Psalms 73:22 - Ohiatonhseratokénti

²² Tewaʼkatenonhwaʼrohríhtonte iáh othènon tewakenikonhraiéntas; thóh niwaʼkatatiéren tsi ní꞉ioht ne katʼtshénen tsi nòkwah ní꞉se.

Psalms 73:22 ပူးပေါင်းရင်းမြစ်များ

Job Tánon ne Raoronhiakensera 18:3

Nontié꞉ren tsi é꞉tho nitshionkí꞉te tsi ní꞉ioht ne kontiʼtshé꞉nens? Nontié꞉ren tsi nateskwahkánere tsi ní꞉ioht ne iáh tahionkwarihóntake?

Psalms 32:9

Tó꞉sa iakosátens tahonsehsewaʼtsérenhke khés ne tewahóntes, né꞉ne iáh othènen tehotinikonhrahiéntas, né nenhʼné꞉e ónenk tsi waʼteristanonhtáhas khés natkonwarotharók꞉tha enthoniniarotaróhke, tó꞉ka iáh kíʼ tsatákʼta thanésehke.

Psalms 49:10

Tsík ónhka aiekwéni nahiontkátho shé꞉kon kíʼ nonʼné꞉e ne ronhtenikonratthókas ronhnihéions kíʼ, kwáh satèhiot ne tehiakotenonwaʼroríhtonhte tánon ne tsiakotónhnokte. Akwékon etʼiekáien ne raonattsiokowátseras ónhkak akorénstsi entsiakohiatatériste.

Psalms 69:5

Ó Sewenní꞉io, sateriéntare tsi natewaʼkatenonhwaroríhtonhte; tsi natewaʼkaterienhtaweriéhon iáh kíʼ tesatherihwaʼsehténhni.

Psalms 92:6

Nek khók ne teiakotenonwaʼroríhtonhte iáh taiekwéni nahiakonikonhraiéntaʼne, ne tiakotónhnokte iáh taiekwéni nahiakonikonraiéntaʼne kí꞉ken:

Psalms 92:7

Né ionkwetahét꞉kens thóh ní꞉ioht tsi ronhtehiárons tsi ní꞉ioht ne kahontát꞉senhs tánon ratikwékon ne ratihiothenhserát꞉senhs rotiʼianerasthénhnis, eʼthóhʼsáne kwáh kíʼ tsi nénhwe tsi enhonwaʼnátonhte,

Proverbs 30:2

Katshé꞉nen sénha tho nitiaʼtò꞉ten tsi ní꞉ioht ne ón꞉kwe; iáh tho té꞉ioht tsi wakeʼnikonhraién꞉taʼs tsi ní꞉ioht ne tsón꞉kwe.

Ecclesiastes 3:18

Iatewakeriwaiénthaʼse ne Rawenni꞉io tsi sonkwatenientʼtha, tsi iáh sénha óia tethewahiató꞉tens tsi ní꞉ioht ne konhtitshénens.

Isaiah 1:3

Né tehonákares tionhnónskwahron rátsinn roienhtérih né raotshénen, ne tewahón꞉tes roteriénhtare tsi nón꞉we nihatekwahtahástha tsi nón꞉we nihonóntens ne rahiatakwení꞉io; ók né Israel iáh né tehioteriéntare, nakonkwetaʼshón꞉ʼas iáh tehotiʼnikonhraiéntas.