé꞉kon ne karihwaiesáhtsheras ne kahiatónhnion ne kén꞉en kahiatonhserá꞉kon kwáh enhosénhne tsi nió꞉re ne Roiá꞉ner kwáh thokén꞉en enhothón꞉te.