Psalms 73:5 - Ohiatonhseratokénti

⁵ Iáh tehatironhiákens tsi ne ní꞉ioht notiakéshons; iáh othènen thatehonanikónhrahre tsi né natehiakonikónhrare notiakéshons.

Psalms 73:5 ပူးပေါင်းရင်းမြစ်များ

Job Tánon ne Raoronhiakensera 21:30

Ne ronhnonkweʼtahétkens ronwatinónstats ne tsi tewenhniséronte ne atkaronhniátshera; entonwatiiaʼténhawe nentewenhniserá꞉te ne kanakwáhtshera.

Job Tánon ne Raoronhiakensera 21:6

Nó꞉nen ne enkanonthón꞉nionʼwe enwakateronhièn꞉then, tánon tiatakwé꞉kon ontsiatitshiónkwe.

Job Tánon ne Raoronhiakensera 21:9

Ne tsi rotinonshó꞉tons iáh teká꞉ien nahioteronhtónhake, tánon ne Rawenni꞉io raoniáh iáh teotíras.

Psalms 73:12

Thóh nihatihiatótens ne ionhkwetahét꞉kens; tiókonte tonaterákare, tahotiʼkwatsehonhá꞉tiek.

1 Corinthians 11:32

Nók ne Roiá꞉ner teshonkwahhiatorétha ó꞉ni shonkwahrewáhtha, né꞉ne tóhsa skátʼke tsi aionkiréwahthe ne tsi ionwenhtsiáte.

Hebrews 12:8

Tóh꞉ka iáh teiesharewáhton, tsi ní꞉ioht ne rohnátiakes ne shakoiohokónhas, ne kéntons tsi iáh thóhʼkenske tetsisewaienokónhas, nók tiʼietsihiatewéton.

Revelation 3:19

Enkheiaʼtewenhnaién꞉tonhwe tánon enkheriónhnien tsi niiá꞉kon ne khenorónhkwa. Kwáh kíʼ tasewaʼnikonrakontakwénhak, ne aorí꞉wa, tánon sasewatatré꞉wat.